Search

Sentences 304 found

• Srdu mu ngangut su ka pajiq napa mu o wada tbukan mkan ruru su da.

  我揹的菜卸在你家庭院，被你的鴨子吃光了。
• “tnrurul tjiyal libaw ka glaqung” msa su o wana ha bnhangan mu na.

  你說：「套頸陷阱一次捕到兩隻雉雞」，我第一次聽到這樣的事。
• Qulung mkan bsrux ka rungay do trrurut qbrangan kana ka yami hiya.

  只要猴子來吃構樹果時，我們那裡的人就都做埋伏掩體物。
• Kana rtratuk ga o ratuk rungay, rudux ni ruru ka mrhibung lhang na.

  那所有的板油中猴子、雞和鴨的板油是黃色的。
• Tmnrurul nami smmalu sapah qpras ka bitaq sayang o asi nami pkrbuk.

  我們直到今天一次蓋了兩棟水泥屋，我們很疲累。
• Mmrurul ku bi mangal 5 hnyigan ka sibus o “ini ttuku da” sun ku dha.

  我正想一次拿五根甘蔗時，他們對我說：「不夠了。」
• Gmrurut ku pusu pdu ka qmburang rungay o ini bi qita knan ka rungay.

  我用山棕樹當掩體物埋伏猴子時，猴子根本沒看到我。
• Prnaun mu tmabug ka ruru paru han, kika iyah peangal ka prnaun su da.

  我先把鵝繁殖，然後你再過來取要繁殖的。
• Hmaqul nami erut qhuni smluun sapah o mrrurul nami mhaal pn2 hnyigan.

  我們搬要蓋房子的木柱，我們各自兩根一次扛。
• Iya psnrurul smbu bowyak qbsuran su snaw smneuhir, kneutux na ka nii.

  不要因你哥哥一發一次射中兩隻山豬而輸不起，這是他的運氣。
• Mmklat bi qmiyut lqian ka ruru paru o asi mu si ‘tpowk’ dmuuy waru na.

  鵝正要「klat」的咬孩子時，我就「tpowk」抓牠的脖子。
• Embiyax ku siida han o gmnrurul ku mapa 3 mneudus ka mirit paah dgiyaq.

  我年輕的時候，我把三隻山羊從山上一次揹下來。
• Tmnrurut ku egan smbut smka lituk dxgal ka yaku o wada hi kana jiyax mu.

  我砍了被覆盆子攀纏的半甲土地，花了很多時間。
• Tnrurut qbrangan bowyak ga qhuni baraw ga o 2 ka bowyak wada na buan da.

  那在樹上做埋伏山豬掩體物的人，他射到了兩隻山豬。
• Tmnqsahur ku msiyang bi ruru paru mkan ka sgbiyan o kmsiyi ku ana sayang.

  昨天晚餐我吃了很肥的鵝內臟，到現在我還感覺很噁心。
• Wada ptgrurul mgdurug naqih rndrgan mhuqil ka ina nirih mu qbsuran kuyuh.

  我堂姐的媳婦因生雙胞胎難產而死。
• Pnrurut ku gisang biyi mu qmpahan o yahan mtmay quyu ka ruwan biyi mu da.

  我讓我所種的萊豆攀爬我的工寮，蛇進到我的工寮內了。
• Srurul mu mgay 2 pnniqan siyang ka laqi mu tgqbsuran snaw o hbaraw laqi na.

  我一次給大兒子兩份豬肉，因他的孩子多。
• Ana su kmrurut qbrangan kumay o ungat iyah na, mkla smknux seejiq ka kumay.

  你雖然想做埋伏熊的掩體物沒有用，熊會聞人的味道。
• Iya psnrurut pakaw mssmriq smbut, endkai smbut binaw, aji namu biyaw qhduun.

  不要為了砍荊棘攀纏的地方互相推卸，你們一起砍看看，你們很快就完成。
• Mgrurut sneunux risaw mu ka risaw lupung mu o enswilan mu gmeuqu msa laqi ta.

  我朋友兒子的頭髮像我兒子的一樣凌亂，有時我把他看錯是我的兒子。
• Nklama nhari ka balung ruru hki msa ta o ini tduwa, niqan nak jiyax klmaan na.

  我們期望若鴨蛋能趕快孵化多好，但是不行，牠自有孵化的時間。
• Tmnrigu nami kksa ruru hiyug gsilung dmmhaw ka shiga o madas nami hbaraw laqi.

  昨天我們帶很多孩子去觀賞企鵝走路扭來扭去。
• Kngkingal ensaan rmigaw qlubung o mnegrurul bi mangal rqnux ka tama lupung mu.

  我朋友的父親每一次去巡套脚陷阱時，常會捕到兩隻水鹿。
• Mnlealu ka btunux paru ga ququy dgiyaq ga o mnegkkmeumal bi strurug runug paru.

  在山頂上搖搖欲墜的大石頭，大地震時更加容易滾下。
• Ppklung su laqi ka mduk rhngun sapah o nangi su smsaang kuyuh saw ruru quwaq na.

  你讓孩子「klung」的關門，是故意讓你那多嘴的太太生氣。
• Kmrurul ku bi kuyuh o “raraw balay kiya, ungat saw ki ita Truku” sun ku tama mu.

  我想娶兩個老婆時，我父親對我說：「絕對不可，我們太魯閣族沒有這種習俗。」
• Pgrurut egan dxgal knan ka seejiq ki o yaa msa ini kla yaku rudan lngu emprqdug.

  那送我土地攀纏覆盆子的人，他以為我人老了不懂想欺騙我。
• Msnrurut nami pakaw smbut smluluy ku snagan mu do “yaku nanak msbut da” sun kuna.

  我因砍荊棘攀纏的地方而向我先生嘮叨時，他說：「我自己砍好了。」
• Ga msnrurul smbu rungay ka dhiya ki o “yaku” msa ka taxa o “yaku” msa ka taxa uri.

  他們在為了一發一次射中猴子而發生爭執，其中一位說：「是我射的」，另一位也說：「是我射的。」