查詢

句子 20,490 筆

• Spkala mu hyaan peapa tdruy ka laqi mu, yaasa aji ku meeniq sapah mktru jiyax.

  我請他協助我孩子搭車，因為我三天不在家。
• Spkhma mu hyaan ka qhuni tluan o aji lngu ka endaan na do ini ku bgay pila da.

  我請他刨平木桌他刨得不像樣時，我就不付錢給他了。
• Msnkndadax nami bbaraw hidaw musa qmpahan nmahan na sinaw o naqih bi kuxul mu.

  我們為了他喝酒太陽已經高掛了才出發去工作而爭執，我心裡很難過。
• Mmlhlah ku bi huling dha tjiyal qlubung siida, huya kuna qyuci do ki nalax mu.

  我正要解開被別人的套腳陷阱捕到的狗時，我差一點被咬就放棄了。
• Mtgliwaq qnapur ka pusu do musa nami gmraka bnu siyaw pnlaq miyah tmbalung da.

  東方的雲出現閃光時，我們就到海邊抓來生蛋的海龜。
• Gmnlnglung ku mhuma tlulug ka yaku o “ini iyah tlulug ka hini” msa ka tama mu.

  我想過種葡萄時，我父親說：「這裡不適合葡萄生長。」
• Qmnlqluq erut qnalang mirit gmeuqu qmita pteetu ku erut knrudan na ka baki mu.

  我祖父老得誤把我在豎立羊舍圍籬的柱子，看作是在拔除柱子 。
• Seejiq pnsnulug su shiga ki o mgmsnulug mu sbrigan siyang alang paru suni uri.

  昨天你巧遇的那一個人，我剛剛也在市區的豬肉攤巧遇。
• Tnneenru bi tmeegu uqan hini shiga ki o yaa pnaah alang inu pini, ini mu klai?

  昨天多次來這裡挑釁打架的人是從哪個部落來的，我不知道？
• Lngu saw musa sgnkala matas gqringan lupung na ka laqi mu o ini nkala ka hiya.

  我的孩子想跟他朋友一起上研究所，但他沒有上。
• Tgnkala bi skaya qnalang ka rudux mu ki o qriban mu pahing do asi na kbaka hi.

  我那很會飛躍圍籬的雞，我把牠的雞翅剪了以後牠就沒轍了。
• Gnnngani ku cih uqun sun mu ka hmut seejiq aji mu gnkla o peekan ku siqa hida.

  我對不認識的人說留給我一點食物時，我覺得很不好意思。
• Mnpalit likaw mhraw bowyak ka huling mu, muda pqiyut quyu shus do embrinah da.

  原來我的狗快速的追山豬，被眼鏡蛇咬到時就折返了。
• Ima ka pnpalit hgliq bgurah bi bluhing mu gaga, mtbus ku manu tmikan payay da?

  我那新的簸箕是誰弄破碎的，我搗的稻穀要用什麼篩了？
• Ini sruwa smkuxul rsagan mu ka tama na do gmpangus dqras tmaan na ka wauwa da.

  她父親不同意女兒喜歡我兒子時，她就對父親板著臉生氣。
• Msnpangus nami dqras snaw mu ida na saw ki kdjiyax do rbangay mu hyaan msa ku.

  我為了我先生一直板著臉生氣時，我很後悔嫁給她。
• Msnpaq nami tmaq qmqah kuyuh mu ka seejiq kiya o nowxay ka miyah smahug nhari.

  那「paq」踹我妻子的人，幸好他及時來賠罪。
• Truku ga, nurug dha seejiq Nihung do ana kuyuh mkpdagit snaw ka musa qmpah da.

  太魯閣族學日人，連婦女帶男性綁腿去工作。
• Mnegphadut bi knan musa qmpah spuhan ka wauwa ga o yaasa ini slhbun quri knan.

  那女孩子請我送她去醫院上班，因他對我很放心。
• Tpphug basaw kana ka alang nami hiya sayang o tmaga ku kciyan mu masu ka yaku.

  我們部落現在都在採收小黍，而我在等待我小米的採收期。
• Msnpqaya nami lqlaqi btunux qnluli seejiq musa mangal o wana yaku smriqan dha.

  我們為了去救卡在石頭裡溺水的人，他們只推卸我去而發生爭執。
• Ptgpqsul mtucing dowras mhuqil ka kacing mu do smayan nami hmakaw musa mangal.

  我的牛因墜入懸崖夾縫時，我們很費力的搭橋去處理。
• Tnpsleetu smahug qsiya tutu mahan ga o ina mu pnsramal na mahun lupung mniyah.

  那放涼熱水倒在杯裡的是我媳婦準備給客人喝的。
• Iya psnpslumux pngahi siyaw yayung empgeeluk, hjiq hngali cih ka taxa namu da.

  不要一個一個搶著在河邊釣魚，你們其中一個讓一邊去。
• Msnpteeru ku sapah dmuxan dha rbnaw djima do sbarah mu smqit rudan djima duri.

  我為了更換他們用嫩竹蓋的屋頂上層，我又重新去砍老竹子。
• Gnpulas mu qnqan smrus tluan mkan ka galiq ssrus o bhaan mu ni saan mu mhidaw.

  我用來擦拭飯桌上碎食的抹布，我洗了又拿去曬。
• “mqmpqapal ku blbul mkan” msa ka payi mu o yaasa mnhdu mtquli laqi ka hiya da.

  我祖母說：「我想吃連體蕉」，是因為她生育結束了。
• Msnqlqah ku srakaw slaq nak rnwaan laqi do asi mu sbci qaraw djima ka laqi da.

  我為了孩子踏在床上玩弄髒床舖，我就用竹枝打孩子。
• Mnqmgi brax hiyi na ka lupung mu o mnarux brah nkan na lumak do mdka mowsa do.

  我朋友身體原來很結實的，他因抽菸得了肺病好像要死了。
• Msapuh suling utux o sqmul na quwaq mnarux suling utux ka gaaw numul na sinaw.

  治療帶狀泡疹的人，把酵素和酒唅在嘴裡硬塞病患的嘴上。