PusuPatasKariTruku
太魯閣族語線上簡易字典查詢系統(文字版)

 
 
(你好!你現在的位置:查詢> 字根詳細資料)
 
 
字根
百科類別
dgril

-(-)
中文翻譯
詞性
(1)

ini kllabang [狹窄]
----------------------------------------------

hnigan(形容詞)
回上頁字根列表
  • 相關的單字
  • 相關的詞語
  • 相關的句子
目前無相關詞語
1.Nbaka bi knlbangan ka elug o wada na sdgrilan.
   (原來夠寬的路卻被他弄窄了。)
2.Dmptbayu psdgril qmpah kuxul dha.
   (他們是專門喜歡窄小的地。)
3.Empeebayu msdgril gmbalay ka qmpahan mu.
   (我的地橫向會窄小的。)
4.Maabayu dgril kana endaan sunu ka nlabang dxgal.
   (原來寬的地被土石流沖刷後變窄小了。)
5.Nbayu dgril ka sunu sipaw ga o llabang sayang da.
   (對面原來窄小的坍方處現在已經很寬了。)
6.Mqsuqi dgril ka habuk su.
   (你的皮帶太小。)
7.Kana ddgril parih ga o slbangun tmucing duri.
   (那些小的鋤頭又要打成寬的。)
8.Dmpsdgril kmrut qcinuh qhuni ka qpahun dha.
   (他們專門鋸窄小木板的人。)
9.Dmptdgril gmeelug dgiyaq ka qpahun dha.
   (他們是專在山裏開挖小路。)
10.Empdgril ka lblak qribun mu.
   (我要把紙剪成小的。)
11.Emptdgril ku tminun trasi ka yaku.
   (我要編窄小的草蓆。)
12.Endgril hari ka sapah snalu su, khaw namu hbaraw.
   (你應該把房子蓋小一點,反正你們家人不多。)
13.Gdgril muda smlabang elug ka yamu.
   (你們要把窄路開成大路。)
14.Gmdgril marig tluan matas ka emptgsa gaga.
   (那老師專門買小書桌給學生用。)
15.Gmndgril ku dmaus uraw tnuun mu giya.
   (我把高山細竹削成小條來編小簸箕。)
16.Gndgril mu dmaus qwarux ka pucing.
   (我用刀來削籐條。)
17.Asi kdgril ka elug nami wada daan hmangas rngsux.
   (我們的路被土石流衝毀變窄小。)
18.Aji kkdgril ka lnglungan su o sluhay smlabang .
   (為了不使你心胸狹窄你要學習心胸放寬。)
19.Kmndgril su tleengan mu o ki ka baka bi tleengan.
   (你把我的椅子看成窄小其實坐起來剛好。)
20.Kndgril elug na o ini tduwa daan tdruy.
   (他的路變窄小車子沒有辦法通過。)
21.Wada kiyapan yayung ka qmpahan mu do maadgril da.
   (我的田地被河水沖毀後已變小了。)
22.Mgdgril nksaan na ka qmpahan su.
   (你田地的上端好像變窄小。)
23.Mnegdgril bi ssalu su tluan uqan nhapuy.
   (你喜歡作小的飯桌。)
24.Tunux asu gsilung o msdgril .
   (船頭尖窄。)
25.Msndgril nami srakaw pkyux tqian.
   (我們為了床窄小互相推擠。)
26.Ndgril han o wada mu slbangun da.
   (原本窄小的我將它變成寬的了。)
27.Pdgril ka elug su khaw daun tdruy.
   (你把路做小反正不會有車子經過。)
28.Pkdgril su smmalu rhngun sapah do mowda inu ka qthur seejiq da.
   (你把房子的門作成窄小那胖的怎麼進去。)
29.Ini pnegdgril ssalu na sapah ka tama su.
   (我父親不會蓋小的房子。)
30.Pnkdgril su smmalu ka sduman o ini tduwa skuan liwas.
   (你作的置物架很小沒有辦法放大鍋。)
31.Wada ptgdgril elug ka tdruy mu.
   (我車子從小路上翻車。)
32.Sdgril ka elug su.
   (你的路弄小。)
33.Iya sgdgril elug ka mapa su lala, mowda su mtakur da.
   (你揹多的時候不要經過小路,你會跌倒的。)
34.Sgnaah thiyaq ka llabang o skndgril qmita.
   (從遠處看會把寬的路看成窄的。)
35.Ma su smdgril dmaus qwarux hyaun su?
   (你把藤削成小條你用來作甚麼?)
36.Sndgril su smmalu ka srakaw o pngkkiyaux nami mtaqi.
   (你把床作的很小我們睡起來很擁擠。)
37.Spdgril na tminun ka wahug do mnarux tunux paan.
   (他編的頭帶子小了揹起東西頭會痛。)
38.Tgdgril bkaruh ga ka brigun mu.
   (我要買比較小的鋤頭。)
39.Gisu ku tmdgril srakaw slbangun mu.
   (我在忙著將窄床做大。)
40.Tmndgril ku gmeelug muda dowras.
   (我在開挖懸崖上的窄路。)
41.Tndgril tdruy nii o jiyun na mgriq elug dgril.
   (這小車的主人用它來過窄路。)
42.Ttdgril na o ini skuxul llabang.
   (他專喜歡窄的不喜歡寬的。)
43.Sdgrila su gmeelug ka daan tdruy.
   (不要把車道開的很窄。)
44.Sdgrilan na tminun ka qabang do ini tuku knlbangan siisun da.
   (她把布毯織的太窄而縫起來不夠寬了。)
45.Sdgrilaw mu tminu yaku ka wahug brunguy paan laqi.
   (孩子揹背簍的揹帶我來織成小的。)
46.Sdgrilay ta madas ka gasut qmpah.
   (我們進行的工作範圍要做小。)
47.Sdgrili hari kmrut ka qcinuh qqabil.
   (牆面用的木板不要鋸寬。)
48.Sdgrilun mu bgbaw ka qwarux.
   (我要把黃藤削成細條狀。)
49.Tgeelug dgril ga ka ksaan seejiq.
   (那條窄的路是人行道。)
50.Msnegduyung nami dgril bi iyax na.
   (我們為了培土的間隔窄小而吵架。)
51.Pgeaway su manu ka dgril bi dnowsan su qwarux gaga?
   (你剝平的黃藤皮那麼窄用來編甚麼緯線?)
52.Geawayi brunguy rqling ka dgril nii.
   (那窄的緯線用來編窄小的揹簍。)
53.Gsgasi smdgril ka uraw tunun giya.
   (把編小簸箕高山竹子削成細條。)
54.Hkganay su dgril ka tlaman tdruy.
   (搭建車輛要走的橋樑不要太窄。)
55.Asi keimut paah su pnpun ka cinun su qabang do mha dgril tqring da.
   (你織的布毯一開始就很緊,到末端就會越來越小。)
56.Elug dgril eusa qmpahan.
   (去田裡的的窄徑。)
 
 
 

線上流量:2人  , 今日流量:0 人  ,   總流量:1 人

版權宣告 Copyright (C)2014 All rights reserved.花蓮縣秀林鄉公所
網站維護:Lahang