Search

Sentences 4,057 found

• Mnqmniq ku ebung sipaw ga o asi ku lu qmita mgleepung bqrus do ki nalax mu.

  我想過要住在對面的平地，但突然看到遍地墳墓我就放棄了。
• Mkmhada bi ka busuq mu do paq si quyux paru mk5 jiyax dga, embgbaw kana da.

  我那快要熟的李子突然被下了五天大雨而都裂開了。
• Gmnkaxa ku munuh laqi rbnaw ka mmgrbu do smdangaw hidaw ka dhuq ku qmpahan.

  我早上花時間給嬰孩餵奶時，太陽高掛我才到田裏。
• Nkneywa su bsukan kdjiyax ini su qeepah mdawi sapah do mdanga su manu laqi.

  如果你每天爛醉如泥在家懶惰不工作時，你拿什麼養育孩子。
• Niqan gaya mniyah do ini pneglhlah saan qmlubung qrunang taxa ka sayang da.

  有了外來政權的法律後現在去別人的獵場設置陷阱不會開放了。
• Mmlibu ku bi tbgan mu bowyak do “ma su lu tmabug samat da!” sun ku tama mu.

  我正要建圍籬養山豬時，我父親對我說：「你何必養獵物呢！」
• Knluway na ka hakaw lbay ga o sbghuran cih do paru mluway saw smeisug daan.

  那危弱的吊橋稍為風吹時就搖晃得很厲害，通過時很可怕。
• Smnngani ku uqun saw smeuwit ka laqi ga do ga sbtun qaraw djima bubu na da.

  那孩子令人厭煩多次的說留食物給我時，他媽媽拿竹枝鞭打他了。
• Nmungan bi ka laqi mu han, daan mnarux kntlxan tunux ni malu do maapaci da.

  我那得過頭痛發燒原本很遲鈍的孩子，病癒後就變得很活躍了。
• Ana kuna spangus dqras ka lupung mu o biqan mu malu kari do tnwaru knan da.

  我朋友雖然對我板著臉生氣，但我好言以對時與我搭肩了。
• Spgpbaya kuna miri ka payi mu o pgdowriq bi qmita baga aji mu qqneuqu miri.

  我祖母讓我這新手織浮織，很注視我的手藝避免織錯。
• Qmhdu su matas gqringan do ppeapa misu asu skaya musa rmigaw 3 klwaan isil.

  你研究所畢業以後，我要讓你搭飛機去三個國外旅遊。
• Pnplhpuh mdngu ka lhngaw mu hiya o qixan bgihur paru do saw tataq huriq da.

  我那曾經乾乾的石穴，颱風大雨一來就泥濘溼透了。
• Tmnplug ku kacing nii mkeekan do asi ku usa mhiyug babaw tasil paru dmmhaw.

  我發現牛正在打鬥時，我就站在大石頭上觀賞。
• Msnpqdu ku mhiyu peapa tdruy ungat tleengan do ini ku peapa tdruy nkana da.

  我爲了搭車沒有位子呆站著時就不搭公車了。
• Msnpqsul ku bling btunux qaqay mu do mha ta mseisil qaqay da msa ku slhbun.

  我因我的腳被石頭洞夾到可能會變成獨腳，我這樣擔心著。
• Tpprana tmabug qpatur ‘ap, ap’ kana do prana ku tmabug kuluk tapak ka yaku.

  都在繁殖牛蛙時，我就繁殖養鱉了。
• Saw skprpaw tminun ka qbsuran mu kuyuh do musa ku rmigaw dangar ka yuku da.

  我姊姊總在破曉織布時，我就去巡石壓陷阱了。
• Msnpudul ku tmulit buji mu sprang na bi ssbu btunux do ini ku qqaras hyaan.

  我爲了他故意射石頭弄斷我的箭鏃，我對他感到很不高興。
• Ungat ka qqaguk su do empqaguk su manu ka rnumu emu btunux smluun sapah da!

  你沒有鏟子的話，你要用什麼來鏟蓋房子的水泥了!
• Msnqahur dxgal naqih kuxul knan ka kuyuh mu do asi ku barig bnbun dxgal da.

  我的妻子因石子地對我傷心我就買肥沃的地了。
• Msnqarat ku laqi ini enduwa qmarat ka qratan laqi do ini ku pqarat yaku da.

  我為了托兒所沒有好好的照顧小孩我就不要他們帶小孩了。
• Mmqita ku bi malu qtaan ka sasaw samaw do asi lu ‘yut’ emphing ka samaw da.

  我正要看電視好節目時，突然就yut斷電了。
• Msnqrqur nami gmbling qcinuh xiluy naqih qnrqur na do ini ku sadu hyaan da.

  我們為了他鑽的鐵板洞不好而發生爭執，我就不雇用他了。
• Msnquci ku huling miyah qmuci ngangut mu do buan mu btunux ka huling na da.

  我為了他的狗在我庭院排泄時，我就用石頭丟牠了。
• Msnraaw ku raaw ka isu sun ku dha ka ida ku Truku do asi ku ksteutux teuqu.

  我為了我是純的太魯閣族而別人對我說你是異族時，我嘔氣就交給神明了。
• Kmrabang su mangal dxgal rudan ka isu qbsuran snaw do mhuya ka swayi su da?

  你身為哥哥的想多佔有父母的地時，你弟弟怎麼辦呢？
• Pnrbangay na ini pnegaya ka laqi na ga o endwaun na tmgsa do mnegaya bi da.

  他曾為那不自律的孩子後悔，他好好教導後很自律了。
• Nrdrat pdaan baga bkiluh ka nbuyas babuy mu ga, rsuhan mu sapuh do malu da.

  我用手撫摸我豬長疥癬粗糙的腹部，我擦藥之後就好了。
• Qmita nami wada mssnegul ka 2 laqi do mrrqun nami nak rusuq dowriq mqraqil.

  我們看到二個孩子相繼過世時，我們各個吞下眼淚而痛苦。