查詢

句子 1,762 筆

• Pgrduung rucing qhuni harung knan ka baki mu, “jiyun su harung mksa keeman” sun kuna.

  我祖父給我渾圓的松樹漂流木，他對我說：「你晚上走路用來當照明。」
• Mnklat qmsul knan ka laqi kuyuh ki o wauwa do mstrung nami da, kla kika tamas na mnan.

  「klat」捏過我的那個女孩，小姐後我們結婚了，原來那是我們的前兆。
• “pnlkuh su knan qmpah quri alang o mqaras ku balay” msa rmngaw qnawal ka bukung alang.

  村長來電說：「我很高興，你支持我做部落的工作。」
• Pplngug na knan tmgsa pstalang patus ka baki mu o ini mu biyaw ngalun do mqaras bi da.

  我爺爺敎我射擊時，我很快就學會，他非常的高興。
• Rubang mu nrsuun saang ka kmnayak dxgal mu ga, miyah msa “srwai ku” knan do ini ku da.

  當我對那侵占我土地的發怒時，他來對我說：「原諒我。」我就停止發怒了。
• Qmriqaw ku bi msaang hyaan brah lupung mniyah o ini qita knan do ini ksa gisu ku msaang.

  我想在客人面前對他瞪眼生氣，他沒有看到我時，他就不知道我在生氣。
• Kmnrnaw ku mgay kingal rikit hlama knan ka seejiq ki o yaasa ungat saw nii bitaq sayang.

  那人送給我一大盤糯米糕當作是開玩笑，因到現在從未有過。
• Baki mu o spleexan na bi smpug ka pnltudan rudan nami bitaq knan do msnmngari knxalan da.

  我祖父很清楚的數，我們祖先延續到我是第九代了。
• Mmlukus ku bi lukus hubang siida, mhulis knan kana ka seejiq, yaasa aji ku mnangal tunux.

  當我正要穿英雄服時別人都取笑我，因我沒有獵過首級。
• Mqmpgriq baga mu qmrak knan ka seejiq ga, ki psqguan mu qmqah brah do asi pksaraw mtakur.

  那個人想扭轉我的手捉我時，我跳起來踢他的胸部，他就倒下來。
• Knnngani ku uqun knan ka seejiq ki o wada mu biqan do ini kuna shngii ana bitaq knuwan da.

  那說留給我食物的人，我給他之後，他永遠不忘記我了。
• Qmnrapu knan ka tnhiyan mu matas ki o saw saman do ungat da sun ku dha o kla hmici mdamat.

  抱緊我的那個同學，第二天別人告訴我，他已經過世了，原來是向我留下懷念。
• Msnqmul nami empgeeluk dmanga laqi rbnaw ka yami qbsuran mu kuyuh o ini sruwa knan ka bubu.

  我跟姊姊為了搶著餵食嬰孩而爭執，母親不准我餵。
• Ana pgpaqax bru babuy ptabug knan ka qbsuran mu snaw o ida mu snyaxun bi ktbnaw hici ka bru.

  雖然我哥哥把骨瘦如柴的小豬送給我養，我一定會很在意地將牠養肥。
• Kmnpkeeru mhuma bunga qmita knan kmurih ku pusu bunga qmita ku knparu wili bunga ka baki mu.

  我祖父把我翻地瓜根看初生的地瓜有多大，當作是我再一次種地瓜。
• Mapa ku payay ga, musa ku sgrihing kmsiyuk qabang bubu mu o asi na bqani knan ka qabang na da.

  我揹稻穀因需要圍物向媽媽借被毯，她就把被毯送給我了。
• Tayal rqdug su knan, “maah ku sapah su” msa su o tmaga ku bitaq ska hidaw o ma su ini iyah da?

  你怎麼那麼會騙我，你說：「我要到你家」，我等你等到中午，你怎麼沒有來呢？
• Iya psnqupax mkan kingal tutu kalat empgeeluk, iyah knan mkan smka tutu nngari mu ka taxa namu.

  不要為了搶著吃光一罐鳳梨而爭吵，你們其中一個來吃我剩下的半罐。
• Tksiyak ku peapa tdruy pupuk mnda tgsumux pusu qhuni ka pkil knan, aji ku mnklkil paah pncingan.

  我跛腳是因騎機車飛快衝撞樹頭造成的。
• Knpkdra na ini peekan qsiya knan ka seejiq kiya o mnlala bi spgrung na kacing ka yudun qsiya mu.

  那個人讓我受苦沒有水喝，很多次地讓他的牛弄壞我的水管。
• Msnqdal ku knan nngari qnqan saw klabuy qraqil nbuyas bowyak do hksaw ku mnarux nbuyas aji mu eekan.

  我為了他給我吃剩下的山豬肚皮時為了不要吃，我假裝肚子痛。
• Spkneywa na knan pqeepah qmpahan ka seejiq kiya, mangal uqun do “7 ensgan ka nnisu ni 3 ensgan ka nnaku” msa.

  那個叫我過度耕作田地的人收穫時，他說：「七成是你的，三成是我的。」