查詢

句子 4,057 筆

• Msndaruh nami hnpuyan ini usa uqun do msluluy nami da.

  我們U+7232了煮的不熟吃不下就吵起來了。
• Qmita hbaraw ka laqi mu do asi pddmut mgay ka tama mu.

  我父親看到我孩子很多就指定把四條豬背肉給我。
• Sndhriq qixan ka elug ga, malu karat do ini qdhriq da.

  因淋雨滑溜的路，天氣好就不滑了。
• Dkaan mu ha ka enlaqi psthulang ga do tayal lingis da.

  我把自大孩子的那一份切成兩半時，哭的要命。
• Ndowras bi hki elug su ga, yaa su aji empkkran miisug?

  你的路很陡峭看看，你不會心驚膽戰嗎?
• Ana do enduma namu ka musa mkan pntrian gexal namu da.

  再怎麼樣你們有一些人該去參加婚宴。
• Ungat ka pila bgay mu kusa su do asi gdxgal mangal da.

  我沒有錢付你的債就拿土地。
• Msnbtraw ku laqi mu do asi mu dpani ngangut 1 knmanan.

  我為了孩子負氣離家就關門讓他一個晚上進不來。
• Ini uda ka samat do asi nami bi pggagi ka dhuq sapah.

  沒有捕到獵物我們就空手回家。
• Qmqgu ka rudux do tggat mtutuy kana ka psrbu mhapuy.

  公雞叫的時候煮早餐的全都即刻起床。
• Hbaraw bi ka pgeabu hiyi do asi kgeabu hiyi ka isu da.

  多數的人需要按摩的話，你就去做按摩好了。
• Maagnuwin ka bgihur paru do gmabal qhuni paru brax na.

  颱風變成龍捲風時，其威力可把大樹木拔除。
• Kmnegukung qmita limuk ka baki mu, csrumaw dowriq na.

  我爺爺因老眼昏花將湯鍋看成飯鍋。
• Gkdani na liwas ka gukut supih do msuwiq ka idaw da.

  他將小鍋墊用來墊大鍋時飯就掉落了。
• Qmhdu hmagat ka qapal blbul do uqan mu ha ka mlmul na.

  整串香蕉長成後我就拿香蕉花來吃。
• Qulung qmita seejiq do mneghahuy mhulis ka kuyuh gaga.

  那婦女看到人時就會「hahuy」的笑著。
• Tgeeluk hmakaw tbbagan mu do msnhakaw nami mttlung da.

  我們為了爭搭梯設捕鳥的陷阱而打起來了。
• Mtkla nami ka yami mnswayi do empphapuy nami nanak da.

  我們兄弟姐妹長大後我們會各自煮飯了。
• Mneghbalut bi kndowras na ka dgiyaq o qlbunga su hiya.

  你不要在那山嶺尖銳的山崖上放陷阱。
• Hmaun mu phpah ka llingay, pphgut dowriq knmalu qtaan.

  為了吸引觀賞，我的庭院要來種花。
• Knxalan sayang do mneghiru bi tutu samaw ka keeman da.

  現代人晚上都喜歡使用手電筒來照明。
• Msnhjil nami btunux pnteetu ayus do huya nami pqqaguk.

  我們為了土地上的石頭界標被搬移差點相互打架。
• Qpahan ka llingay do asi ta phhmuk nanak ka tnbgan ha！

  周圍都種植農作時我們的家畜各自要關起來喔！
• Mhrinas su knan ka kngkla tmsamat do ana rabang ki da.

  你狩獵的技術要超越我，這樣很值得。
• Sknhrus na qmita ka dgiyaq do laxan na powsa gasil da.

  他看山當作山坡地就放棄設陷阱。
• Qulung hiya ka dmuuy qngqaya do hmut mkkadang kana da.

  只要是他用過的器具都鈍得很嚴重了。
• Tkrhanay su bi rngagan rudan su, hciun suna kari do o!

  你不要被父母講時很固執，他們會對你留下咒詛的語言哦！
• Wada ptgkatu dowras pntmgaan na dowras mhuqil ka hiya.

  他因冒險過斷崖墜崖而死。
• Kkkaxa su mahu ka mgrbu saman do mha ku ramal yaku da!

  要是你明天早上因洗衣而耽擱時，我要先走了！
• Empkkbkak ku miying ssjiyan ka muda dowras sipaw gaga.

  我過對面的懸崖一面摸黑一面找握的地方。