句子列表
共 56,347 句例句。想找特定的字，請使用 查詢。
-
Tlqian na laqi snaw do o niqan thiyun mu da msa ka ga na niqan.她為了他生男孩子時，她先生說我有伴了。
-
Tlqiaw su biyi qmpahan ka laqi ha.你不要在工寮生孩子。
-
Tlqiay ta sapah ka laqi.生孩子要在家裡。
-
“tlqii bi kingal ka laqi kuyuh uri Na!” sun kuna ka payi.婆婆對我說：「媳婦，一定也要生一個女兒喔！」
-
“tlqiun mu laqi kuyuh ka ga mu niqan” msa su o ma isu ka utux?你說：「我要讓我妻子生女兒。」你是神嗎？
-
Tlqaanay ta laqi mqrinut ka hiya.我們讓他照顧孤兒。
-
Tlqaani payi ka laqi ina.讓婆婆照顧媳婦的孩子。
-
Lslas ka lukus da.把你的衣服脫下來。
-
Lslas ka bngux dxgal lukus su da.把你衣服上的灰塵甩落。
-
Latat sapah ka isu pdawi gaga.懶惰的你滾出家門。
-
Latat paah hnmuk ka isu da.你從監獄裡釋放了。
-
Latat paah bnkiyan ka isu da.你可以自由了。
-
Dmlatat ana qmuyux ga o lala tbyaxun dha.連下雨天也外出的人，他們有很多要忙的事。
-
Mntaqi spuhan ka laqi na o emplatat saman da.他住院的孩子明天要出院了。
-
Glatat mu babuy mhraw ka huling.狗我要用來追逐出外的豬。
-
Gmlatat mirit mhraw ka huling mu o ini bi qiyut mirit.我的狗追趕出外的羊時，牠絕不會咬。
-
Gmnlatat ku ngangut laqi matas matas hangan ka qpahun mu.我的工作是登記外出學生的名字。
-
Gnlatat mu mirit miying ka huling o hiya ka ini biyaw hmjiyal.我用狗來找尋出外的羊時，牠很快找到。
-
Kklatat qsurux na o ini tklai hmtur.他的魚流出去就無法堵住了。
-
Empruq ka langu do asi klatat kana ka qsurux tnbgan.魚池潰堤時，所有養的魚就全都流出去了。
-
“kmlatat ku bi da” msa ka bubu mu ga tqian mnarux hiya.我那住病房的母親說：「我想出院了。」
-
Kmnlatat ku bi paah alang hini o ini ku dha srwai.我很想離開這裡的部落，但是他們不同意。
-
Knlatat na ngangut ka laqi mskraji bi ga o bitaq huya bui tdruy.那很頑皮的孩子喜歡外出得差一點被汽車撞了。
-
Mglatat babuy mu llatat na mnkala qnalang ka babuy na.他的豬越欄出外就像我的豬一樣。
-
Mk3 gndrgan do mkmlatat bi ka kuyuh kiya.生產第三天後那個婦女就很想要外出了。
-
Wada mlatat 3 hngkawas pnhmuk kulu hmkan ka seejiq kida.那個人被關出獄已經三年了。
-
Mneglatat bi skaya sqalang ka ruru o asi mu qribi pahing da.容易飛越圍欄出去的的鴨，我就剪他們翅膀了。
-
Mnlatat ka 30 rudux na o asi iyah phdu qmpahan mu.他出外的三十隻雞遍滿我的田地。
-
Msnlatat nami laqi musa mtkaji ka yami.我們為了孩子外出遊蕩而爭執。
-
Nangi na mtglatat ka kacing mu o ki nusa mu hmuk nhari.我稍微看到我的牛出外，我即刻就關起來。
-
Nklatat su ngangut psbgihur binaw daan su muda ga, ki bnrbur na o!你感冒如果外出吹風看看，馬上就會發作喔！
-
Nlatat su cih ngangut da, ma su asi thmuk sapah?你應該外出一下，你怎麼老是閉門在家？
-
Ini bi platat rmigaw laqi kuyuh ka rudan Truku seuxal.過去的太魯閣族長者絕對不會讓女孩外出遊蕩。
-
Ini pneglatat ka laqi kuyuh mnegcinun ba.喜歡編織的女孩不會外出。
-
Iya ququ rmigaw ka laqi na pnlatat na bi rmigaw ga!他放縱孩子遊蕩，當然會外出遊蕩！
-
Aji na pplatat ngangut laqi na bilaq o spklawa na bubu na.他為了不使他的孩子出外，讓媽媽照顧他。
-
Wada ptglatat sbgihur paru mhuqil kingal ka yami hiya.我們那裡有一位因颱風天外出而死。
-
Msaa su sglatat rmigaw hika isu.你不要跟著外出到那裡遊蕩。
-
Saw sklatat ana qmuyux o huya paani rngsux da.連下雨天老是外出的差一點被洪水沖走了。
-
Sknlatat na jiyan mlatat ka keeman o lmlamu hlayan na da.他把晚上當作白天出外時，他什麼惡事都做。
-
Slatat su mtkaji ka laqi su o ida empurug sunan.你帶頭讓孩子看你外出遊蕩，將來一定會學像你一樣。
-
Smllatat bi ka lala qpahun.工作很多需要常常外出。
-
Splatat su keeman ka laqi kuyuh o aji su mhuya?你讓女孩晚上出門，你沒問題嗎？
-
Ptqnay mu tglatat bi musa tmsamat ka laqi mu snaw.我讓兒子夥同常常外出的一起去狩獵。
-
Tllatat keeman wada mgsbu rapit kana ka dhiya.他們利用晚上外出獵射飛鼠。
-
Gisu ku tmllatat rudux mu musa qmpahan seejiq.我在關我出外到別人田地的雞。
-
Tmnlatat ku quyu hnmuk mu rawa o ini mu hlayi ka 2 na.我找了我關在籠子裡的蛇，還有兩條沒找到。
-
Ttlatat dha keeman o ini sjiyal mtaqi.他們晚上經常外出沒有時間睡覺。
-
Ltada ta nhari ngangut ka mrunug.地震時，我們趕快到外面。
-
Ltadan tama mu paah tqian mnarux ka saman.明天是我父親出病房的日子。
-
Ltadaw mu saman ka rudux hnmuk mu libu.我關在雞舍裡面的雞，明天我要放出來。
-
Ltaday su ngangut ka ga su daan muda ha.你感冒不要外出哈！
-
Sqama ka sapah ga, ltaji nhari ngangut ka kana namu.家失火時，你們全都趕快到外面。
-
Ltadun su ka babuy o aji maah mtmay sapah?你讓豬出外的話，不會進到家裡嗎？
-
Ltdanay su prigaw ka laqi kuyuh ha.不要讓女孩外出遊蕩哈！
-
Ltdani rmigaw binaw laqi ga, empurug sunan o!你帶頭讓孩子外出遊蕩看看，會學你喔！
-
Iya laung tntakan ka qmuyux.下雨天不要焚燒新墾地。
-
Dmlaung bgiya keeman ka dhiya gaga.他們是晚上火燒虎頭蜂的人。
-
Emplaung ku tntakan ka saman.明天我要火燒新墾地。