查詢

句子 1,783 筆

• Manu sun namu haya tmppalah hiya, usa mtbiyax qmpah binaw, mqada namu lukus mtmring o!

  你們怎麼在那裡烤火，去工作看看，你們會流汗脫衣服喔！
• Ana rngagan mnegrinah ini qbahang ka laqi o asi mu lxani hi, tai nak hnyaan na hi kida!

  不管怎麼講越來越不聽話的孩子，我就任憑他去，看看他自己的造化。
• Mndawi bi knwaan na ka ina mu o ngalan mu ina do maakneywa drumut na mmiyak ni mmkay da.

  我的媳婦青春期時很懶惰，我娶來當媳婦後，就變成很認真的做屋裡屋外的家事了。
• Kmnnngani cih uqun payi su ga mnarux sun mu ka ina mu o asi bgay 2 qnqan knlala huway na.

  我本想對我媳婦說留一點食物給在生病的婆婆，她慷慨地就多給我兩份。
• Iya psnquci laqi su phrinas ngangut msaang, ma su ini tgsai ssaan ngangut ka laqi su han.

  不要為了你孩子在庭院排便而生氣，你怎麼不先敎你的孩子上廁所。
• Kmpudung su baga mangal ina o “tayal gnealu na” mha msa tmdahu sunan kana ka seejiq alang.

  你想娶斷手的媳婦的話，全部落的人都會稱讚你說：「他真有愛心。」
• Hana mlatat rhngun mha pqijing ka wauwa o ini tduwa sqnqaras ina hana nangal mtmay rhngun.

  剛要出嫁的新娘不能像剛入門的媳婦一樣高興。
• Negrahul su asaw kiristu binaw knxalan Rungay siida ga, ki niyah na qmrak ni ini rnaw msru.

  如果你在日治時期為了基督聚會看看，就馬上被警察抓來毒打。
• Saw ka aji dhqun dapil o qntaan ka pdhuq. Saw ka aji dhqun qqnita o lnglungan ka hmrinas smkaya.

  腳步不能到達的地方，視野可以到達；視野不能到達的地方，精神可以飛越。-雨果
• Mtgneenru bi msru kuyuh ka wana sinaw slpungun na ka seejiq ki o hmici qmada hyaan ka kuyuh na da.

  那常常看到毆打妻子只和酒交朋友的人，他妻子離他而去了。
• Ana mu pkbrahan paalax mkan lumak ni mimah sinaw ka snaw mu o ida ini tnjiyal, qmita laqi do o malix da.

  我雖然臨時叫我先生戒菸戒酒，他堅持不戒，看到孩子出生後就戒了。
• Msnpgrpaw nami mssmriq mhapuy khmaun musa qmpah ka ina mu ni ini phapuy ka hiya do asi kyyaku ka mhapuy da.

  我和我媳婦為了煮上工前吃的早餐互相推卸而爭執，她沒有來煮時，我就自己來煮了。
• Gmnkneywa ku qnsjiqan, kmsdrudan ni drumut qmpah sapah ka ngalun mu ina o qqulung ku hmjiyal kingal wauwa alang nami hini.

  我找很漂亮，孝順父母和認真做家事要當作我的媳婦時，我總算在我們部落這裡找到一位小姐。