查詢

句子 2,447 筆

• Rmuay ta quri ppatas ka laqi msa ku o “iya ku rmui, empatas ku nanak” msa ka laqi mu.

  我想討好孩子讀書時，我兒子說：「不要討好我，我自己會讀書。」
• Nkala bi qnalang sapah mu ka empgeeguy hki msa ku, balay bi da, asi luul ka huling mu.

  我想竊賊若是越過我家的圍牆，真的發生了，我的狗狂吠窮追。
• Iya psnkneywa msaang sunan ka tama su naqih kuxul, ga tmgsa quri malu euda su ka hiya.

  不要為了你爸爸過度責備你而心裡難過，他在教導你有關好的行為。
• “sknwaun mu pqeepah qmpahan ka laqi mu ga matas” msa su o nangi su pdwian laqi hay ga.

  你說：「我要讓我在讀書的孩子做粗重的工作。」你是故意讓孩子懶惰讀書，對齁！
• “pnlkuh su knan qmpah quri alang o mqaras ku balay” msa rmngaw qnawal ka bukung alang.

  村長來電說：「我很高興，你支持我做部落的工作。」
• Mmnama ku bi musa pngahi do “yahan” sun kuna sduuy hirang ka lupung mu “tqnay ta” msa.

  我正要先去釣魚時，我的朋友搭我的肩膀說：「等一下，我們一起去。」
• Rubang mu nrsuun saang ka kmnayak dxgal mu ga, miyah msa “srwai ku” knan do ini ku da.

  當我對那侵占我土地的發怒時，他來對我說：「原諒我。」我就停止發怒了。
• “kmpsrmun ku smcimu damat ka mha mhuma layan” msa su o ma su ini kla gaya mhuma layan?

  你說：「種綠豆時，我想把菜放鹽巴弄鹹」，你怎麼不知道種綠豆的習俗呢？
• Gmrprak ku lmamu gisang balay o “ura su nanak” msa ka payi ki o kika nirih na mgspung.

  我採鵲豆的嫩莢時，那老婆婆說：「好羨慕你喔！」就等於是向我要一點。
• Iya psnkaxa tnaga su hyaan msaang, ida mha saw ki hici empkaxa tmaga sunan ka hiya uri.

  不要為了等了他一天而生氣，以後他也會為你等一天。
• Mkmkan samat ka seejiq ini usa tmsamat o saw sknruway musa speekan seejiq mnsa tmsamat.

  不去狩獵而很想吃山產的人總是常到狩獵的人家白吃。
• Ttpowsa dha dangar qibu msangay ggbiyan ka laqi matas o dalih kbkuy ka qibu ngalan dha.

  學生傍晚放學時，經常去設置捕小田鼠的石壓陷阱，他們捕到的小田鼠接近一百隻。
• Lubug djima ga psaan hlpis bi bngbang embanah shngapan lmubug do ‘qaw, qaw’ msa hmnang.

  竹製口簧琴中放的薄銅片吹奏時發出「qaw, qaw」的聲音。
• Mmrnaw ku bi smtarang pucing lpungan mu o tayal uqu na, “nirih saku wada paqan da” msa.

  我正要對我朋友舉起獵刀開玩笑來挑釁他，他很嘔氣的說：「你等於把我殺了。」
• Msnpanguy ku dqras naqih kuxul laqi mu trqilan ama ga,“rbangay ta pqijing hyaan” msa ku.

  我因女兒被女婿虐待難過得哭喪著臉說：「我真後悔把女兒嫁給他。」
• Qulung niqan ka saw qrasun o asi endka msa ‘pax pax’ pspruq qbulit blblak kana ka alang.

  只要有慶典部落都會發出「pax, pax」點燃的炮竹聲。
• Qulung msa ‘qrat’ mtutuy rmngaw ka bukung alang nami do asi nami tkpiyung embahang kana.

  只要我們的部落領袖「qrat」起來講話的時候，我們全部就傾聽。
• Qmriqaw ku bi msaang hyaan brah lupung mniyah o ini qita knan do ini ksa gisu ku msaang.

  我想在客人面前對他瞪眼生氣，他沒有看到我時，他就不知道我在生氣。
• Wada ptgklabi psapuh dowriq ungat patas pnegkla msapuh empruq dowriq ka kingal yami hiya.

  我們那裡有一位因去沒有執照的眼科醫師那裡掀開眼皮治療而眼球被弄破。
• Msnkwaya nami tpngan gsilung ka asu bilaq o “rucing” msa ka hiya ni “asu” msa ku ka yaku.

  我們為了小船被風浪擺動他說：「那是漂流木」，我說：「那是小船」而起爭執。
• Msnplealu ku msaang hmut plealu pha qumi sais babaw srakaw ka snaw mu o “aw ha” sun kuna.

  我爲了先生隨意把縫針放在床上而生氣，他對我說：「對不起。」
• Psisuk o qbhni mniq breenux, qulung ttaril dxgal do ini gseesu bglaw bglaw msa ngungu na.

  白鶺鴒是居住在平地，只要停在地上時，他的尾巴就會上下擺動。
• Msnpuh nami msnkala brah tama mu o mnarux rumul msa ka hiya o mnarux brah msa ku ka yaku.

  我們爲了父親胸口急速的跳動，他說：「是肝病」，我說：「是肺病」而起爭執。
• Iya psnquci laqi su phrinas ngangut msaang, ma su ini tgsai ssaan ngangut ka laqi su han.

  不要為了你孩子在庭院排便而生氣，你怎麼不先敎你的孩子上廁所。
• Mmrakaw ku bi kingal ayug do pnlngug nami mstrung ka paru rqnux o “pndungus utux” msa ku.

  我正要越過一個山谷時恰好碰到公鹿，我說：「是上天所賜的。」
• Rngatay ta asaw kusa msa ku o qmita ku saw sgealu do srwaan mu ni malan mu cih mgay duri.

  我本來想因債務強取抵債，我看了很可憐就不追債並且還多加給他一點。
• Msnlqluq nami samu tksadu ini bgay snadu mk5 jiyax ka seejiq msadu ki o naqih bi kuxul mu.

  我為了雇我們拔除釘子的人，五天沒有給工資而難過。
• Kmpudung su baga mangal ina o “tayal gnealu na” mha msa tmdahu sunan kana ka seejiq alang.

  你想娶斷手的媳婦的話，全部落的人都會稱讚你說：「他真有愛心。」
• Qngagay ta ka quyu ga knrikit elug ga msa ku o tgsula ka qaqay mu do paq qmqah ku quyu da.

  本來我想跨過那在路上盤踞的蛇因我的腳不夠力「paq」就踩到蛇了。
• Tnrigaw kngkingal klwaan ki o wada ptgeasu skaya mtucing gsilung mhuqil da msa ka bhangan.

  聽說：「那旅遊過各國的那個人，因飛機失事墜海而死了。」