查詢

句子 23,272 筆

• Manu pusu na spha dha hmuk quwaq ka kacing o mduuy kacing ka mkla.

  牛什麼原因要戴上口罩，養牛的人才會知道。
• Knphiyug dha baga msiyuk sniling mtgsa ka laqi matas o emppgeeluk.

  學生們為了要回答老師的問題爭相舉手。
• Kneudus seejiq o mdka phpah, emphpah mgrbu ni gbiyan do mkrung da.

  人的生命就像花一樣，早上開花傍晚就枯萎了。
• Ttpida dha musa matas ka laqi kuyuh o asi endka gmupuq tunux kana.

  在學中的女孩，髮型都是西瓜頭。
• Yaa hmuya pini gmpika ku bowyak 5 nangal mu ka hngkawas sayang ga!

  我不知道什麼原因，今年我獵了五隻跛腳的山豬！
• Musa bi bbuyu ka huling o stkpiyung na bi embahang ka hnang samat.

  很會狩獵的狗很會用耳聽獵物的聲音。
• Knpkbarah na kndadax musa bbuyu o tna pkulaw gaing kana seejiq da.

  他臨時才出發去狩獵，別人已經都走很遠了。
• Gmpkeeru su endaan qmpah lupung su paru o iya pqtai, mha msiqa da.

  你再做親家做過的工作時不要讓他看到，會不好意思。
• Tppkeeru mhuma layan kana do pkeeru ku mhuma beyluh mrata ka yaku.

  都在補種綠豆時，我就補種紅豆了。
• Msnpksiyuk ku pila mangal mkray knsyukan do ini ku ksiyuk yaku da!

  為了他收我高利貸，我就不借了！
• Gmplawa su gxal ka musa mkan pntryian o uda kngkingal ruwan sapah.

  你叫親戚參加婚宴要挨家挨戶。
• Tnplhlah knan bnkuy na biyi kacing kiya o ga pruway tmabug kacing.

  那叫我解開綁緊牛舍的主人是專門在養牛的。
• Tgpluh bi muhing kacing ga o hiya ka mkla bi mluh alang nami hini.

  那在穿洞牛鼻放鼻環的人，是我們部落這裡很會穿的。
• Msnpmblux nami tdruy na qmaya elug o ungat rngagan ka seejiq kiya.

  我爲了他的車子佔路不能溝通而和他發生爭執。
• Nii tmpmblux dxgal nniqan rudan Truku o seejiq mniyah klwaan isil.

  這佔據太魯閣族傳統領域是外來的政權。
• Tpppnlaq musa mkksa kana do musa ku mkksa siyaw yayung ka yaku da.

  都去海岸散步時，我就去河邊散步了。
• Mtgpowri qwarux knlala napa na ka qbsuran su snaw entaan mu shiga.

  我昨天看到你哥哥揹藤心多得露出來。
• Gnpqdu ku mhiyug tmaga sunan smka jiyax o msisuy kana qaqay mu da.

  我呆站著等你半天，我的腳都麻了。
• Tgpqita bi hmalig ngangut bgurah bi lukus ga o ga pseura lukus na.

  那把很新的衣服晒在外面展示的，是在炫耀他的衣服。
• Mnpril ku sudu trabus pusu bunga mu ka shiga o jyagan ku kuyuh mu.

  昨天我把花生殼丟在地瓜園時，我太太幫我。
• Dmptpring qlubung samat ga o lala bi qrunang saun dha pha qlubung.

  那些製造獵物陷阱的人，有很多獵場要去放陷阱。
• Knpririh na kusa knan ka seejiq ki o asi ptxal, ini skkingal idas.

  那個人一次付清欠我的債，不按月付。
• Qulung tmlung ka bgihur paru do asi kpriyuk skaya baraw ka rnabaw.

  只要颱風來襲葉子都會被漩在空中。
• Gmnpruq lubuy buwax mnkan buwax ka qowlit o wada qrapun ngiyaw da.

  咬破米袋吃米的老鼠被貓抓到了。
• Mnegprut bi kari mu ka seejiq ki o kla mnlngug kari mu ka nuda na.

  那個抵制我講話的人，原來他的行為就如我所說的。
• Mnegpsahug bi sjiqun ki o hbaraw bi wada na pshugan alang nami da.

  那很喜歡懲罰人的，在我們的部落已懲罰過很多人了。
• Qmnpshuriq ku musa miying bunga ka shiga o asi ku lu qun tunux da.

  我昨天想淋雨去挖地瓜時，我突然頭痛了。
• Knpskray na hiyi btaqan qumi msapuh ka baki mu o ini usa ka sapuh.

  我祖父打針時身體緊繃，藥都打不進去。
• Sknpsmlux su msru kuyuh su nanak ka kuyuh seejiq o naqih prngagan.

  你無緣無故打別人的妻子像打自己的妻子一樣的話，會不好調解的。
• Mgrbu mha qmpahan do tppspdu rnduung gamil qrul kana ka yami hiya.

  我們那裡早上要去田裡時，都點燃蛇木作成的蛇木棒。