Search

Sentences 5,651 found

• Msnpqdu ku mhiyu peapa tdruy ungat tleengan do ini ku peapa tdruy nkana da.

  我爲了搭車沒有位子呆站著時就不搭公車了。
• Tmnpqdu ku mhiyug kmnegrung dupan o ana qmiyut ka kuwi labis ini ku klglug.

  我呆站著在獵場的獵物出入口，即使被蚊蟲叮咬也不動。
• Prqdgan kuna mgay puniq mriqi ka lupung mu o ini mu baani ana kingal samat.

  我朋友隨便給我彎的槍，我連一隻獵物都射不中。
• Pspdaan mtahu paah tqring dudux ka qrul o bitaq pusu thdu sqama ini kphing.

  把蛇木從末稍點燃時，一直延燒到根部都不會熄滅。
• Spsping su lipax nanak ka dnuuy ni ini su pspingi ka quri ruwan o aji malu.

  妳把錢花在外表的妝扮，妳卻沒有內在素養是不好的。
• Msnpudul ku tmulit buji mu sprang na bi ssbu btunux do ini ku qqaras hyaan.

  我爲了他故意射石頭弄斷我的箭鏃，我對他感到很不高興。
• Gnqapah mu hangan dha ka qngqaya wada hadun tdruy o ini peydang ana kingal.

  我黏貼名牌器具車子運走時一個都沒有遺失。
• Msnqarat ku laqi ini enduwa qmarat ka qratan laqi do ini ku pqarat yaku da.

  我為了托兒所沒有好好的照顧小孩我就不要他們帶小孩了。
• Ppqbling na rmngaw knmalu nuda na sjiqun ka bukung ki o ana ima ini snhiyi.

  那領袖經常對人說謊他的政績很好，沒有人相信。
• Wada ptgqeiluq qsurux gsilung ini tduwa qluqan mhuqil ka tnhiyan mu mskuri.

  我做苦工的同伴因吃了不能生吃的海魚而死。
• Gmnqnaniq smku ini na gmuki ka seejiq saw triq ki o wada ha uqan ngiyaw da.

  那貪吃的人只放食物沒有蓋好，就被貓吃了。
• Ini endwai smku ka buwax o empqrangas nanak qntqitan qowlit ka lubuy buwax.

  白米沒有收好米袋會被老鼠亂啃。
• Msnqrqur nami gmbling qcinuh xiluy naqih qnrqur na do ini ku sadu hyaan da.

  我們為了他鑽的鐵板洞不好而發生爭執，我就不雇用他了。
• “rgakay ta smbu nayay ka tbaqa msbkug skaya” msa ku o ini sruwa ka tama mu.

  我說：「我們用散彈射飛行中排列的白鷺鷥」時，我父親不允許。
• Aji kkraraw musa ptasan ini skla matas ka laqi su o ttui mmgrbu bi kdjiyax.

  避免你孩子到校上課遲到，每天要很早叫醒。
• Ma su sprbagan phuma knan ka djima su, nasi ini keudus o iya smriq knan ha!

  你為什麼在夏天叫我去種你的桂竹，如果沒有活你不要怪我哈！
• Pnrbangay na ini pnegaya ka laqi na ga o endwaun na tmgsa do mnegaya bi da.

  他曾為那不自律的孩子後悔，他好好教導後很自律了。
• Mkmrimu ku pgaaw bukung qpahan nsgan o ini angal kana ka seejiq alang hiya.

  我想競選鄉長行賄時，那部落裏的人都不接受。
• Musa ku qmita wauwa o pprngaw mu sunan hug? ini ku hari kla rmngaw ka yaku.

  我不太會講話，我去提親時，我請你講好嗎？
• Rpaay ta mangal haka pila pnsku na ka seejiq kiya msa ku o ini tduwa rpaan.

  我想詐騙提那個人的存款時，無法被欺騙。
• Ini su phuma pnegalang o asi qrqun tuyuq smeura seejiq mkan pnegalang hici.

  你不種植水果的話，以後別人在吃水果時，你就吞口水羨慕。
• Wauwa Truku sbiyaw o ini pnegrubux dqras msping, ida nkiya ka qnsjiqan dha.

  以前的太魯閣族小姐沒有化妝修容，她們是自然美。
• Ini tuku ka gasil qnawal do, asi kealu gasil nuqih kana ka alu qlubung nami.

  因鐵絲拉線不足，所以我們只好用苧麻纖維當延長線。
• Paah musa sgbalay tnhiyan na mnegbalay seejiq do ini saw bahu ka laqi mu da.

  我孩子自從去跟老實人在一起，就不再說謊了。
• Mkleelug ku endaan su do saman ku na dhuq hini mkleelug su o psramal bi han.

  我沿著你走過的路的話 ，我早就會到這裏。
• Sthangan na mnegslagu lnglungan ka laqi na o ini pneglngu hi ka qnseejiq na.

  他以正直給孩子取名但他沒有那樣的人格。
• Asi kkaxa mtaqi hini isu sun ta ka empaadawi o asi pkhhiyi malu bi tnaqi na.

  我們對懶惰的人說你就在這裏睡一天時，他就真的照著睡的很好。
• Ana asi hyai rminu rmngaw ka wauwa ki o ida saw skkmeumal ini sruwa rngagan.

  那個小姐無論怎麼說服，還是更加不答應。
• Ttlowyan na smais lukus ka kuyuh kiya o ini na tuku tbyaxan ka kingal jiyax.

  那婦女為縫製長袍一天忙不過來。
• Plupung su masug ga, hbaraw duma ka kingal ruwan sapah do ini pnegsdka kida.

  你要分每一戶各一份的話，有的家人口多，會不公平的。