Search

Sentences 45,425 found

• Gnkray mu dxgal ka phmaan payay slaq o “ini tduwa kiya, asi ka phmaun qmpahan slaq” msa ka bubu mu.

  我把水稻種在旱地時，媽媽對我說；「不可以，一定要種在水田。」
• Miri o kika msriqu bi tunan, mkla miri ka kuyuh Truku o kika mowda hakaw utux msa ka kari bnhangan.

  浮織是最難織的，傳說會織浮織的太魯閣族婦女才能通過靈橋。
• Msnnngani nami uqun hmut seejiq ka laqi, msluluy nami snaw mu, ma saw ki tnegsaan su laqi sun kuna.

  我們為了孩子向陌生人說要保留食物給他，先生跟我發生爭執對我說：「妳怎麼這樣教孩子的。」
• “prnaaw mu mhuma ka kingal pusu krig su ga hug” msa ka kari o rnibaq musa qmita wauwa Truku sbiyaw.

  「我要繁殖你的一根苧麻好嗎？」這一句話是以前太魯閣族去提親時的隱喻。
• Babaw bgihur paru do saw skpudung rucing saan dha mapa sungu dha nhapuy kana ka seejiq mtahu qhuni.

  所有燒柴火的人颱風過後總是去揹漂流木燒火煮東西。
• Kmnruhaw ku gsilung qmita ka ruhaw yayung do “ma lu muda alang ka ruhaw gsilung da” msa ku mskluwi.

  我把海嘯看作是河流湍急的水波時，我驚訝的說：「海嘯怎麼會沖過部落了呢？」
• Sknkkkarang mu mksa qmita ka ga tmayan ruwan sapah ga o kla ga dmuuy galiq ssrus kmaraw ruwan sapah.

  我把在客廳的那個人看作是爬著走路，原來是在用抹布擦拭清潔客廳。
• Gmnluway bi hru na ka payay pnhmaan mu dxgal mdngu o psaan mu sapuh dxgal do gisu mgbrih embiyax da.

  我在乾地上種的稻長得原本枯萎的樣子，我施肥後逐漸恢復長的好了。
• Mkmmsnulug ku bi ka mnegseesu bi ni kmsdrudan bi wauwa o ‘yahan, laqi su bi niya na,’sun ku bubu mu.

  我很想巧遇文靜且孝順的小姐，我媽媽對我說：「慢一點，你還很小。」
• Aji bi mnsa nngani ku cih uqun seejiq ka emblaiq seejiq ga o maanngani ku cih uqun seejiq sayang da.

  那從來沒對別人說留一點食物給我的富有人，現在變得會對別人說留一點食物給我了。
• Sknnngani misu sngqslan xiluy liwaq ka laqi mu kuyuh o mqneuqu ku embahang, mangal ku xiluy liqa da.

  我把你對我說留銀戒指給我女兒，我誤聽成拿金子了。
• Msnqdal ku knan nngari qnqan saw klabuy qraqil nbuyas bowyak do hksaw ku mnarux nbuyas aji mu eekan.

  我為了他給我吃剩下的山豬肚皮時為了不要吃，我假裝肚子痛。
• Mnda thngay lubuy buwax ka buwax trabus pnsaan dxgal do maarsug bi wada yahan qmtqit mkan qowlit da.

  放在地上滿袋的花生米，被老鼠啃到底袋了。
• Sknruway mu smkuxul ka wauwa mkla bi tminun pniri ga o “wauwa nirih su qbsuran snaw” msa ka baki mu.

  我把很會織浮織的女孩子當作是親戚以外示愛時，我祖父說：「他是你堂哥的女兒。」
• Mkmkil bi tmgeeru kksa tnhiyan na matas ka laqi mu o hghagan bubu na rmngaw do o “ini ta kla Bu” msa.

  我孩子很想學同學跛腳走路被媽媽輕輕的說了，他向媽媽說：「媽，對不起！」
• Knkkndadal na pusu pneurung sapah mkuy muhing kacing paqun pupu tunux phuqil ka tama su o mkla balay.

