查詢

句子 27,384 筆

• Tmnrigu nami kksa ruru hiyug gsilung dmmhaw ka shiga o madas nami hbaraw laqi.

  昨天我們帶很多孩子去觀賞企鵝走路扭來扭去。
• Wada ptgrihing mtakur qqita na wauwa nanak nksa na mangal luqih ka risaw kiya.

  那個男孩子因邊走邊瞟眼看小姐而跌倒受傷。
• Mgrikit laqi mu ini usa bbuyu ka laqi qbsuran mu snaw o mqquri matas ka dhiya.

  我哥哥的兒子跟我的孩子一樣懶得去狩獵，而嚮往讀書。
• Gnrinah na knrmun ni knrmun mqraqil ka seejiq ki o kika niqan malu qnhdaan na.

  那因苦難忍耐更加忍耐的人，最後有好的結果。
• Tnrinah mhuma pajiq mhnuk sbrigan siida ka seejiq ki o smlug mkray sbrigan da.

  那個人在價錢低的時候加種很多的蔬菜，賣的時候剛好遇上好價錢了。
• Gnrisuh mu tqliwaq sminaw tdruy o mtuku bi jiyan mu meudus kingal ruwan sapah.

  我洗汽車打蠟所賺來的錢，足夠我們全家生活費用。
• Tmnrisuh ku ayang rrisuh kmalu qtaan sapah 5 tntunan o ensuwil ku huya tucing.

  我為了五層樓的房屋好看刷了油漆時，有時我差一點掉落下來。
• Iya psnrqsug hiyi kacing ini su dha qdali, tbgi nanak ni uqi nanak ka isu uri.

  不要為了他們沒有給你吃牛肉而引起食慾，你也自己養自己吃。
• Pnrqun ta dmanga hyaan ka uqun ni pyahan na duri ka mnarux o mshjil mnarux na.

  餵給病人吞下的食物又吐出來時，他病重。
• Msnrsug ku wada na qhduun mimah ka sinaw gimax damat do usa marig duri sun mu.

  我為了他把料理酒喝完而生氣，我就叫他再去買。
• Tnrsug mkan nhapuy sapah mu shiga ki o laqi qbsuran mu snaw mnsa qmpah Taypaq.

  昨天到我家吃飯吃到見底的人，是我去過台北工作哥哥的兒子。
• Mtgruba quwaq na ka kacing mu o “mnkan kdayu utux dga” msa ku o kla uqan huaw.

  我看到我的牛口吐白沫，我以為：「可能吃了竹節蟲」，原來是口渴了。
• Tmnruhaw nami yayung psmiyah mapa rucing o ungat napa na ini pssunu ka dgiyaq.

  我們期待河川湍急帶來漂流木，因山沒有坍方所以沒有。
• Gmnrukal kana kngkingal alang ka bukung nami nsgan Bsuring mqaras jiyax Truku.

  我們秀林鄉鄉長動員了鄉民來慶祝太魯閣族日。
• Iya psnrukal dxgal qmpahan su naqih kuxul, hrus ka dxgal o ida niqan saw kiya.

  不要為了你田地的地鬆動而難過，山坡地都是如此。
• Asi kruwan nanak sapah ptasan ka dai smksik isu, yaku ka mowda smksik ngangut.

  你就只打掃教室裡面，外面的我來打掃。
• Asi nami kruyuk pais pida ga mtaqi kana ka yami o mangal nami 5 ka tunux pais.

  我們趁著敵人都在睡時，以潛伏獵取了五個敵人的頭。
• Kingal babuy nii ka lngu mu pgduma o "aji ku wah!" msa ku ni seasug mu kana da.

  這一隻豬本來只分配給一些人，我認為不行！因此就發給大家了。
• Tmnegirang ku sminaw xiluy sgrangan ni rsuhan mu gluq embanah o 3 hngkawas da.

  我專擦紅漆防銹的工作已經三年了。
• Knegnuwin na ka yayung ga o ana kingal sudu ungat msqlalu wada na hgtun truma.

  那河流的漩渦連一點漂流物都不留，全被吸入水下。
• Ttgupuq na ka tama mu ga, qulung tmlung qupuq do ini lnglung eekan nhapuy da.

  我爸爸一旦編飯盒就不會想要吃飯了。
• Pnkeykas na plglug hiyi paah bilaq ka laqi na o lhkah bi smblowngan na pstaril.

  他的孩子因從小就「keykas」扭動身體，身體彈跳起來很輕盈。
• Mntakur mnarux tpaqan ni ini su sai psapuh nhari, spkil su ka laqi o ini gealu.

  你讓孩子跌倒臀部受傷你不及時去治療，你讓他跛腳，你不憐惜他。
• Klbii ka csrusuq bi dowriq laqi su gaga, yaa manu ka ga tmihung dowriq na pini?

  去掀開你那眼睛一直掉眼淚孩子的眼皮，不知有什麼異物在他眼睛裡面？
• Knklung na mduk rhngun sapah ka mmanang bi seejiq ga o asi kgrung ka rhngun na.

  體型壯碩的那個人把門「klung」關得裂開了。
• Mnkmeebrah ku smtrung kari rudan mu o rbangay ta msa ku psbrinah lmnglung duri.

  我對父母親回嗆「hng」的呵斥聲，我回想起來又很後悔。
• Tmnkneywa bi qqpah na mhuma pnegalang supaw ka seejiq o ga mnarux uqun rbuk da.

  那過度工作種植蘋果的人，因過勞而生病了。
• Qmita su mha embanah ka samaw wayay elug paru do nlealu su pshurit ka tdruy da.

  你看到十字路口的紅燈要亮時，你就應該隨即煞車。
• Slpax mu haya mgrbu ka pucing tama mu o knegbiyan na siida ssipaq na bowyak da.

  我早上幫我父親磨獵刀，當天傍晚他就用來殺山豬了。
• Mnlukus pala musa rmgrig ka hbaraw bi wauwa shiga o tayal knmalu taan msa kana.

  昨天很多小姐穿兩片裙去跳舞時，大家都說很好看。