查詢

句子 19,233 筆

• Gnrbu mu tmutuy dhyaan sskla nami tdruy bahu mha nami saan rmigaw qmita samat Muca Alang Paru Taypaq.

  我很早叫醒他們是為了要趕上公車去台北木柵動物園看動物。
• Sknkmeumal mu rmngaw kari niqan brihan sjiqun ka seejiq ki o kla su ha kari na o pqraqil kuxul seejiq.

  我把那個人當做說話加倍造就人，原來是說讓人傷心的話。
• Msnkala nami peapa tdruy bahu empgeeluk mowsa matas o saan mu psruwa rmngaw do mqqaras nami mtnhabuk da.

  我們為了爭著搶搭公車上學，我去向他道歉後，我們快樂的互相擁抱了。
• Ana mu pkbrahan paalax mkan lumak ni mimah sinaw ka snaw mu o ida ini tnjiyal, qmita laqi do o malix da.

  我雖然臨時叫我先生戒菸戒酒，他堅持不戒，看到孩子出生後就戒了。
• “mkmpudung ku baga mgriq tdruy nangi mu aji bbiqan pila patas mgriq tdruy” msa su o ma su pqraqil sapah.

  你說：「我想斷手開車假藉不繳稅金」，你怎麼讓家庭受苦。
• Sqnqral mu peapa tdruy kacing ka tdruy pupuk kahaw paru do snbu ku pusu hakaw knriwa ku mangal luqih da.

  我把騎重機當作坐牛車一樣打瞌睡時，我撞到橋墩重傷了。
• Msnrangi ku ini mu tuku uqan ka nhapuy ga, saw saman asi ku rangi ini dha qhjii mkan nirih mu tnegsa da.

  我為了所留的飯不夠我吃，隔天我把他們吃不完的就留著來讓他們知道。
• Msnpspadaw nami uqun seejiq empdawi mkeekan nami kari snaw mu, “ma ana bi uqun naqih skbsu su da” sun mu.

  我為了捐助物資給懶惰的人和我先生爭吵，我對他說；「你連吃的都吝嗇給人。」
• Msnpgrpaw nami mssmriq mhapuy khmaun musa qmpah ka ina mu ni ini phapuy ka hiya do asi kyyaku ka mhapuy da.

  我和我媳婦為了煮上工前吃的早餐互相推卸而爭執，她沒有來煮時，我就自己來煮了。
• Mmrngat ku skribut mkeangal kukuh tluling qaqay mu o mrut tluling quwaq na qmita rqnux bubun na ka tama mu.

  當我的腳碰到而腳趾甲脫落時正要發出呻吟，我父親對我用手指按住他的嘴巴，因看見要射的水鹿。
• Spkneywa na knan pqeepah qmpahan ka seejiq kiya, mangal uqun do “7 ensgan ka nnisu ni 3 ensgan ka nnaku” msa.

  那個叫我過度耕作田地的人收穫時，他說：「七成是你的，三成是我的。」
• Mnda msa klung paru bi hnang na ka rhngun snalu qhuni o wada daan ptqiri gumu do maaklung llbu bi hnang na da.

  原來「klung」關起來很大聲的木門，經過加繞門邊膠條後，聲音很小了。
• Msnpadus tutu djima kingal bi snalu emppgeeluk ka laqi, naqih kuxul ka tama do marah nhari smmalu kingal duri.

  爸爸為了孩子爭搶做的桂竹筒火把只有一支而難過時，就趕快再做一支。
• Msnrbangay ta empgeeluk qnawal dsdsun laqi na naqih kuxul ka bubu laqi, asi na saani marig 1 duri ka taxa dha.

  母親後悔孩子為了搶一支手機而心裡難過，就只好再去買一支手機給另一位。
• Tmnkeupu nami mhuma shikuy ka qbsuran mu snaw ga, kmeupu nami marig kingal tdruy paan qngqaya ka snbrihan nami.

  我跟我哥哥合夥種絲瓜賺來的錢，我們合夥購買了一部貨車。
• Sppadus mu hluug djima psalu ka laqi o ini na pskrci mkuy ka bhngil trhurah hmut mtucing ini tduwa srjingun da.

