PusuPatasKariTruku
太魯閣族語線上簡易字典查詢系統(文字版)

 
 
(你好!你現在的位置:查詢> 字根詳細資料)
 
 
字根
百科類別
gealu

-(人類行為)
中文翻譯
詞性
(1)

smblaiq bi seejiqun [愛、可憐]
----------------------------------------------

hnigan(形容詞)
回上頁字根列表
  • 相關的單字
  • 相關的詞語
  • 相關的句子
目前無相關詞語
1.Iya keakuy sjiqun pgealu su balay.
   (不要被別人利用,你好可憐。)
2.Mgealu mu ka alu na tqur qowlit.
   (他捉老鼠陷阱的延長線像我的一樣。)
3.Miyah sgealu gasil urat mu ka hbaraw bi.
   (很多人來依靠我的魚線做陷阱延長線。)
4.Tmneama ku bi han, sgealu mu bi ka sayang da.
   (以前我虐待過女婿,但現在我非常疼愛他了。)
5.Ima bi tneata ka saw sgealu gaga.
   (那位很可憐是誰的嫂子?)
6.Ma su ppeayung laqi, pptasi ka laqi, pgealu.
   (你為什麼讓孩子當佣人,好可憐,讓孩子念書。)
7.Iya pbeybay pkribul lqian, pgealu ki da.
   (不要給孩子穿破爛褲子,好可憐。)
8.Ini pnegsbgurah quri naqih qneepah ka seejiq o saw sgealu.
   (不會改變成新的人是很可憐。)
9.Ga mtgbisi mnarux saw sgealu ka tama na.
   (他父親得浮腫病好可憐。)
10.Embsia su bi ha, pgealu laqi su.
   (不要得浮腫病喔!孩子可憐呢。)
11.Embsiun su ka sapah su ga, mksaw sgealu ka laqi su hici.
   (你家若得浮腫病以後孩子會很可憐的。)
12.Tbrangan na hmici qmada ka laqi do saw sgealu hmut meydang da.
   (他把小孩子丟棄,讓小孩子很可憐的迷失。)
13.Iya tbrawi pqluli yayung ka kacing, pgealu.
   (不要讓牛在河浪中漂流,很可憐。)
14.Ma su saw sqbriqul smngahan embriqul, ini su gealu?
   (你怎麼譏(嘲)笑視力模糊的人,不可憐(他們)嗎?)
15.Iya brwai tpruq msaang ka kuyuh, pgealu.
   (不要對妻子破口大罵,可憐呢!)
16.Wada ptgbubu tmlaqi ka hiya o saw sgealu.
   (他因難產而死非常可憐。)
17.Ini su gealu hug? mntdahung pnsruan su ka laqi ga!
   (把孩子打到瘀血,你不可憐他嗎?)
18.Dhman na msru ka laqi o saw sgealu.
   (他把孩子打成瘀傷很可憐。)
19.Saw sgealu ka laqi mu, wada ptgdangi wauwa emputut.
   (我兒子很可憐,因交笨拙的小姐而死亡。)
20.Smdaring uqun mnarux ka seejiq o saw sgealu.
   (被病所苦呻吟的人很可憐的。)
21.Dgitay su gupun rmuba ka laqi, pgealu.
   (不要切齒詛咒你的孩子,可憐呀!)
22.Dmulay ta cih mgay ka hiya uri, pgealu.
   (讓我們也給他一點點,很可憐。)
23.Qblaiq sapah su o uda mgealu.
   (你要使你家庭幸福,就要相愛。)
24.Sqnblaiq ku na ka yaku saw sgealu.
   (我身陷困難還把我當成很幸福。)
25.Btragaw su ka lupung, pgealu.
   (別讓朋友負氣離開,可憐。)
26.Ini gealu kuyuh ka snaw o aji malu.
   (不愛妻子的丈夫是不好的。)
27.Dmpgealu qrinut ka dhiya gaga.
   (那些人是很關心貧窮的人。)
