Search

Sentences 5,285 found

• Pnhluluy na dxgal hrus ka sunu snii o huya na qjii ka tapaq paru sipaw gaga.

  上次因坍方的坡地滑動的土幾乎把對面全都流失了。
• Kmnkarih ku rngagan qmita quwaq na saw kupan ga o kla knlnga na hi quwaq na.

  我把他嘴巴被講時看成很固執的樣子，原來他嘴巴天生就是那個樣子。
• Kkmeumal na smtrung kari rudan ka laqi gaga o ga sknriwa bi msru tama na da.

  加倍頂撞父母的那個孩子被他父親毒打了。
• Ana asi hyai rminu rmngaw ka wauwa ki o ida saw skkmeumal ini sruwa rngagan.

  那個小姐無論怎麼說服，還是更加不答應。
• Mmmsnulug ku bi emprngaw aji mu nklaan wauwa o ‘paq’ si kuna smipaq baga da.

  我正要和巧遇不認識的小姐說話時，她「paq」的打我一巴掌了。
• Ppneenru mu sunan muda kmaraw ka djima mu ga hraan lxi gaga hug? Sduun misu.

  我請你多次去整理我那長竹筍的桂竹好嗎？我給你工資。
• Ga spmblux seejiq ka kingal tnunan blbul gaga, mtbnaw do yahun na mangal da.

  那一整串香蕉已經給人訂了，等粗的時候他才會來拿。
• Ttpsleetu nami qmpah hidaw rbagan o paah bbaraw hidaw ni bitaq mribaq hidaw.

  我們經常在陰涼的夏天陽光下工作，是從上午十點到下午兩點。
• Sppudung mu isil baga pqeepah ka llingay sapah mu o malu bi gasut endaan na.

  我請一隻手斷掉的人來我家周圍工作，他做的很徹底。
• Ga msnramas tuqir samat “bowyak” msa ka taxa o “rqnux” msa ka taxa dha gaga.

  他們為了獵物路徑不明顯，一位說：「是山豬的」，另一位說：「是水鹿的」而發生爭執。
• Ma su lu msnrsuk karat ungat phdagan naqih kuxul da, ida maah ka malu karat.

  你怎麼為了陰天沒辦法晒東西而難過，一定會有好天氣的。
• Gmnegaus ku snkrigan kyikuyuh alang hini o ki ka wada mu psbragan pusu mami.

  我收集了這個部落女人剮麻後的餘皮，用來堆爛在橘子的根部。
• Iya iyah sghagat malu bi pnsbkgan nami hini, usa nanak hmagat msbkug ka yamu.

  別來我們已經組好的隊伍，你們自己去組隊。
• Pshlpis bi gmimax emu btunux gmimax bnaqig smmalu sapah qpras ka seejiq gaga.

  那個人常用攪拌砂石不足的水泥來蓋房子。
• Aji na kkdax mhuqil ka tama su o pshriji rmngaw, taga kingal laqi su han ksa.

  為了不讓你爸爸「kdax」斷氣，跟他說遲延死亡的時間等待一個孩子前來。
• Ma mnegklabi bi na ka laqi gaga msa ku o kla mkrak qnyutan labis ka klabi na.

  我想那小孩怎麼那麼喜歡掀開眼皮，原來他的眼皮被蚊子咬得發癢。
• Kmnngani ku bi cih uqun ka rabuh mu mneuray bi gaga, msiqa ku do malax ku da.

  我很想說留一點食物給我那肚子很餓的情人時，我不好意思就放棄了。
• Tmpklug nami msangay rbagan laqi matas musa pngahi yayung ka yami alang hiya.

  我們部落那裡正值孩子放暑假時去河川釣魚。
• Rnisuh matas hnyigan pada ga o ppragak mu psluhay pstalang buji laqi na snaw.

  那山羌的圖案，是我用來訓練他兒子射箭的活動靶子。
• Ima ka pnpalit hgliq bgurah bi bluhing mu gaga, mtbus ku manu tmikan payay da?

  我那新的簸箕是誰弄破碎的，我搗的稻穀要用什麼篩了？
• Ini sruwa smkuxul rsagan mu ka tama na do gmpangus dqras tmaan na ka wauwa da.

  她父親不同意女兒喜歡我兒子時，她就對父親板著臉生氣。
• Tpphug basaw kana ka alang nami hiya sayang o tmaga ku kciyan mu masu ka yaku.

  我們部落現在都在採收小黍，而我在等待我小米的採收期。
• Kmnpudung ku baga qmita ka seejiq ga o kla knlnga na hi llbu bi paah pncingan.

  我把那個人看作是斷手，原來他生下來手就很短。
• Qmnrqruq ku gmeuqu qmita psisuk ni tbbagan mu smraki hiyi bguliq o ini tjiyal.

  我把白鶺鴒誤認白頭翁設套腳陷阱以血桐樹果當誘餌，捕不到。
• Klbii ka csrusuq bi dowriq laqi su gaga, yaa manu ka ga tmihung dowriq na pini?

  去掀開你那眼睛一直掉眼淚孩子的眼皮，不知有什麼異物在他眼睛裡面？
• “ppmkaxa mu sunan ka kari pnaah bi lnglungan mu” msa quri rsagan ka wauwa kiya.

  那小姐對男孩子說：「我內心的真心話，我後天對你說。」
• Msnpaut nami empgeeluk paga paan qhuni o shjiq mu hyaan ni mhaal ku ka yaku da.

  我們為了搶向內彎的揹柴架而爭執，我讓給他，我就用扛的了。
• Gmnpgu ku kingal lituk ka shkawas o hbaraw seejiq miyah marig wada dha psnagan.

  去年我種一甲地的紅藜，有很多人來買去釀酒。
• Gnpstuq mu nghak tmaga dmuuy baga ka tama mu o hmici msa snga quwaq ni wada da.

  我按著父親的脈搏等待斷氣時，他張口就斷氣了。
• Tmnqlubung ku rbagan ka yaku o shtur ku bgihur do wada qhdu sburaw ka samat da.

  我夏天設的套腳陷阱因颱風受阻，獵物全都腐爛了。