查詢

句子 2,770 筆

• Msnqusaw nami gmuwang wada na speekan tatat huling ka snaw mu o msaang ku balay.

  我為了我先生把上層的膜給小狗吃而非常生氣。
• Mk3 jiyax ini bi pnegrdu knparu quyux ka snii o huya nkala alang nami ka yayung.

  前幾天下了三天不停的豪雨，河川差一點暴漲到我們的部落。
• Mkkreyray nami kana ka ruwan sapah nami do ungat ka stmaan saw mjijil mshjil da.

  我們全家人身材各個都一樣消瘦時，提重物就沒有人可以依靠了。
• Mkkrngring nami nak mhulis ruwan sapah ka yami o msiqa nami saw nii brah seejiq.

  我們在家各自咧嘴大笑，但我們在別人面前不好意思這樣。
• Msnruus nami musa nanak tmuba qsurux yayung ka duma nami do mkksaang nami balay.

  我們為了有些人偷偷單獨去河川毒魚而互相叫罵。
• Hmnaut nami wahir ka yami o ida mdka bi hnaut gasil wada dhuq sapah ka napa nami.

  我們用過藤蔓來捆緊東西跟捆繩一樣地能揹到家裏。
• Ttpangih nami o ini nami rngii ana kingal do ungat taan mhuqil ka dudux sibus da.

  我們常常抓剪蟖，連一個都不留下時，就看不到甘蔗心枯萎了。
• Msnpril nami qpras hnurah sapah qmpahan mu ka seejiq kiya o “aji yaku” msa dmaaw.

  我們爲了拆水泥房的廢物丟在我田裡發生爭執時，那個人隱瞞說：「不是我。」
• Msnpudung nami pucing naqih endaan na smasu ka msasu ki o ini ku spsasu hyaan da.

  我因煉鐵的人煉的獵刀不好而斷裂，我就不給他煉了。
• Gmnqatuk mangal pusu djima rudan ka qbsuran mu snaw o naqih kuxul nami ka dswayi.

  我哥哥奪取了老人家的竹林時，我們做弟弟的不高興。
• Msntqnay nami tama musa maduk ka yami qbsuran mu snaw o ini adas knan ka tama mu.

  我與哥哥一起搶著跟父親去追獵時，我父親不帶我去。
• Msnrurut nami pakaw smbut smluluy ku snagan mu do “yaku nanak msbut da” sun kuna.

  我因砍荊棘攀纏的地方而向我先生嘮叨時，他說：「我自己砍好了。」
• Kmnlingay sapah na gmeuqu qmita lingay mu o yaasa mndka hari qtaan ka lingay nami.

  他把我家的四周誤認是他家的四周，是因為我們家的四周很相似。
• Msnphiyug nami pnskraya peypay Mgay Bari hakaw utux msa ka duma kumay msa ka duma.

  我們爲了掛感恩祭的旗子有的說掛彩虹橋，有的說掛熊來做標記而發生爭執。
• 5 ka babuy krtan nami ga, daan na pspihu kana do rmngat kmkan pihu ka kana seejiq.

  我們宰了五頭豬，豬的胃全被他拿走了，每個人都在埋怨想吃胃。
• Tmnqalang nami qpras pbragan pakaw qnawal trilan asu skaya o kingal nami hngkawas.

  我們做機場的水泥牆加高鐵絲刺網一年了。
• Tmnqluli nami mangal seejiq snegqguq asu ka shiga o asi ku pkgara mtaqi uqan uwit.

  昨天我們為了搭救沉船溺水的人，我累的仰著睡。
• Nii nami tmrinah prana mhuma usik qapal ka alang hini sayang, ki ha mkray sbrigan.

  我們這個部落趁著生薑價錢高，在種更多的生薑。
• Kmnlxlax nami tmeetu hiyi kacing ka shiga o asi lu ‘mowk’ tmlung ka bgihur paru da.

  昨天我們想要剁牛肉時，颱風突然就「mowk」侵襲了。
• Ida nami bi empsnulug ptasan tgbilaq prajing 9 idas 111 hngkawas ka laqi na tgparu.

  他的大兒子，我們可能會在一百一十一年九月初在小學相遇。
• Msnplawa nami baki maah mkan nhapuy ka yami qbsuran mu snaw o yaku ka skgulan tama.

  我和哥哥爲了叫祖父來吃飯而發生爭執，結果父親派我去。
• Gnpteeru su smbarux knan ka kingal jiyax o yahun nami smtuku smka jiyax 2 hiyi hug?

  你來更換我屋頂上層桂竹的一個工作天，我們兩個人用半天來還工好嗎？
• Gnqapur nami musa qmburung payay ka 30 hiyi o qmhdu nami kingal jiyax kingal lituk.

  我們三十位一起群聚割稻，一天割完一甲地。
• Kmrduung su qhuni qtapih ngalun su ubung o iyah miying dgiyaq nami hini, mkndux ba.

  你想取后大埔石櫟做織布箱的話，來我們山這裡找，很密。
• Msnrowrak nami ina tgruan seejiq do msiqa ku balay ni knhwayan mu rmngaw do ini da.

  我們為了媳婦吹牛被人嘲笑，我很禮貌並輕輕的糾正她就不會了。
• Gmnlupung ku paru miyah sapah mu ka shiga o asi nami keupu mimah sinaw ka empaabaki.

  昨天我為了親家來到我家，我就和未來的親家同杯共飲酒。
• Npklug namu smiyan Mgay Bari ka miyah alang nami, kika mqita namu ggrig wauwa Truku.

  你們應該趁感恩祭到我們部落，才會看到太魯閣族女孩的舞蹈。
• Msnpnru nami empgeeluk nusa qmita wauwa tmaan o “srnu smka txtaxa namu” msa ka tama.

  我們爲了搶著對父親敘述提親的過程，父親說：「你們各自講一半。」
• Embahang nami msa mowda alang hini ka bgihur gnuwin do asi kpuh ka brah nami meisug.

  我們聽說龍捲風會經過這裡的部落，我們怕的胸口就發出「puh」的跳動聲。
• Trrabuh wauwa raaw kana ka risaw alang nami hido miying ku ita nak Truku ka yaku da.

  我們部落那裡的男子一起找外族的小姐做情人時，我就找我們自己太魯閣族的了。