Search

Sentences 449 found

• Gnkdat mu psluhay tmutuy mmgrbu ka laqi kuyuh ppmkay na sapah.

  我讓女孩學習「kdat」的每天早起立刻做家務事。
• Kmnluhay ku tmucing pucing paah laqi o balay bi tgluhay ku da.

  我從小就想習慣鑄造獵刀，真的習慣了。
• Tmnpdaus ku mk7 jiyax smluhay tunun pniri o kmsmsa ku mkla da.

  我學了七天織浮織的紡紗，我終於會一點了。
• Ptqnay bi knan miyah smluhay smkrig lqian na kuyuh ka bubu na.

  她的母親很願意讓她的女兒跟我一起學習剮麻。
• Niqan saw hmnang ka bbuyu o pruyuk bi psluhay knan ka tama mu.

  草叢裏有聲響時，我父親會讓我磨練潛伏獵物。
• Tmneelu ku pnsluhay buan mu paah bilaq ni mssngari jiyun mu da.

  從小我從母親學習節儉而使我富足有餘了。
• Mkla su bi mkraaw yayung o pnkraaw suna psluhay tama su hay ga?

  你很會涉水過河，是你父親訓練你的是嗎？
• Ppluhay na pcinun gupuq uraw knan ka baki mu gigit bi ttgsa na.

  我的祖父為了要我習慣編高山細竹的飯盒，他堅持要教我。
• Ppasas na knlhkah psluhay peapa laqi o ini tkla mapa mshjil da.

  他讓孩子習慣揹輕的揹物就揹不動重的了。
• Pbyaaw mu psluhay tminun towkan jiyun na nanak ka laqi mu snaw.

  我要讓我生手的兒子練習編織他自己要用的背網。
• Muda nami dowras o speapa mu tmaan na luhay uda dowras ka laqi.

  經過懸崖時，我把孩子讓給習慣通過懸崖的爸爸來揹。
• Mkmphadut ku sunan musa ku smluhay mgriq tdruy msa ka risaw su.

  你的兒子對我說：「我想請你送我去學開車。」
• Tnphadut laqi mu musa smluhay smais ga o qbsuran bubu na kuyuh.

  那託人送我孩子去學裁縫的是孩子的大姨媽。
• Mskuy bi misan siida, spshuriq kuna psluhay mkbbuyu ka tama mu.

  冷冬時，我父親訓練我淋溼打獵。
• Kkdgsay nanak ka slhayan su o iya tkdayaw smluhay, gnhani gasut.

  你要學理線就按步就班不要什麼都學。
• Pppaci mu psluhay rmgrig grig Truku ka laqi mu kuyuh mtgsa grig.

  我要請舞蹈老師訓練我女兒活躍的跳太魯閣族舞蹈。
• Pprqraq su qhuni psluhay laqi o qlhangi bi, eniq kiyig hika isu.

  你讓孩子練習砍樹時，你要小心地在旁邊看著。
• Emptkraaw ku yayung smluhay eusa mu mangal seejiq qnluli ka yaku.

  我專心學習涉水過河是要救溺水的人。
• Miyah sgphug qnawal ptgmiya dnamux sapah smluhay knan ka laqi na.

  他的孩子來跟我學綁茅草屋頂壓條的鐵絲。
• Pnragak kuna smluhay smbu qraqil mirit nulan na gasil ka tama mu.

  我父親讓我學習射他用繩子綁了羊皮的活動靶子。
• Ini hari philaw laqi snaw ka rudan Truku, psluhay peekan knskiyan.

  太魯閣人不太會讓男孩子蓋被子，使他們學習面對冷天氣。
• Nasi su mkmknegrung o asi su ka musa smluhay seejiq kmnegrung han.

  如果你想埋伏獵物窄徑出入口的話，你必須先向做過的人學習。
• Ma su lu skribug hyaan ka musa smluhay smmalu da, usa isil ka isu.

  為什麼你要纏著跟他去學技術，你去別的地方。
• Pshgaw mu mangal lala hari pila ka empgeeguy ki han, mluhay bi da.

  我向那偷竊的人要多一點罰款，累犯了。
• Gmkngkingal su keelgan kari smluhay o kari ima ka msleexan slhayan?

  你學的各種語言，哪種語言很容易學？
• Ppkskus bi psluhay ka tama mu o nksha ku inu embiyax uqun knskiyan.

  我父親常常磨鍊我冷到凍僵，不然我有什麼能耐抵抗寒冷。
• Wada sgpgriq asu skaya meapa seejiq smluhay ka kingal laqi mu snaw.

  我的一個兒子去練習開客機。
• Pnpslumux na psluhay tminun brunguy ka laqi na o mkla bi sayang da.

  她磨練過他的孩子編背簍，現在很會了。
• Tmnrangay nami asu skaya smluhay tmgjiyal ka shiga o malu bi rngayan.

  我們昨天觀賞軍機空戰演習很好玩。
• Tmnegluq ku rusuq psamaw o hbaraw bi ka miyah smluhay ssalu dha uri.

  我做蠟燭就有很多人來向我學。