查詢

句子 2,541 筆

• Msnreeru ku laqi mu ini thiyi rngagan musa rmigaw sapah seejiq do mliwang ku qnnaqih kuxul.

  我為了我孩子多次到別人家遊蕩不聽勸，難過的消瘦。
• Tnrutug habuk ribaw tdruy enlaxan kha ga ayug ga o empriyux bgurah habuk ribaw ka sapah na.

  把那麼多廢輪胎滾動到山谷裡的，是更換新輪胎的輪胎行主人。
• Ppdusay ta psqama ka bgiya ga megul knuruh sapah gaga msa su o ini su keisug tgaluk sapah ga?

  你說：「我們拿火把來燒長在屋脊的虎頭蜂窩。」你不怕延燒到房屋嗎？
• Tayal rqdug su knan, “maah ku sapah su” msa su o tmaga ku bitaq ska hidaw o ma su ini iyah da?

  你怎麼那麼會騙我，你說：「我要到你家」，我等你等到中午，你怎麼沒有來呢？
• Isu snaw Truku o npowsa su bi qlubung qrunang dgiyaq da, mha su jiyax saw dngil sulay sapah da.

  你身為太魯閣族的男性，應該在舊獵場設置套腳陷阱了，你怎麼老是在家偷懶。
• Mtgklung bi mduk rhngun sapah kdjiyax ka swayi mu snaw do ga asi jyani qaraw smbut sulay bubu da.

  常看到我弟弟「klung」關門時，媽媽就拿細竹枝抽屁股。
• Nasi maabukung ensgan ka qbsuran su snaw o kmpspeypay ku phiyug peypay qmpringan rhngun sapah mu.

  如果你的哥哥成為鄉長的話，我想在我的家掛黨旗。
• Niqan wauwa mowsa sjiqun ka sapah Truku sbiyaw o asi kkneywa tminun qabang pdsun na wauwa ka bubu.

  以前太魯閣的家庭有女兒要出嫁時，媽媽就織很多的被毯當女兒的嫁粧。
• Pmkaxa ka jiyax qrasan pnhyugan su sapah, kika mha niqan jiyax dha miyah teumal ka lupung ta paru.

  把新屋落成的日子訂在後天，我們親家才有時間來參加。
• Sknkkkarang mu mksa qmita ka ga tmayan ruwan sapah ga o kla ga dmuuy galiq ssrus kmaraw ruwan sapah.

  我把在客廳的那個人看作是爬著走路，原來是在用抹布擦拭清潔客廳。
• Knkkndadal na pusu pneurung sapah mkuy muhing kacing paqun pupu tunux phuqil ka tama su o mkla balay.

  把牛綁在房子撐木上用斧頭劈牛頭宰殺，你父親最會。
• “mnegrabuh mu bi ka wauwa kiya” sun mu ka rudan mu o “kruyay ta ka quri sapah na han” msa ka rudan mu.

  我對父母說：「那小姐很適合做我的情人。」我父母說：「我們先觀察她的家庭。」
• “mkmpudung ku baga mgriq tdruy nangi mu aji bbiqan pila patas mgriq tdruy” msa su o ma su pqraqil sapah.

  你說：「我想斷手開車假藉不繳稅金」，你怎麼讓家庭受苦。
• Tmmsnulug lupung bsiyaq ini qtai ka Truku sbiyaw o ‘lita lita sapah, uqa ta nhapuy han’ msa kmsteita dha.

  以前太魯閣族人巧遇很久沒有見面的朋友，就親切的說：「走吧！走吧！到我家，先吃個飯。」
• Wada sgkarih rngagan lupung na hika laqi mu mnbahang bi kari han o miyah sapah do saw karih rngagan uri da.

  我原本很聽話的孩子去跟著他很固執的朋友一起時，回家後講他也很固執了。
• Muda qmtqit buut bowyak sapah baki dha ka qbsuran mu snaw do asi ku qqtqit buut rudux sapah payi mu ka yaku da.

  我哥哥在岳父家啃食山豬骨頭時，我就在我岳母家啃食雞骨頭了。
• Pdungun su psakur qmpahan btunux ka bgurah sakur knsyukan ggtgut sapah su ki o asi su ka musa marig bgurah prihan su.

  你把向鄰居借的新犁拿去犁石頭地弄斷的話，你必須去買新的還他。
• Msnpowsa nami sudu ngangut mu ka seejiq kiyig sapah mu mkeekan kari, yahan na kmaraw ni wada na qgupun qaguk ka sudu na.

  我因為鄰居把垃圾放到我的庭院和他吵架，他過來清理並剷走他的垃圾。
• Gmnkneywa ku qnsjiqan, kmsdrudan ni drumut qmpah sapah ka ngalun mu ina o qqulung ku hmjiyal kingal wauwa alang nami hini.

  我找很漂亮，孝順父母和認真做家事要當作我的媳婦時，我總算在我們部落這裡找到一位小姐。
• Msnrduung qhuni qrul ngalun erut sapah embeyway nadas dha ka snduan mu ga o ini mu biqi snadu ni marah ku musa miying duri.

  我因為所僱的工人帶來要做房柱的蛇木彎曲，我就不給他工資，我重新再找一位。
• Msnklung nami mduk rhngun sapah tgluhay na ka swayi mu kuyuh knriwa nami mkeekan payi do miyah pkrimu mnan ptgayaw ka bubu da.

  我們為了妹妹常常「klung」關門而和祖母吵得很厲害時，母親就來分開安撫我們了。