查詢

句子 27,384 筆

• Msnqapang ku slaq lukus mu lmhlih knan ki o saan mu rmngaw ka bubu na.

  那欺負我把泥巴黏在我衣服上的，我去告訴他的母親。
• Mha ku sgqapang dmux btunux qnabil sapah qpras lupung mu paru ka yaku.

  我要跟著去做我親家的石子牆。
• Wada maabukung nyusan ka qbsuran su snaw o mqaras nami ka alang nsgan.

  你哥哥當選了縣長，我們全鄉都為他高興。
• Gqbling su rmngaw pqnaqih ka mnegaya seejiq o ungat seejiq mha snhiyi.

  你去誘惑保守的人使他變壞，沒有人會相信的。
• Ungat payay na ka lupung mu paru o miyah sgqburung payay mu rbagan da.

  我親家沒有種稻，來跟我一起收割我的二期稻作。
• Hmut msa “qmnqdal ku sunan” nanak ni ungat bi qqdal na ka seejiq kiya.

  沒有東西給你吃的那個人隨便對你說：「我想過給你吃東西。」
• Ttqdal na pntryian ka nirih mu tama qbsuran snaw o asi takur 2 kacing.

  我大伯為了婚宴殺了兩頭牛。
• Qdnqani seejiq binaw sapah ga, ana bitaq knuwan ida mniq hi lnglungan.

  把家讓人獨自死亡看看，永遠都會記在心裡。
• Ungat ana manu nuda su ka isu o ma su hmut sgqduriq niqan nuda seejiq?

  你沒有任何違法的事，為什麼隨便跟著違法的人逃跑呢？
• Sqgapi ku ha payi mu ka slung pdagit mu o tayal knmalu qtaan msa kana.

  我的綁腿我祖母幫用毛線刺繡，大家都說那麼好看。
• “pqilit mu sunan ka suyang, ini ku kla qmilit ka yaku” msa ka payi mu.

  我祖母說：「我不會削芒果我請你削。」
• Saw yami ga mhuma ngiraw o nqituy bi bgihur paru hki msa nami psmiyah.

  像我們種香菇的一致希望有颱風預兆。
• Qmita qmituy ka saw niqan payay qbrungun o csrusuq dowriq naqih kuxul.

  有稻作收割的看颱風的預兆就傷心掉淚。
• Gmqluli nami seejiq musa mangal o ensuwil nami acih qluli ka yami uri.

  我們去救溺水的人時，我們也差點溺水。
• Qmtqpuruh ku kngkinal qpuruh 10 hiyi munan o kklaan mu smpug hmbragan.

  我想把你們組成每組十個人，是我要知道人數多少。
• Qrpuan mu ka qhuni ga niqan rudu pngasuy do embratang kana hiyi mu da.

  我抱緊有毛毛蟲結繭的樹幹時，我的身體都過敏了。
• Qmqsqus ku bi hyaan ga, psbrinah ku nak nuda mu do “kiya dwah” msa ku.

  我很想抱怨他，我檢討自己時，我說：「算了吧！」
• Pnqtul mu sunan ka kana qhuni ga o biqun misu kingal pusu 300 pila ha!

  我雇你砍的那所有樹，我一棵給你三百元。
• Mmquci bi ka kacing o psklwian mu lmiwaq do hmici lmupus quci knan da.

  牛正要排泄被我驚嚇驅趕時，一點一點的糞便就灑在我身上了。
• Qmnquji ku knrudan qmita seejiq ki o “hana mtrajing risaw” sun ku dha.

  我看那個人老得長白髮時，他們對我說：「他正值年少。」
• Tmnquli ku miying mdayaw kmlawa payi mu ga ulan mnarux o msriqu giman.

  我找了來協助照顧我久病纏身祖母的傭人，很難找到。
• Msnquluh nami dxgal ini hari kmalu nhuma do musa nami qmpah qicing da.

  我們因為耕作乾燥地農作物長得不太好，我們就去背光的地耕作。
• Lxi skuy lnamu nami kingal jiyax o sgququy howdan kingal tdruy kacing.

  我們一天所採的箭筍裝高綁緊了一台牛車。
• Pgqurang btunux dxgal knan ka tama mu o marig ku nak ka malu dxgal da.

  我父親給我光禿的地時，我自己買了好的地。
• Pragak bi psluhay smbu knan ka baki mu o yaasa mkla bi rmagak ka hiya.

  我祖父讓我學習射逃跑中的獵物，因為他很會射逃跑中的獵物。
• Lmaung su tntakan dalih sapah mu o empaaragu kana ka ngangut sapah mu.

  你在我家附近焚燒新墾地時，我家的庭院會滿地是黑灰燼。
• Iya psnrahul ini pseupu lnglungan naqih kuxul, siqa namu balay seejiq.

  別為了團體不同心而傷心，丟臉。
• Msnraka nami pais ini enduwa gmraka ka duma nami do mkksaang emprngaw.

  我們為了有的不好好監視敵人而互相生氣的討論。
• “nramang bi hki speekan na knan ka laqi ta ga” msa psmiyah ka payi mu.

  我的祖母期待說：「希望我的孩子給我吃深山竹雞肉，那該多好。」
• Qulung msnramus ka seejiq do ida mangal luqih ka rnabang mangal ramus.

  人只要因多拿山豬肉起爭執時，那多拿的一定會受傷。