28.Empgealu ku saw sgealu seejiq.
   (我要關心那些可憐的人。)
29.“emppgealu nami bitaq msdrudan”msa ka sndhgan dha.
   (他們祝福說:「要我們相親相愛一直到老。」)
30.Ggealu mu sunan o empaah sayang.
   (從現在開始我要愛你。)
31.Seejiq kiya o asi kgealu nanak ka qpahun na.
   (那個人的工作只專注在愛的工作上。)
32.Kkgealu na saw sgealu seejiq o klaun kana alang hiya.
   (他關心可憐的人那部落都知道。)
33.Kmgealu ku seejiq ga mgqraqil.
   (我想要關心受苦的人。)
34.Kmsgealu bi rdanan ka laqi o ana rabang.
   (兒女對父母有愛是很值得。)
35.Knsgealu mu o ini ku dha klai.
   (我所做的愛心沒有人知道。)
36.“mgealu ku sunan”msa su o manu knmalu mu.
   (你說:「我要愛你。」我哪點值得你愛。)
37.Mggealu bi ka mdngdungus o qmbliqan sapah.
   (家庭的幸福是夫妻相愛。)
38.Mkmgealu ku bi sunan o ini su bi gsiyuk.
   (我很想關心你但你都不理。)
39.Mnegealu bi ka seejiq o speeniq dha lnglungan.
   (對有愛心的人,他們記在心上。)
40.Mneggealu nami ni wada ka hiya da!
   (我們相愛過但他已過世了!)
41.Msnegealu kuyuh mnguciq ni mqqada da.
   (為了愛愚笨的女人就分開了。)
42.Negealu kuyuh na nanak hki, lu kuyuh entaxa ka sgealu na.
   (應該是愛自己的太太,而怎麼去愛別人的太太。)
43.Pgealu bi laqi su, sai ppatas.
   (你孩子很可憐,讓他去念書。)
44.“pggealu bi ka mnswayi”, saw nii ka kari rudan.
   (「兄弟姐妹要相親相愛」,這是父母的教訓。)
45.Ini pnegealu o ini tgdmhaw mqraqil seejiq.
   (沒有愛心就不會關心受苦的人。)
46.Pneggealu namu o psgeegul.
   (你們相愛要長長久久。)
47.Ppgealu su knan ka rudan su? hmuya ki da!
   (你託我照顧你的父母?這是為什麼!)
48.Saw sgealu ka yaku aji ku mnatas.
   (我沒有念過書很可憐。)
49.Saw skgealu qrinut seejiq ka snaw gaga.
   (那男人很關心窮人。)
50.Sknegealu na laqi na nanak ka quli na.
   (他把他的佣人當作是自己的兒女愛。)
51.Sapah spuhan hiya o hbaraw bi seejiq ka saw smgealu ga kgguun mnarux.
   (醫院裡有很多病危值得可憐的人。)
52.Snegealu ku na smblaiq ka Utux Baraw, naa ku mnstuq da.
   (若不是上帝以愛來賜福我,我早就完了。)
53.Bubu mkngangut ga o spgealu na pyian na ka laqi.
   (長年流落在外的那個人把孩子託祖母看顧。)
54.Tggealu bi smapuh mnarux ka msapuh o ini khbaraw.
   (用愛心看病的醫生不多見。)
55.Gisu ku tmggealu laqi qrinut.
   (我在看顧窮困的孩子。)
56.Tmnegealu ku qmpah dngaan rdrudan ka yaku.
   (我在老人安養院工作的人。)
57.Tnegealu tmquli laqi ga o ina mu.
   (那個用愛心扶養孩子是我的媳婦。)
58.Ttgealu na seejiq o spurug na gmealu hyaan nanak.
   (他經常愛別人就像愛自己一樣。)
