查詢

句子 2,742 筆

• Kmnptgayaw ku ga smluluy ga, “aji isu ka pusu ssluluy” sun ku dha do tayal siqa mu.

  我原本想勸和吵架的人時，他們對我說：「你不是最愛吵架的」，我就很不好意思。
• Iya psnkmeebrah msaang kyuhan na ka laqi su naqih kuxul, niqan nak euda dha ka laqi.

  不要為了你孩子對他太太「hng」的呵斥聲罵她而難過，孩子有各自的生活。
• Mmpnlaq yahun dha mrrawa malax matas ka lqlaqi matas ga pdkaran msaang mtgsa dha da.

  當學生在放學要到海邊戲水時，被他們的老師責備禁止了。
• Musa ku sgpring biyax kksa hika yaku saw tapu do asi ku dha hcii qmuci gaing paalix.

  我這慢吞吞的人跟著健步如飛的人時，他們把我甩得遠遠的。
• Gmnpsmlux ku smbu buji huling dha o “nirih su smbu seejiq” msa msaang bi ka baki mu.

  我無緣無故用箭射別人家的狗，我祖父生氣地說：「你等於是射人。」
• Gmnqral ku ka musa prngagan shiga o ini mu bi klai saw manu ka endaan dha empprngaw.

  昨天我去討論會時打瞌睡，我完全不知道他們討論了什麼。
• “gmnrngaw su gaya Truku o daay ta bi ka gaya Truku” msa kana kari dha ka alang nami.

  你演講過太魯閣族的習俗，我們部落的人都說：「我們要好好實踐太魯閣族祖訓規範。」
• Ttrubang dha dangar qibu ka laqi alang nami o gmeuqu muda smbalay entaxa ka duma da.

  我們部落的孩子，他們經常去預設小田鼠的石壓陷阱時，有的弄錯設定別人的陷阱。
• Pgklabi mddha knan laqi na kuyuh ka baki mu o qrasun mu balay, yaasa seejiq bi qtaan.

  我很高興我岳父把他有雙眼皮的女兒嫁給我，因為很漂亮。
• Sneenru su rmngaw ka ida mdka kingal kari o “ma ida ki kari su” sun su dha mhulis do.

  同樣的一句話你重覆講好幾遍的話，他們會笑你說：「你怎麼一直講同樣的話。」
• Tgblayiq kkeudus dha ni llabang lnglungan ka seejiq o ini pnegpangus saang dqras dha.

  生活幸福、心情開朗的人，他們不會板著臉生氣。
• Mkgaaw saw mdawi mmkay ni mmiyak ka kuyuh dha kana mnswayi 5 ga o mrrrbangay ta kana.

  那五位兄弟各自都後悔說娶了懶惰從事家內外工作的妻子。
• Msnrigaw nami qlubung ini ku dha dsi ga, saw hkawas pxal do musa ku nak isil yaku da.

  我為了巡視套腳陷阱他們沒有帶我去，下一年我就自己去別的地方了。
• Msnrbuq ku ini enduwa rnbqan dha kmari ka phyigan mu sapah do pxalan mu ha kmari duri.

  我為了他們挖的房屋地基不好，我再重新挖了。
• Kkhrapas dha Mgay Bari ga, mlukus pala rmgrig ka kyikuyuh o asi saw hrahu knmalu qtaan.

  他們為了表演感恩祭的舞，婦女們穿傳統衣服跳起舞來很艷麗。
• Ttphaal dha phlan mhaal qngqaya ka seejiq ki o mdaka waru kacing mtkdray ka hirang dha.

  那些經常用扁擔扛東西的人，他們的肩膀像牛肩一樣的硬。
• Ttpowsa dha dangar qibu msangay ggbiyan ka laqi matas o dalih kbkuy ka qibu ngalan dha.

  學生傍晚放學時，經常去設置捕小田鼠的石壓陷阱，他們捕到的小田鼠接近一百隻。
• Ga qmpah bnbun dxgal hika dhiya ki o asi qpruq tngi nangal dha uqun kngkingal hngkawas.

  他們在肥沃地耕作的人，每年的收成都是大豐收。
• Mgrqriq baki mu qqlqah payay qmpah payay siida ka baki su o knrudan dha naqih dowriq da.

  你祖父跟我祖父在稻作園鋤草時一樣踩搓稻作，是因他們老得眼睛老花了。
• Sknpiyung mu tama qmita ka piyung qbsuran tama mu snaw o yaasa mdka knparu ka piyung dha.

  我把伯父的耳朵看成是父親的耳朵一樣，是因為他們的耳朵一樣大。
• Ttprpaw dha psramal qmita patas ka laqi matas o ini lu slhbun ka pspung knkla pntasan da.

  經常在破曉時準備看書的學生，就不用擔心考試了。
• Aji sskaya qduriq ruru hashas dha o tppudul qmarik pahing ruru hashas kana ka mtabug ruru.

  那些養番鴨的人為了不讓他們的番鴨飛走，都把番鴨的翅膀剪掉。
• Ttppudung dha pucing dmuuy tmatak ka dhiya ga o tglhayan dha dmuuy ini qqbruq ka baga dha.

  他們經常用斷裂的獵刀開墾的那些人，他們習慣用，手不會起泡。
• Qmnrapu knan ka tnhiyan mu matas ki o saw saman do ungat da sun ku dha o kla hmici mdamat.

  抱緊我的那個同學，第二天別人告訴我，他已經過世了，原來是向我留下懷念。
• Ttrhiq dha balung ka msalu emu balung o rhiq balung rudux kana ka ga dha tqrian lubuy sudu.

  做蛋糕的經常剝蛋殼，他們垃圾袋裝的都是蛋殼。
• “Euda dha mntaril hakaw utux o tmrngani aangal tunux pais ka laqi snaw” msa ka rudan seuxal.

  以前的老人說：「男孩要通過靈橋的話，就要流汗地獵敵人的首級。」
• Msnpeyruh ku mhuqil huling mu buun dha puniq ka musa bi maduk ki o mdka ku wada gmrahuq laqi.

  我為了我那隻很會追獵的狗被他們用獵槍打死，我像失去了一個孩子一樣。
• Mkkneywa bi bsukan msru kyuhan dha ka mswayi 3 gaga o hmici qmada dhyaan kana ka kuyuh dha da.

  那三兄弟各自嚴重的酗酒打妻子，他們的妻子全都棄他們而走了。
• Asi kpdagit nak snaw ka salu isu sun ku dha o ana kingal klgan pdagit ini kla smmalu ka dhiya.

  他們要我做男用綁腿，是因為他們連一種綁腿都不會做。
• Mqqqral nak tksadu qmpah kingal idas ka dseejiq ka o ini tuku uqun kingal idas ka knsduan dha.

  各自懶惰受雇工作的那些人，他們賺的不夠他們一個月吃。