查詢

句子 23,272 筆

• “ryuxay ta laqi snaw ka kingal laqi su kuyuh” sun mu ka rudan na o ini sruwa ka laqi na.

  我對她父母親說：「你一個女孩換我的一個男孩」，他的女兒不答應。
• Kmnrnaw ku mgay kingal rikit hlama knan ka seejiq ki o yaasa ungat saw nii bitaq sayang.

  那人送給我一大盤糯米糕當作是開玩笑，因到現在從未有過。
• Risaw dmqeepah o iya psnrpla knbhgay wauwa empgeeluk, ungat stmaan qmpah do mhuya su da!

  務農的男子不要為了皮膚白皙的小姐而爭搶，不能工作時你怎麼辦了！
• Mgrqriq baki mu qqlqah payay qmpah payay siida ka baki su o knrudan dha naqih dowriq da.

  你祖父跟我祖父在稻作園鋤草時一樣踩搓稻作，是因他們老得眼睛老花了。
• Mkmprurut ku egan smbut qpahun mu ka yaku o “ini yahi nhuma ka nniqan egan” sun ku tama.

  我很想砍覆盆子攀纏的地方要拿來耕作，我父親對我說：「覆盆子長過的地方農作物不會長出來。」
• Gnruus mu madas mgsbu rapit ka puniq tama mu ga 7 ka rapit buan mu o mskluwi ka tama mu.

  我偷偷的帶父親的槍去打飛鼠，射了七隻飛鼠，我父親很驚訝。
• Kkkhma su erut sapah qhuni tksadu ga smmalu sapah qhuni hi o adas ku yaku uri hug? Tduwa?

  要是你要去受雇到蓋木屋那裡刨房屋柱子的話，也帶我去可以嗎？
• Qulung srahuq baga mtucing paah qhuni baraw mgrung qaqay ka seejiq do mnegkil bi mksa da.

  人只要鬆手從樹上摔落腳骨折，走路很明顯跛腳了。
• Wada ptgklabi psapuh dowriq ungat patas pnegkla msapuh empruq dowriq ka kingal yami hiya.

  我們那裡有一位因去沒有執照的眼科醫師那裡掀開眼皮治療而眼球被弄破。
• Wada sgkray bi rngagan lupung na hika laqi mu ga, miyah sapah do mkray bi rngagan uri da.

  我的孩子去跟著固執不聽的朋友那裡，回家以後也很固執了。
• Msnkwaya nami tpngan gsilung ka asu bilaq o “rucing” msa ka hiya ni “asu” msa ku ka yaku.

  我們為了小船被風浪擺動他說：「那是漂流木」，我說：「那是小船」而起爭執。
• Mnslangu qixan quyux paru tmayan qsiya skeeman ka sapah nami o ini nami taqi kingal rabi.

  昨夜下大雨我們家遭積水，我們一整夜沒睡覺。
• Baki mu o spleexan na bi smpug ka pnltudan rudan nami bitaq knan do msnmngari knxalan da.

  我祖父很清楚的數，我們祖先延續到我是第九代了。
• Kmnnngani cih uqun payi su ga mnarux sun mu ka ina mu o asi bgay 2 qnqan knlala huway na.

  我本想對我媳婦說留一點食物給在生病的婆婆，她慷慨地就多給我兩份。
• Kmnpakungmu rapit snalu na qmita snalu mu pakung rapit o yaasa paq bi mdka ka snalu nami.

  我把他做的飛鼠M型套頸固定器看作是我做的，是因為我們做得非常像。
• Tppeydang pila kana ka seejiq alang hiya o kla niqan ka mkla bi gmeeguy seejiq mnda hiya.

  那個部落的人都遺失了錢，原來有很會偷錢的人經過那裏。
• Pgigit o miyah tmbalung qmusug mami ni mruq ka balung na do maakuwi qmrqur qhuni mami da.

  天牛在橘子的樹幹上產卵，孵出成蟲就鑽橘子樹了。
• Mqmpgriq baga mu qmrak knan ka seejiq ga, ki psqguan mu qmqah brah do asi pksaraw mtakur.

  那個人想扭轉我的手捉我時，我跳起來踢他的胸部，他就倒下來。
• Sknpiyung mu tama qmita ka piyung qbsuran tama mu snaw o yaasa mdka knparu ka piyung dha.

  我把伯父的耳朵看成是父親的耳朵一樣，是因為他們的耳朵一樣大。
• Msnplealu ku msaang hmut plealu pha qumi sais babaw srakaw ka snaw mu o “aw ha” sun kuna.

  我爲了先生隨意把縫針放在床上而生氣，他對我說：「對不起。」
• Tmnpnlaq miying tmiyay gsilung sgbiyan ka seejiq ki o spsulay bi lubuy buwax hnjyalan na.

  那個人傍晚在海海邊找貝類時，他找到的數量很少。
• Iya psnprana tmabug twtuwil msbrabang, hmuya ka prana tmabug kbowlung qsiya ka taxa namu?

  不要為了繁殖鰻魚而爭吵，你們其中一位為什麼不繁殖蝦？
• Msnprat hnang kksa mu kmluwi ku pqduriq samat lngu buun tama mu o tayal saang ka tama da.

  因我「prat」的腳步聲嚇跑了我爸爸正要射擊的獵物，他非常的生氣。
• Ttprpaw dha psramal qmita patas ka laqi matas o ini lu slhbun ka pspung knkla pntasan da.

  經常在破曉時準備看書的學生，就不用擔心考試了。
• Psisuk o qbhni mniq breenux, qulung ttaril dxgal do ini gseesu bglaw bglaw msa ngungu na.

  白鶺鴒是居住在平地，只要停在地上時，他的尾巴就會上下擺動。
• Msnpuh nami msnkala brah tama mu o mnarux rumul msa ka hiya o mnarux brah msa ku ka yaku.

  我們爲了父親胸口急速的跳動，他說：「是肝病」，我說：「是肺病」而起爭執。
• Qmnqluli ku qmita lupung mu ungat qtaan tmapaq do kla su ha trbung mkttruma qsiya tmapaq.

  我把游泳的朋友看不到時，以為是溺水原來是在潛泳。
• Paah musa sgquli bi laqi lupung mu niqan tunux hika laqi mu do niqan cih tunux na uri da.

  我小孩自從去我朋友聰明的老么那裡時，他也聰明一點了。
• Ngiyaw o sknrait na qmrak qowlit ka qmpurus muhing huling do asi rqriqi qmiyut huling da.

  貓一下子抓傷狗的鼻子像抓老鼠一樣時，就被狗甩咬。
• Mmrakaw ku bi kingal ayug do pnlngug nami mstrung ka paru rqnux o “pndungus utux” msa ku.

  我正要越過一個山谷時恰好碰到公鹿，我說：「是上天所賜的。」