  我叫孩子做的桂竹長竿火把，他沒有綁緊芒草而輕易鬆脫不能點燃了。
• Iya psnpspadaw pila dmayaw seejiq msbrabang, niqan kingal ka kari o “mgay ni mangal o nuqu mgay ka emblaiq” msa

  不要為了捐錢幫助人而爭執，有一句話說：「施比受更為有福。」
• Rubang ku musa tkndadax kari hyaan ka musa mangal walu hnlayan na. “Nii su duri!” sun kuna do tayal siqa mu wah!

  我本來要取得他同意去採他找到的蜂蜜，他對我說：「你又來了！」我很不好意思餒！
• Pklabi mu sunan smapuh ka dowriq wawa rudux kawa ga mnarux dowriq gaga hug? Jiyax su ni pnspuhan su o biqun misu.

  我請你掀開眼皮治療那有眼疾的雛火雞好嗎？你花的時間和治療的費用我會給你。
• Mmriyax bi ka rusuq dowriq mu kgguan mnarux ka tama mu o “ga mtkla da” sun ku dha do hmbuy rusuq dowriq qaras mu.

  我父親病危我的眼淚正要落下時，他們對我說：「他醒了」，我喜極而泣。
• Mmkneywa ku bi hmut msaang ga ini kla jiyax mdrumut bi matas ka laqi mu o “empunu su” sun ku tpruq msaang bubu mu.

  當我無緣無故嚴重的罵努力讀書的孩子時，我媽對我生氣的破口說：「你神經病！」
• Wada sgneenru tmhri tama rudux hiyug lupung na ka laqi mu, ini skla qduriq tklkilan tkil rudux dara kana qayay na.

  我孩子多次跟著他朋友去惹鬦雞，來不及逃離，他的腳被鬦雞的距攻擊都是血。
• Gnrbangay mu angal kuyuh laqi na ini bi pnsbut rngagan o “qeyl, negiman su nanak” sun kuna sgrhqul rmngaw bubu mu.

  我很後悔娶了他那沒教養又不聽話的女兒時，我媽媽挖苦對我說：「活該，你自己找的。」
• Ttkmeumal na kmsrudan ka wauwa na o tmdahu hyaan kana ka seejiq o aji wana nii, seejiq bi ni suyang bi qnseejiq uri.

  他的女兒極度孝順父母，很多人讚美她的不只這樣，人美品德也好。
• Pdungun su psakur qmpahan btunux ka bgurah sakur knsyukan ggtgut sapah su ki o asi su ka musa marig bgurah prihan su.

  你把向鄰居借的新犁拿去犁石頭地弄斷的話，你必須去買新的還他。
• Msnkarih rngagan laqi sduuy mu qaraw djima nak lingis nak saang smbut ku laqi do, knhkraw ka snaw mu “baka da” sun kuna.

  我為了孩子講他很固執很生氣的邊哭邊用竹枝打時，我先生坦護說：「夠了。」
• Msnpowsa nami sudu ngangut mu ka seejiq kiyig sapah mu mkeekan kari, yahan na kmaraw ni wada na qgupun qaguk ka sudu na.

  我因為鄰居把垃圾放到我的庭院和他吵架，他過來清理並剷走他的垃圾。
• Pnneenru mu murus sapuh kuwi ka hiyi qhuni supaw, lwaan mu 1 idas muda lmamu do prparu ni ungat qnqan kuwi kana ka hiyi na.

  我多次在蘋果樹上噴灑殺蟲劑，等一個月採收時，果實全都顆粒大且無蟲叮咬。
• Msnrduung qhuni qrul ngalun erut sapah embeyway nadas dha ka snduan mu ga o ini mu biqi snadu ni marah ku musa miying duri.

  我因為所僱的工人帶來要做房柱的蛇木彎曲，我就不給他工資，我重新再找一位。
• Mangal knpspadaw bnegay amung unuh kacing pnaah Amirika ka seejiq tmpusu seuxal o ki wada shmuk kulu gmeeguy ka duma seejiq.

  以前原住民接受美國捐助的奶粉，有部分的人因盜取而被關入監。