查詢

句子 27,384 筆

• Sknrinah mu tama pksaang ka bubu mu o rinah mhuway bi kari na rmimu.

  我把母親像父親一樣更加惹生氣，她反而用溫柔的話安撫我。
• Mgririh qbsuran mu snaw qmatuk dxgal rudan ka nirih na qbsuran snaw.

  我的堂哥像我哥哥一樣獨佔承續老人家的土地。
• Asi krisuh tluung ungat bi eusa na mtruwas bbuyu o iya bi pdrmli ha.

  那只坐著動來動去而不出門狩獵的，一點都不要分獵肉給他。
• Duma riwa o niqan riwa ni niqan papak duma o ungat papak riwa nanak.

  有些菇有傘有柄，有的無柄只有傘。
• Msnriyax nami laqi mtucing paah dnamux sapah smmriq knan ka snaw mu.

  我們為了孩子從屋頂掉下來而被我先生責怪。
• Ini tduwa sprnaw pbhraw rudux ka huling mu, rait bi phuqil na rudux.

  不能讓我的狗以玩笑追雞，牠會一剎那咬死雞。
• Trrngat uqan mnarux gupun kana do mnealu ku embasi embahang ka yaku.

  都在牙痛發出呻吟時，我聽了以同理心的心酸。
• Mmrngaw bi nuda na maanaqih laqi siida o asi tmbqlit ni lmingis han.

  他正要敘述他小時候的過犯，就先跪下來哭了。
• Rngringi hulis binaw isu risaw ga, mha kmsiyi sunan kana ka wauwa o!

  你身為男子的咧嘴大笑看看，小姐都會對你感到噁心喔！
• Rngrngani phulis brah mnegseesu binaw risaw su ga,“mrangi” ksun dha.

  讓你的兒子在老實人面前咧嘴大笑看看，他們會對他說：「白痴。」
• Smmalu namu sapah sryuan ayug o yaa namu ppsrngsux miyah quyux paru?

  你們在山谷出口蓋房屋，豪雨來臨時是要讓房屋被土石流沖走嗎？
• Ini psnrowrak laqi msiqa ka rudan o yaasa ini saw rowrak ka laqi na.

  老人家沒有為了孩子吹牛而羞恥，因他的孩子不會吹牛。
• Ga ku prpiq qmpahan ka sayang o ungat bi jiyax mu miyah qmita sunan.

  我現在正在砍斷田地四周的樹枝，我沒有時間來看你。
• Mrrpla bhgay kana ka seejiq alang hiya o mtleetu niqan ka dxgal dha.

  那部落的人皮膚各個都白皙，是因他們住在寒帶區。
• Wada ptgrpun bali mrata mspruq mhuqil ka laqi nirih mu qbsyran snaw.

  我堂哥因部隊的彈藥庫爆炸而死。
• Qmrqriq ku tbihi qmasun mu ka kingal jiyax saman aji ku mha ana inu.

  明天一整天我想用腳搓白蘿蔔來醃，我哪裡都不去。
• Srsganay su bi mimah ka tnegmuan baki su, gimun na mgrbu saman do o!

  你不要把你祖父的甜粥喝光，他明天早上會找哦！
• Nrubux su damat binaw ini su trima baga ga, aji mdamat ka seejiq da.

  如果你沒有洗手就接觸菜餚的話，別人不會配菜吃了。
• Psbhgay bi sapah ka seejiq o ungat ana kingal ka mkmruciq sapah dha.

  常常保持家清潔的人，沒有一個人想使家庭髒污。
• Ttrudu na qbrangan bowyak mkan sqmu qmpahan ka baki mu o mkla balay.

  我祖父很會做埋伏山豬經常來吃玉米的掩體。
• Ini pnegrumu baga ka smmalu sapah qpras sayang da, asi tquri bnarig.

  現在蓋水泥屋不用手工攪拌了，就買攪拌好的。
• Gmrurut ku pusu pdu ka qmburang rungay o ini bi qita knan ka rungay.

  我用山棕樹當掩體物埋伏猴子時，猴子根本沒看到我。
• Gnrusaw su slaq tksadu knan o biqun misu kingal jiyax 30 kbkuy pila.

  我雇你整平一甲地的水田，我一天要給你新台幣三千元。
• Sknrusaw mu hmaan payay pnkrbu knlala na rmusaw ka payay rbagan uri.

  我整平第二期稻作插秧的水田，跟整平第一期稻作一樣多。
• Iya psnrutug radax qhuni msbrabang uqan uwit, meangal namu luqih da!

  不要為了滾動倒塌的巨木疲累而發生爭執，你們會受傷喔！
• Wada ptgruwaq aangal na pila nkana shmuk kulu ka bukung nyusan nami.

  我們的縣長因貪七成的公款而被關在監牢裡。
• Nruway ka kuyuh su, nii hini kana ka ruway, ma su mangal hlmadan da?

  你的太太應該是遠親，這裡都是遠親，你怎麼取近親呢？
• Msneakay nami ga kgguun mnarux ka rudan na o ini klkla jiyax ka hiya.

  我們為了他不介意父母病的很重而起爭執。
• Ekayay ta prngat ka ga mnarux msa ku o ini ku qbahang do kla malu da.

  我想讓生病的人喊痛，卻沒聽到原來是病好了。
• Kmneamih kmnbiyax quwaq na mlingis ka laqi ga o mreurat kana waru na.

  那硬歪著嘴哭的孩子，頸部的筋肉都暴出了。