Search

Sentences 3,936 found

• Ini pnegqijing qaraw djima qmpahan ka sayang, asi qijing kaji qnawal da.

  現在不適合在耕地上圍竹枝籬笆，就只好圍鐵絲網了。
• Ppqlqah su qmpahan seejiq ka kacing su 3 ga o empgmeenu ka nhuma dha da?

  你讓你的三隻牛踩毀別人田的話，他們所種的農作物會變怎樣了呢？
• Ttrabi dha misan miyah mkan bunga qmpahan ka qowlit o qrapan bi puurung.

  老鼠經常在冬天的夜晚到田裡吃地瓜時，容易被貓頭鷹抓到。
• Tmnrabih ku embahang kari saw rabih ki o ungat ana kingal balay kari na.

  我聽了那喋喋不休人的話，沒有一句是真的。
• Pnraraw na tksadu qmpah o ini pttuku mgay pila tnksduan ka tnqmpahan da.

  他受雇工作延遲的作為，雇主就不給他全額的工資了。
• Bsiyaq bi knrxan na huya usa ka bubu mu wada malu do asi rhang kuxul mu.

  我久病差一點去世的母親好起來了，我就心情舒暢。
• Kmrngat ku bi ka hlitan ptucing laqi o msiqa ku ppqbahang hbaraw seejiq.

  我在生產陣痛得想發出呻吟，我很害羞被眾人聽到。
• Pprpa namu seejiq o qlahang hari, ida empeeniqun kingal jiyax euda namu.

  你們詐騙人要小心，總有一天一定會出事。
• Ppruqil su liwang pknarux tama ini su sphani o nangi su aji qtaan rudan?

  你使父親身體病的消瘦而不去治療，是你有意不照顧老人家嗎？
• Msnrusuq knshjil na wada khrahan ka ina na o csrusuq dowriq naqih kuxul.

  他媳婦因囊胚受孕而流產，難過得留下眼淚。
• Ptgdhug bi pttama grung ka ga kmnegrung han, ki ka rkalaw ta ka rqnux da.

  埋伏地點要守好，就去趕鹿。
• Ana asi kgikus kana ka siyaw qmpahan na o ungat tjiyal ana 1 ka bowyak.

  雖然他在田地旁設置刺樁陷阱但連一隻山豬都沒有捕獲。
• Dmhici laqi sapah musa qmpahan ka dbubu ga o niqan payi dha emklawa laqi.

  那些去工作的母親把孩子留在家裏有婆婆照顧。
• “gmnkeyng tmucing parih ka seejiq ki o wada tbarah da” msa ka bhangan mu.

  我聽說：『那個「keyng, keyng」打造尖鋤頭的人已經搬走了。』
• Tmnkuyuh ku bi ka yaku o yahan ku lmingis payi mu dga, asi ku khada siqa.

  我過去很虐待妻子，但我岳母來哭訴了以後，我就非常慚愧。
• Gmnlhkah ku qpahan ka laqi ku han, paru ku do miying ku mshjil qpahan da.

  我小時候選擇輕的工作來做，長大後就找粗重的工作來做了。
• Lhlihun su ka seejiq kiya o hiya ka wada mgay kana pnspuhan su snduray o!

  你所欺負的那個人，上次他幫你付所有的醫藥費喔！
• Gmnpatas ku hangan seejiq wada ungat kingal hngkawas o embbrax ka hbaraw.

  我記錄今年去世的人很多是年輕人。
• Tnpgrpaw mksa duyung qmpahan slaq mu shiga ki o yaa bi ima o ini mu klai.

  昨天黎明經過我田畦的那個人，到底是誰我不知道。
• Kmnpklug ku tminun su pniri ptgsa ka shiga o yahan ku tuhuy lupung mu da.

  昨天我想趁著你在織浮織時去向你學習，我被來訪的朋友耽擱了。
• Ppmblux misu haya ka tdruy qapi o tgmalu bi hana mntmay paah klwaan isil.

  我替你訂的是剛從國外進口最好的轎車。
• Iya psnpril gnsal payay qmpahan bunga su msaang, skmalu bunga ka gnsal o!

  別爲了丟稻草在你地瓜園裡而生氣，稻草使地瓜長得好喔！
• Tmnpspadaw pila sapah snliqan bgihur paru snii ki o Qpahan nsgan Bsuring.

  捐助房屋被最近的颱風毀壞的是秀林鄉公所。
• Pdungi binaw hana bgurah bi ni mkan bi pucing entama su, sita suna hyaun?

  把你爸爸很新又很利的獵刀弄斷看看，看他會把你怎樣？
• Msnqijing nami lqlaq prbuan tmabug babuy dxgal mu do wada na hrahan duri.

  我們為了我土地狹窄的地方做圍欄圈養豬而起爭執，他又把它拆除掉。
• Iya psnqiri sruhaw bnkuy djima laqi su msbrabang, ma su spqiri lqian han.

  不要為了你的孩子綑綁竹子鬆弛而爭執，你怎麼讓孩子綁。
• Iya psnqluli musa tmapaq yayung ka laqi su naqih kuxul, kani su psai han.

  不要為了你的孩子去河邊游泳溺斃而難過，你不應該讓他去。
• Iya psnqumi spriq phdu qmpahan su meuwit qmita, dnwian su nanak ini qpah.

  你不要因咸豐草長滿你的田地覺得累，是你自己懶惰不除草。
• Gmnradax ku qrul gmisil qmpahan o lala qowlit qnrak mu rmudu rangah qrul.

  我把蛇木幹在山坡田地橫擺做土堰，在蛇木幹洞口裡抓了很多做窩的老鼠。
• Ga nami kmrana smlabang gmeelug eusa qmpahan ka sayang o mtbiyax nami ba.

  現在我們在拓寬往田裡的農路，我們很忙。