Search

Sentences 4,425 found

• Mkmpadus su tutu djima smmalu o asi su ka psramal ayang samaw, galiq ni putung.

  你想做桂竹筒火把的話，你就必須預備媒油、布和火柴。
• Tppayi msa knan ka kana 5 risaw ga do yaa kgeinu ka ngalun mu ama o meydang ku.

  那五位男子都稱呼我岳母，不知道我要挑哪一位成為我的女婿，我糊塗了。
• Gnpstuq mu nghak tmaga dmuuy baga ka tama mu o hmici msa snga quwaq ni wada da.

  我按著父親的脈搏等待斷氣時，他張口就斷氣了。
• Tmnqlubung ku rbagan ka yaku o shtur ku bgihur do wada qhdu sburaw ka samat da.

  我夏天設的套腳陷阱因颱風受阻，獵物全都腐爛了。
• Kmrdu ku tdruy ngangut sapah nirih mu tama o “ini tduwa, phdagan mu payay” msa.

  我想在叔叔家的庭院停車時，他對我說：「不可以，我要曬稻榖。」
• Gnririh mu pila pnsku tama mu o jiyun matas laqi, ida kika hnici kari rudan mu.

  我承繼我爸爸的存款是要用來給孩子讀書，這是爸爸的遺言。
• Sprungut kuna btunux psping ngangut sapah ka tama mu o yaasa saw kika hiya uri.

  我父親讓我用鐘乳石裝飾庭院，因為他也是這樣。
• Qmnrusuq ku qmita prdax sapah ka qbsuran mu snaw o kla rdax samaw bilaq dowriq.

  我以為哥哥點亮的是蠟燭，原來是小燈光。
• Sqnrusuq mu prdax sapah ka ayang ga, saw saman do mqalux ka bling muhing mu da.

  我把油燈像蠟燭一樣點亮屋內時，隔天我的鼻孔裡都是黑黑的了。
• Qtaan mu mtgbreebu ka ga mu psaan gasil do mdamat endaan samat ka sayang uri da.

  我看到我放陷阱的地方被人破壞，現在變成荒涼沒有獵徑了。
• Mnegkgkak bi tuqir samat bbuyu pha gasil krpuhan ni misan ka rudan Truku sbiyaw.

  以前太魯閣族人很喜歡在秋、冬摸黑找獵物的窄徑設置陷阱。
• Tmnlnglung ku euda mu tmabug mirit o mgay dxgal tbgan mirit 10 lituk ka tama mu.

  我考慮要養羊的事時，我父親就給我十甲地來牧羊。
• Tnpadus tutu djima kha ga o snalu nsgan Bsuring psramal mqaras smiyan Mgay Bari.

  有那麼多桂竹筒火把是秀林鄉公所做的，預備慶祝「Mgay Bari」祭。
• Tmnphing nami sqama dgiyaq ka shiga o wada ptgphing tahut mhuqil ka kingal nami.

  我們昨天火燒山去救火，我們其中一人因救火而死。
• Ptgprpaw ptbiyax na mksa skribut mkeangal kukuh sntama tluling qaqay ka tama mu.

  我父親爲了在破曉時急著走，絆到腳拇指甲因而脫落。
• Tnpspdu mtahu bnilaq knrtan qhuni ga o smayan na kmlawa aji ttgaluk sqama sapah.

  那點燃鋸木剰屑的人，很費力地防範以免延燒房子。
• Ana mnarux gusug rumul ka tama mu o gnquru na bi mkan sinaw ka wada madas hyaan.

  我父親雖然得肝癌，因他更愛酗酒而死。
• Ana narux ssibus shmu tmnquru bi mkan lala qmsiya ka tama mu o ki wada na seusa.

  雖然有糖尿病我爸爸糖越吃越多，為此而病逝。
• Gnratuk mu 3 mneudus babuy rmuhug ka qalu o mtuku mu spcsiyus damat kingal idas.

  我由三頭豬的板油熬成食用油，夠我一個月炒菜用。
• Msnrqdug ku mtqnay musa bbuyu ni wada nak ka hiya do ana kingal samat ini angal.

  因為欺騙我要一起狩獵而自己去的，連一隻獵物沒獵到。
• Kmrurul ku bi kuyuh o “raraw balay kiya, ungat saw ki ita Truku” sun ku tama mu.

  我想娶兩個老婆時，我父親對我說：「絕對不可，我們太魯閣族沒有這種習俗。」
• Ppdusun dha psqama ka bgiya o uqun dha ka buwax na ni rbgun dha sinaw ka bubu na.

  他們拿火把燒虎頭蜂，他們把蛹吃了，成蜂拿來泡酒。
• Msntqnay nami tama musa maduk ka yami qbsuran mu snaw o ini adas knan ka tama mu.

  我與哥哥一起搶著跟父親去追獵時，我父親不帶我去。
• Saw skradax rnguung gmisil qmpahan ka tama mu o kingal bi hngkawas do msburaw da.

  我父親總是在田地用山黃麻巨木橫擺做土堰，一年就腐爛了。
• Iya psnramas dma su naqih kuxul, sai rmbung balung rudux ka tunux bqrus rudan su.

  不要為了你做模糊不清的惡夢而傷心，到你父母的墳墓前埋雞蛋。
• Mmruhug ku bi trabus nngari nhuma do “iya rhgi, peetung ta mhuma” msa ka tama mu.

  我正要焦炒剩餘的花生種時，我父親對我說：「不要焦炒，我們要補種長不出來的。」
• Kmnkhma mu qcinuh qhuni ka pucing do “ini psdhriq kiya, duuy khma” sun ku tama mu.

  我把獵刀當作刨木板時，我爸爸對我說︰｢那不會刨平，用刨刀。｣
• Kmnkil ku qmita kksa nirih mu tama o kla seejiq mndka bi nirih tama mu hnyigan na.

  我把繼父看作是跛腳走路的那個人，原來是身材長得跟我繼父很像的人。
• Kmnskngkingal ku qmlubung bowyak o “Prgani saw tuqir na qmlubung.” msa ka tama mu.

  我本來想要放置少量的山豬陷阱，但我父親說：「沿著牠的足徑去放。」
• Dmpnpun tmikan hlama smdangaw hidaw uqun lupung mniyah ga o yaa jiyax hmnuya pini?

  那些太陽高掛了才開始爲來賓搗糯米糕的人，不知道之前在做什麼？