Search

Sentences 5,671 found

• Sknkiwax na laqi kmiwax ka rudan o naqih qtaan.

  把老人當作小孩子推開是不尊重的。
• Msnkleyng hlitan tunux ka laqi mu o lmingis ba.

  我的孩子因頭「kleyng」的陣痛而哭。
• Kleyngaw su hnlitan mnarux tunux ka laqi matas.

  你不要讓學生的頭「kleyng」的陣痛。
• Seejiq ki ga, ppklowlaw paaksa laqi ka malu na.

  那個人，他認為讓小孩子好動遊蕩是好的。
• Wada ptgkneiyax mtakur sqama mhuqil ka laqi na.

  他的孩子因從嬰兒床跌下而被燒死。
• Gnkngkingal na keelgan pcinun ka laqi na kuyuh.

  他叫他的女孩織各種的織品。
• Kngkngali keelgan kari psluhay ka laqi su snaw.

  讓你的兒子學習各種不同的語言。
• Mkmknhkraw ddawi na ka laqi mu o kseengan muda.

  我的孩子想為他的懶惰強詞奪理，被我罵了。
• Gkowni mu miying laqi mu wada meydang o 5 hiyi.

  我要雇用五個人到處找我失蹤的小孩。
• Ppkrung bi dqras pksaang rudan ka laqi spqjian.

  頑固的孩子常使老人氣得臉上起皺紋。
• Ksaanay ta tmgsa psakur kacing ka laqi ta snaw.

  我們要教導我們的兒子這樣這樣用牛犁田。
• Gmnkseiyax ku mdawi ini ku patas ka laqi siida.

  孩童時，我閒散懶惰不讀書。
• Msnkseiyax nami ttaqi laqi ini skla musa matas.

  我們為了孩子睡過頭上學遲到而發生爭執。
• Mmskukul ku bi pila o ‘tpowk’ wada ngalun laqi.

  我正要把錢放入口袋時，「tpowk」被孩子拿走了。
• Ini pnegkumul quwaq na ana kseengun ka laqi mu.

  我的孩子怎麼罵他都不會噘著嘴生氣。
• Gmnkuxul ku mkan balung rudux ka laqi ku siida.

  我孩童時期喜歡吃雞蛋。
• Msnskuxul pduuy baga buan empgeeluk ka laqi na.

  她的孩子為了喜歡搶著牽媽媽的手而爭執。
• Ppkuxul mu tmabug qsurux ka laqi mu tgswayi bi.

  我要讓我最小的孩子喜歡養魚。
• Sknlaput mu embahang ka ga su tmgsa laqi matas.

  我把你在教學生的話聽作是講八卦。
• Lqlaqi kana ka gaga, ungat ana kingal ka rudan.

  那些都是小孩，沒有一個是大人。
• Mneglaqi bi Truku lnglungan na ka kana laqi su.

  你所有的小孩子都像太魯閣族人的人格。
• Hnhana pglaqi snaw tgpowri bi knan ka utux wah!

  神明總算讓我最後一胎生了一個男孩。
• Splatat su keeman ka laqi kuyuh o aji su mhuya?

  你讓女孩晚上出門，你沒問題嗎？
• Dmpsleexan bi tmgsa laqi matas ka dmptgsa gaga.

  那些老師們他們是很清楚的教導學生。
• Paah 3 hngkwasan na kmlibaw bi ka laqi mu snaw.

  我的兒子從三歲就很想設套頸陷阱。
• Lysanay su quri qrunang seejiq ka laqi su snaw.

  別讓你的男孩到別人的獵場狩獵。
• Lqlaqi dnamux pha ka qnslan lnabu rnabaw tamul.

  把血桐樹葉包的祭物塞在屋簷的間隙。
• Dmlubuy ptaqi laqi rbnaw qmpah ka Truku seuxal.

  以前太魯閣族工作時用吊袋給嬰兒睡。
• Tlqihay ta psapuh spuhan ka laqi ga daan luqih.

  那罹患瘡的孩子，我們帶去醫院治療。
• Maamglbu nuda laqi su naqih nuda na ka laqi mu.

  我孩子作的壞事比你的孩子更壞。