查詢

句子 2,241 筆

• Ppspapak mu pha bowyak ka tlayan qngqslan bowlung nii.

  這齒形鐵鋏是我用來設置夾山豬腳的陷阱。
• Nii nami muda tmppeetung tbihi ka yami swayi mu kuyuh.

  我跟妹妹在補種間隔大的蘿蔔。
• Smppklug ku bi nii kmjiyax ka musa ku sapah lupung mu.

  我很多次在朋友正值吃中餐時到他家。
• Nii ku tmppriyuk smluhay pstaril qsiya ka yaku sayang.

  現在我正在學習旋轉跳水。
• Gpsjijil mu tunux ptaqi mnarux seejiq ka tpnaan 5 nii.

  這五個枕頭，我要用來抬高病人睡覺時的頭部。
• Nii nami tmptgayaw klwaan isil tmgjiyal o mgsmay nami.

  我們在費盡心力調停國際的戰爭。
• Nii ku tmppudul kxil tama rudux mu, mqsuqi mhungul da.

  我在弄斷我的公雞距，因太尖了。
• Qmnqcilus su qmita qmpahan mu o aji saw nii ka qcilus.

  你把我的田當作溼地來看真的溼地不是這樣。
• Gnqdrux mu hmtur yayung aji euda alang ka qngqaya nii.

  這工具是我建水壩以防河水進部落。
• Nii nami gmrbuq kmari rbngan nami btunux paru ka yami.

  我們在挖要掩埋大石頭的坑洞。
• Ga mtgrhbiq kana ka qhuni ga o endan sunu mrunug snii.

  那些樹都斷裂是上一次地震坍方所造成的。
• Nii nami tmrigu hwinuk smluhay powda rnibaw ka sayang.

  今天我們在練習扭腰搖呼拉圈。
• Rimu mu mgay Hrungan ka pupu nii, nhuya mgay ubung da!

  這斧頭我給Harung是有討好的企圖，說不定他會給我織布箱喔！
• Saw bi isu nii ni! qulung ku mqmi dga, ida misu rbaun.

  像你這個樣子！只要我死了一定會咒詛你。
• Knruhaw yayung rbagan snii o lala radax qulit napa na.

  這次的夏天湍急的河流漂來很多巨大的檜木。
• Paru bi ka bgihur snii o nbsbas kana qhuni ddgiyaq hki.

  我想最近的強烈颱風，山上的樹木當然都會被吹爛。
• Seejiq tnbunur nii o ini bi angal maacyaqung ka qwarux.

  專門作龍骨的人不會拿容易碎裂的U+7C58條。
• Tneghak pajiq nii o tduwa sghak 4 pnskarat ka ghak na.

  這個人的菜種子一年四季都可以種。
• Hapung nii o gghalus mu smrus quwaq rudan mu ga mnarux.

  這毛巾是我專擦生病老人家的嘴上的口水。
• Tnhiqur gmeelug dxgal mu nii o ima, ma ini siling knan?

  在我土地上開過彎路的人是誰，怎麼不問我呢?
• Gnhubug mu hmrig qsiya mhapuy buut kacing ka sahug nii.

  這水杓是煮牛骨用來加水的。
• Ktui sipa dhquy ka isu msa ku o ma ka sipa daun ka nii?

  我跟你說去剷糯米秧苗，怎麼你剷的是在來米秧苗呢？
• Gnkawir mu xiluy dmuuy ka qngqaya nii o 10 hngkawas da.

  我用來弄彎鐵條的這個工具已經十年了。
• Gnkhgalang mu smqit djima ka sowki nii o ini bi kgrung.

  我用來砍桂竹的這把柴刀都沒有斷過。
• Qcinuh qhuni nii o gkndadal mu erut sapah msamu qmabil.

  這個木板我要用來貼在房屋的柱子釘上做牆壁。
• Iya usa sgkubuy rurut hiya, nii hini ka malu bi ttakan.

  不要到雜藤覆蓋密布的地方那裡，這個地方就很好開墾。
• Kknaku ka tleengan bawa nii o asi ka qpangan hangan mu.

  要是這沙發椅是我的的話，就必須貼上我的名字。
• Kmnpasas su knlhkah mu o aji mnsaw nii ka knpasas mu o!

  你把我身材當作輕的，我原來不是這樣輕盈的喔！
• Gpgkla mu mlawa euda alang ka qngqaya pkparu hnang nii.

  這個擴音器是我用來通知部落要辦的活動。
• Tgphiyug bi braqaya ga o mnangal tunux pais snii balay.

  那在掛馘首旗的是最近獵過敵人的首級。