查詢

句子 2,241 筆

• Saw nii embbiyax hiyi su o tmnqupang su rqnux hay ga?

  你這樣健康的身體是吃了鹿的前列腺對嗎？
• Grabang mu smadu mgay mnapa lala ka 5 kbkuy pila nii.

  這五百元我要多給東西揹多的人。
• Nii ku tmramus rmisuh sapuh laqi mu hnbagan na sowki.

  我在為我孩子擦被柴刀割傷傷口的藥。
• Nii ku tmrijil bluhing marah tminun naqih tnunan dha.

  我在重新編他們編歪的簸箕。
• Ryxanay ta cimu ni putung ka kingal lubuy trabus nii.

  這一個麻袋花生來交換鹽巴和火柴。
• Rmramun mu mumul yaku ka emu qurug qmsiya 3 dmux nii.

  這三粒金甘糖我來用含的。
• Grqraq mu lmukas krtun mu qcinuh ka pupu ni krut nii.

  這斧頭和鋸子是用來砍倒楠樹鋸成木板的。
• Gnrukal mu btunux ka uril xiluy nii o 17 hngkawas da.

  這個鐵撬我用了十七年撬石頭。
• Pprurul mu peapa embiyax paan ka 2 mneudus mirit nii.

  我要叫有力氣的人一次揹這兩隻山羊。
• Gnbukuy mu mapa ka kana qngqaya nii, aji hnmut mniyah.

  這些東西是揹來的，並不是隨便來的。
• Nbuur bunga ka pnsa mu kayu o ma buur lmbay ka nii da?

  我原來放地瓜皮在木製大碗上怎麼會是山藥皮了呢?
• Tnbuwan sari nii o mhuway bi, hmut pspadaw mgay bugan.

  這仔芋的主人很慷慨，他隨意給子芋。
• Gndahu mu muuyas tmdahu Tuxan Baraw ka patas uyas nii.

  我用過這首詩歌來讚美上帝。
• Neeran bi hki dqras su ga mksaw su yaku nii uqun siqa.

  你臉上也凹凸不平看看就會像我一樣羞澀。
• Tnegarang trabus nii o ki psrwayun na mhuma hhkawas.

  耙開日曬花生的主人每一年都種花生。
• Tnegisil qmpahan nii o 2 lituk ka qmpahan gsulun na.

  做這個土堰的人他有兩甲地要做土堰。
• Tnegqguq kmari nii o hiya ka ga dmuuy qngqaya ggqguq.

  挖這水溝的人他才有挖溝的機器。
• Tnegrgar dxgal nii o ungat ana 1 libu malu dxgal na.

  這礫土的主人他的土地一分地沒有好的地。
• Lihaw mqita thiyaq nii o ghaur mu qmita rulung dgiyaq.

  我用這望眼鏡來看佈滿的雲層。
• Tnhgluq bhniq qlubung nii o hdlun na qmlubung isil da.

  拔掉這腳踏陷阱的主人他要移到別處放。
• Tnhiru samaw bkuy tunux nii o hiya ka bubu ssbu rapit.

  在套頭燈的主人他很會射飛鼠。
• Gnhrhur mu qlupas dmaung ka qhuni nii o malu bi jiyan.

  這木頭鉤子是用來搖落桃子的。
• Knsdanaw mu mkan yaku kana ka siyang nuduh nii da hug?

  我要把這烤的豬肉都吃完好嗎？
• Gnkeapu mu gupun gmabal ka qngqay nii o malu bi jiyun.

  我用了這個工具拔爛牙齒很好用。
• Gkeupu mu ptabug sunan prana ka embbais ruru paru nii.

  這對鵝我跟你合夥，請你養來繁殖。
• Tnkhma ima ka aji lngu pnkhmaan ni tleengan qhuni nii?

  這個刨得不像樣的木椅是誰刨的。
• Saw nii lala bi malu euda o empkyeiyax su nak inu isu?

  有那麼多好的事情要做，你要獨自閒蕩到那裡？
• Glglug mu blbil pnslawa purut mkan payay ka gasil nii.

  這繩子是我用來拉動嚇鳥器來嚇吃稻榖的白腰文鳥。
• Glingas mu bnegbaw djima pha baga ka lubuy qraqil nii.

  這皮手套是我用來取我剝開的桂竹碎片。
• Gnkala mu ququy dgiyaq sipaw ga kmjiyax ka hndayu nii.

  這便當是我登上對面的山峰當中餐用的。