  把牛綁在房子撐木上用斧頭劈牛頭宰殺，你父親最會。
• Sknkneywa mu ptqlahang rmngaw kari laqi qmita ka bubu na ga ‘nun, nun’ msa bsiyaq bi rmngaw lqian na.

  我把媽媽久久「nun, nun」的對她孩子說話，看作是嚴厲的對孩子警告。
• Pppadus su hluug smmalu ka laqi o mha mtucing ka bnkiyan na bhngil dudux hluug ga, ini su slhbun hug?

  你叫孩子做長竿火把的話，他綁在長竿未端的芒草會脫落，你不擔心嗎？
• Sknrkbuh mu nbuyas tngi nkan nhapuy ka knshjil kuyuh ki o “aji mu nkan” sun kuna do tayal siqa mu da.

  我把懷孕的婦女看作是飽的大腹便便，她對我說：「不是因為吃」，我對她不好意思了。
• Sknkmeumal mu rmngaw kari niqan brihan sjiqun ka seejiq ki o kla su ha kari na o pqraqil kuxul seejiq.

  我把那個人當做說話加倍造就人，原來是說讓人傷心的話。
• Wada ptgneenru musa murus sapuh kuwi qmpahan mu slaq ini bubung quwaq mhuqil ka seejiq snduan mu kiya.

  我多次雇用去我水田噴灑殺蟲劑的人，因沒有戴口罩而死。
• “mnegrabuh mu bi ka wauwa kiya” sun mu ka rudan mu o “kruyay ta ka quri sapah na han” msa ka rudan mu.

  我對父母說：「那小姐很適合做我的情人。」我父母說：「我們先觀察她的家庭。」
• Iya psnrsug gmeeguy sqmu seejiq ka laqi su wada qrapun knsat naqih kuxul ini su endwai nak tmgsa euda.

  你不要為了你孩子把別人的玉米偷光被警察逮捕而難過，你自己沒有把他教好。
• Ida ini pndka ka knkla kndsa Truku ni Klmukan , Ida mha ini pneglngu hmjiyal ka kari uri o. Aji kiya.

  太魯閣族與漢人的文化背景不同，若要適切的從中文翻成我們族語是不容易的。
• Msnkala nami peapa tdruy bahu empgeeluk mowsa matas o saan mu psruwa rmngaw do mqqaras nami mtnhabuk da.

  我們為了爭著搶搭公車上學，我去向他道歉後，我們快樂的互相擁抱了。
• Ga tppmsnulug lupung dha miyah rmigaw qmita nyusan Skangki mniq sbrigan uqan shiya ka wauwa 5 hiyi gaga.

  那五位小姐都在花蓮美食店巧遇她們來花蓮觀光的朋友。
• Ana mu pkbrahan paalax mkan lumak ni mimah sinaw ka snaw mu o ida ini tnjiyal, qmita laqi do o malix da.

  我雖然臨時叫我先生戒菸戒酒，他堅持不戒，看到孩子出生後就戒了。
• Sqnqral mu peapa tdruy kacing ka tdruy pupuk kahaw paru do snbu ku pusu hakaw knriwa ku mangal luqih da.

  我把騎重機當作坐牛車一樣打瞌睡時，我撞到橋墩重傷了。
• Msnrangi ku ini mu tuku uqan ka nhapuy ga, saw saman asi ku rangi ini dha qhjii mkan nirih mu tnegsa da.

  我為了所留的飯不夠我吃，隔天我把他們吃不完的就留著來讓他們知道。
• Tmmsnulug lupung bsiyaq ini qtai ka Truku sbiyaw o ‘lita lita sapah, uqa ta nhapuy han’ msa kmsteita dha.

  以前太魯閣族人巧遇很久沒有見面的朋友，就親切的說：「走吧！走吧！到我家，先吃個飯。」