59.Ini bi pnegguyuq ka tama mu, “pgealu ka tjiyal guyuq da”msa.
   (我爸爸絕不會設置刺腳陷阱,他說:「被刺的人很可憐。」)
60.Tmneguyuq ka tama mu o malax da, “pgealu seejiq”msa.
   (本來我爸爸專門設置刺腳陷阱而現在不設置了,他說:「人會很可憐的。」)
61.Hshasaw ta msaang ka kuyuh msa ku o saw sgealu taan da.
   (我對妻子衝動生氣看了覺得好可憐。)
62.Tnhasaw uwit ppatas ga ka rudan na o ma yaa saw sgealu.
   (那個懶散讀書的孩子的父母,一定很可憐的。)
63.Hswaan su ka matas o pgealu su hici.
   (你念書很懶散以後你會很可憐。)
64.Hmayuh matas ka laqi o saw sgealu.
   (讀書半途而廢的孩子很可憐。)
65.Tmnhdur ppatas lqian na ka rudan ga o saw sgealu sayang kana laqi na.
   (那曾經不同意孩子念書的父母他的孩子現在都很可憐。)
66.Mghici bi kngkla na ka laqi ga o saw sgealu.
   (那個孩子的智力遲緩讓人同情。)
67.Mmhici ku bi qmada laqi o “pgealu laqi wah”msa ku sbrinah duri.
   (正當我要遺棄孩子時,我後悔的說:「孩子會很可憐。」)
68.Sphini ku na ka bubu mu o yaasa sgealu ku na bi.
   (我母親為了很愛我讓我在這裡。)
69.Saw skhiya sgealu na ka bubu mu.
   (我媽媽總是愛他。)
70.“hkrgani ha ka nhiya”msa su o pgealu o!
   (你說「去嫉妒他的事」,可憐吧!)
71.Mkmthma ku rmuba lqian o “pgealu bi laqi”msa ka kuyuh mu.
   (我想要伸舌咒詛孩子時我太太說:「孩子好可憐。」)
72.Pnthma na rmuba ka laqi na o saw sgealu mqraqil.
   (被他伸舌頭咒詛的孩子受苦的可憐。)
73.Asi khili hyaan ka isu da, pgealu bi ka risaw kiya.
   (你就嫁給他好了,那男的很可憐。)
74.Iya hnglai ka saw sgealu seejiq.
   (可憐的人別叫他過去那一邊。 )
75.Saw ku sgealu sseura mu ini pneghramay qnsjiqan laqi mu.
   (我羨慕的可憐,因為我的孩子不長得皮膚光滑。)
76.Dhrhir mnarux waru ga, saw sgealu.
   (患有氣喘病的人是非常可憐的。)
77.Hlisay su ka empika, pgealu.
   (你不要嘲笑跛腳的,很可憐。)
78.Saw sgealu hnuqil na ka seejiq kiya.
   (那人死狀非常可憐。)
79.Knhurit na knan o asi saw sgealu do smruwa ku da.
   (他堅持留我看起來很可憐我就肯了。)
80.Khwayay ta ka seejiq saw sgealu.
   (我們對可憐的人要慷慨。)
81.Msneicing nami dowriq laqi saw sgealu.
   (我們為了獨眼可憐的孩子而發生爭執。)
82.Mtgeicing dowriq qtaan ka wauwa ga o saw sgealu siqa na.
   (那小姐很可憐因獨眼看起來很覺得羞恥。)
83.Enian su ppatas ka laqi o pgealu bi.
   (你沒讓他讀書的孩子,好可憐。)
84.Ga tgjiras bi lmingis ga o wada keengatan laqi sgealu na balay.
   (那在大聲哭的人是因為他所疼愛的孩子過世。)
 
 
 

線上流量:1人  , 今日流量:0 人  ,   總流量:1 人

版權宣告 Copyright (C)2014 All rights reserved.花蓮縣秀林鄉公所
網站維護:Lahang