Search

Sentences 391 found

• Pnhiyug erut qrul smmalu sapah ka Truku sbiyaw o ini ksburaw sgsayang.

  以前太魯閣族蓋房屋用蛇木做柱子不會很快腐爛。
• Aji biyaw dhuq ka pcingan tdruy do emplealu ku mhiyug rhngun tdruy da.

  快下車時，我要站在車門準備下車。
• Ga tmrkbuh nbuyas bubu kacing na aji biyaw mtucing wawa na ka tama mu.

  我的父親在欣賞她母牛的肚子，大腹便便的快生小牛。
• Pnpaci na qmpah ka qpahun na o ini na biyaw qmhdu ni malu bi endaan na.

  他積極做他負責的工作，他很快完成而且做得很好。
• Smpphpah bi ka smkaway bqrus seejiq o ungat saw kika gaya Truku sbiyaw.

  告別式時常用很多花，以前太魯閣族沒有這樣的傳統習俗。
• Mnsa ngangut ka Truku sbiyaw o prisuh pusu pneurung sapah ka sulay dha.

  以前太魯閣族上過廁所後，他們的屁股擦在房子撐柱的底部。
• Saman sun kuna han, ini bi biyaw maamkaxa sun ku duri naqih bi kuxul mu.

  原本跟我說好明天的，很快又跟我說後天，我心裡很難過。
• Masu Truku sbiyaw o mrana bi dagan, smka bi buwax ga maakingal liwas da.

  以前太魯閣族的小米煮起來會增多，搗過的半粒小米粒會變一大鍋。(太魯閣族神話故事)
• Ini hari pnegrqdug ka seejiq Truku sbiyaw o na ta srngaw bi laqi sayang.

  以前太魯閣族人不太會欺騙，我們應該要好好的告訴現在的孩子。
• Ttqala nami dmmhaw rgrig Mgay Bari Truku o asi gqsahur nuda rudan sbiyaw.

  我們站著觀賞太魯閣族感恩祭舞蹈，祖先的文化觸動人心。
• Mmrpa ku bi hyaan do ini biyaw mgriq tunux na ka seejiq ki o malax ku da.

  我正要詐欺時，那個人頭腦反應快，我就放棄了。
• Nqral su mgriq tdruy siyaw elug dowras o aji su bi biyaw priyax dowras da.

  如果你打瞌睡在懸崖邊的道路駕車的話，你一定很快墜落懸崖了。
• Sknrbruk mu sumiq lukus ka qtahi sqapah lukus o ini biyaw mhrhur ka qtahi.

  我把附著在衣服上的螞蟻像衣蝨一樣用火焰燻時，螞蟻很快掉落下來。
• Mhada ka hiyi qhuni kliyut o ssibus ni ssiqan tutu djima laqi Truku sbiyaw.

  桑樹果成熟時味甜，而且以前太魯閣族的孩子放入竹筒裡搗成醬汁。
• Truku sbiyaw o sknrisuh dha qalu siyang aji ssgirang pucing ka ratuk rudux.

  以前太魯閣族把雞板油當作豬油擦槍枝來防銹。
• Wauwa Truku sbiyaw o ini pnegrubux dqras msping, ida nkiya ka qnsjiqan dha.

  以前的太魯閣族小姐沒有化妝修容，她們是自然美。
• Knpnru na quri nuda mangal tunux pais Truku sbiyaw ka baki su o mnbahang su?

  你祖父所敍述以前有關太魯閣族出草的故事，你聽過嗎？
• Iya psnrurut pakaw mssmriq smbut, endkai smbut binaw, aji namu biyaw qhduun.

  不要為了砍荊棘攀纏的地方互相推卸，你們一起砍看看，你們很快就完成。
• Gnragu mu qbulit rmisuh ka puwa laqi mu rbnaw o ini biyaw mtucing ka puwa laqi.

  我用了白灰燼來塗抹嬰兒臍帶的末端，嬰兒的臍帶很快就會斷掉。
• Mnegkgkak bi tuqir samat bbuyu pha gasil krpuhan ni misan ka rudan Truku sbiyaw.

  以前太魯閣族人很喜歡在秋、冬摸黑找獵物的窄徑設置陷阱。
• Gnksiyuk mu tdruy qapi su ka ini ku biyaw dhuq mnsa ku sapah lupung mu gaing bi.

  我去我遠方的朋友家能很快回來是借你的轎車。
• Pplngug na knan tmgsa pstalang patus ka baki mu o ini mu biyaw ngalun do mqaras bi da.

  我爺爺敎我射擊時，我很快就學會，他非常的高興。
• Pnpadus na tutu djima ka snalu na o ini bi biyaw emphing bilaq ayang samaw tnqrian na.

  他做的桂竹筒火把裝的媒油太少很快就熄滅了。
• Tnpnru smbu hidaw rudan Truku sbiyaw kiya o mdka hiya ka mnsa smbu hidaw knkla na smnru.

  那敘述太魯閣族祖先射日的故事的人，他好像是親身射日一樣很會敘述。
• Nmkaxa ka musa su tmatak hrus dxgal hnici rudan hida, aji bi biyaw dhuq jiyax tkuyan masu do o!

  你後天應該去開墾父母留下來的坡地了，播種小米的季節很快就要到囉！
• Tgmsnulug ka Truku sbiyaw o ‘ma su saw smdamat’ msa mkdawin ka snaw ni mtmhabuk lmingis ka kuyuh.

  以前太魯閣族人巧遇時，男性互相搭肩、女性互相擁抱哭著說：「好懷念你！」
• Niqan wauwa mowsa sjiqun ka sapah Truku sbiyaw o asi kkneywa tminun qabang pdsun na wauwa ka bubu.

  以前太魯閣的家庭有女兒要出嫁時，媽媽就織很多的被毯當女兒的嫁粧。
• “prnaaw mu mhuma ka kingal pusu krig su ga hug” msa ka kari o rnibaq musa qmita wauwa Truku sbiyaw.

  「我要繁殖你的一根苧麻好嗎？」這一句話是以前太魯閣族去提親時的隱喻。
• Tmmsnulug lupung bsiyaq ini qtai ka Truku sbiyaw o ‘lita lita sapah, uqa ta nhapuy han’ msa kmsteita dha.

  以前太魯閣族人巧遇很久沒有見面的朋友，就親切的說：「走吧！走吧！到我家，先吃個飯。」
• Mkmpnlaq su miying balung bnu o pklgi mmgbiyan 5 idas bitaq 8 idas qapur karat msa ka rudan Truku sbiyaw.

  以前太魯閣族祖先說：「你想在海岸找海龜蛋的話，趁五月至八月有閃光的傍晚。」