查詢

句子 23,250 筆

• Asi bi ptgrigu sari sulay mtucing ribul mtghiyi pqsiqa kingal ka yami hiya.

  我們那裡有一位因扭屁股褲子掉了露體而害羞。
• Saw mha niqan hwinuk ka laqi su ungat hwinuk ga o rgui hwinuk powda rnibaw.

  為了使你不苗條的孩子成為苗條，讓他搖呼拉圈。
• Mkmrimu ku pgaaw bukung qpahan nsgan o ini angal kana ka seejiq alang hiya.

  我想競選鄉長行賄時，那部落裏的人都不接受。
• Nirih mu qbsuran snaw o rrimu na tnrqdug pgaaw na bukung alang ka ga shmuk.

  我的堂哥因競選村長所做的賄選而被監禁。
• Kingal bi ka laqi nirih mu qbsuran snaw ki o asi ririh kana dnuuy rudan na.

  我堂哥的獨生子就繼承父母的財物。
• Bsiyaq hari snangay na qmeeguy ka srkrak bi baga na gmeeguy ka seejiq kiya.

  那個人休息一段時間沒有偷竊，使他技癢了。
• Iya psnrnabaw tamul labu qnslan msbrabang, aji ngalun utux ka sniyus su da!

  不要為了包取豬各部位的血桐樹葉發生爭執，你們的祭物不被神明接納。
• Musa ku qmita wauwa o pprngaw mu sunan hug? ini ku hari kla rmngaw ka yaku.

  我不太會講話，我去提親時，我請你講好嗎？
• Rpaay ta mangal haka pila pnsku na ka seejiq kiya msa ku o ini tduwa rpaan.

  我想詐騙提那個人的存款時，無法被欺騙。
• Asi qrqda tahut hngak kana ka jiyan sayang, ungat hari ka rqda tahut qhuni.

  現代都在用瓦斯爐了，很少用木柴燒火的爐灶。
• Busug eimah sinaw ga o ana msnrqsug samat ka kuyuh na o ungat usa na bbuyu.

  那酗酒的雖然他的妻子對獵物很有食慾，他沒有時間去狩獵。
• Ini su phuma pnegalang o asi qrqun tuyuq smeura seejiq mkan pnegalang hici.

  你不種植水果的話，以後別人在吃水果時，你就吞口水羨慕。
• Aji kkrsug ka ayang pshngak tdruy su o qtai bi ka paya pgkla ayang brah su.

  避免你車子的汽油見底，要很注意你前面的油表。
• “Iya psnRulung empgeeluk, ma saw wana haka risaw da” sun mu ka dwauwa gaga.

  我對那小姐們說：「不要為了Rulung互相爭搶，男孩子又不是只有他。」
• Srurul mu mgay 2 pnniqan siyang ka laqi mu tgqbsuran snaw o hbaraw laqi na.

  我一次給大兒子兩份豬肉，因他的孩子多。
• Ana su kmrurut qbrangan kumay o ungat iyah na, mkla smknux seejiq ka kumay.

  你雖然想做埋伏熊的掩體物沒有用，熊會聞人的味道。
• Sapah wauwa ga o mruus ku mtmay yaku nanak han, hici ka meadas ku munan da.

  那小姐的家我先偷偷單獨去，然後我帶你們進去。
• Sqnruwaq mu mangal kingal lubuy buwax lupung mu ka kingal lubuy trabus uri.

  我把我朋友的一包花生米拿七成，跟拿一包白米七成一樣。
• Rwaqay mu mapa ka kingal lubuy powci trabus ni nngari na do paani isu kida.

  我來揹一個麻袋七成的花生，剩下的你來揹。
• Ini tuku ka gasil qnawal do, asi kealu gasil nuqih kana ka alu qlubung nami.

  因鐵絲拉線不足，所以我們只好用苧麻纖維當延長線。
• Gmneamih ku lmingis mgspung pniri buan mu ga, “yahan, barah misu tminun”msa.

  我扮歪嘴哭過試著向母親要布紋，她說：「慢一點，我另外織給妳。」
• Tggatuk kana ka tama rudux do skaya qduriq bbuyu ka bubu rudux bnhraw dha.

  每個公雞都要交配使母雞被迫追到草叢裏面。
• Aji qqgluq bunga ka lukus mapa su bunga o grhingi rnabaw ka quri bukuy su.

  為了你的衣服不被地瓜液粘上背後要用葉子圍起來。
• Tnhadut kingal mneudus bowyak nii o lupung mu mnangal 5 mneudus bowyak snii.

  送我這一隻山豬的朋友是我最近獵到五頭山豬的。
• Sthangan na mnegslagu lnglungan ka laqi na o ini pneglngu hi ka qnseejiq na.

  他以正直給孩子取名但他沒有那樣的人格。
• Pnhluluy na dxgal hrus ka sunu snii o huya na qjii ka tapaq paru sipaw gaga.

  上次因坍方的坡地滑動的土幾乎把對面全都流失了。
• Saw skhrgu mirit muda qmpahan mu ka seejiq ga o sgkhaya ka bunga mu mkgabal.

  那個人趕羊老是通過我的田地造成滑動連帶很多地瓜被拔出。
• Kmnkarih ku rngagan qmita quwaq na saw kupan ga o kla knlnga na hi quwaq na.

  我把他嘴巴被講時看成很固執的樣子，原來他嘴巴天生就是那個樣子。
• Spkarih na lupung smkagul ka laqi na saw karih ga do ida embahang nhdaan da.

  他那很固執的孩子透過他朋友堅持的叫他工作時，最後還是聽話了。
• Sknkduh na dhuq ni wada duri ka qmlubung o ungat ana kingal nangal na samat.

  他放套腳陷阱「kduh」來就走，連一隻獵物都捉不到。