查詢

句子 23,272 筆

• Tmrucing nami do ini rqraq qhuni ka thuun nami misan da.

  我們撿拾漂流木時，我們就不砍冬天燒火用的木柴了。
• Gmnrudan ku ka hiyi shikuy o ngalan mu ghak ka qpuji na.

  我選了老的絲瓜是拿它的籽當作種子。
• Pnrudu su laqi ka waray cinun mu o smka mu jiyax smmalu.

  你讓孩子弄亂的織布線，我花了半天時間來整理。
• Trhawun su yayung pqluli ka djima bnkuy o mha mstmaq da.

  你把綁的桂竹藉著湍急的河川漂流會使它壞掉。
• Trruhug trabus kana do pspruq ku sqmu qbulit ka yaku da.

  大家都焦炒花生仁時，我就用火灰爆玉米花了。
• Mmrukal ku bi btunux paru do praq mgrung ka rhnaw mu da.

  我正要撬開大石頭時，我的撬棒praq的斷掉了。
• Ini hari pnegrulu ka dhiya ga o mtleetu ka ga dha niqan.

  他們不太愛戴斗笠是他們住的地方很涼快。
• Tmnrungay ku laqi psapuh o lala hari pila wada mu jiyan.

  我為了治療孩子昏倒，我花了不少錢。
• Mnrungut ka pihu mu ga, seekan mu sapuh do wada malu da.

  我患了胃腫瘤，我吃了藥就痊癒了。
• Empsrunug o ungat seejiq mkla, yaasa ini qituy ka runug.

  將發生地震沒有人知道，因為它沒有徵兆。
• Knrunug sbiyaw snru baki mu o “kingal iyax sngayan” msa.

  我祖父敘述以前發生地震說：「有一個禮拜。」
• Trrunug wahir kana do tmrunug ku snalu spriq ka yaku da.

  都在吃愛玉凍時，我就吃仙草了。
• Druqil knhlawax ka drisaw alang hi o ki nak hnyigan dha.

  那些村落的男孩子瘦的身材是他們身材的特色。
• Gmnruquh qhuni smbarig ka seejiq ki o ki brihan na pila.

  那個賣樹瘤的人，他靠這個賺錢。
• Pprurut su wahir djima o miyah bgihur do aji mha mgrung?

  你讓藤蔓攀纏桂竹的話，颱風來襲時不會斷掉嗎？
• Sprurut mu qdrux qmpahan ka gisang o malu bi daan lmamu.

  我讓萊豆藤攀纏田裡的石牆，採起來很方便。
• Tmnrusaw ku smlaq tksadu o kika sbarig mu buwax yaku da.

  我受雇整平水田所賺的錢是我買白米用的。
• Ttrusuq na smmalu ka tama mu o ini qeepah rahuq na hida.

  我父親經常製造蠟燭，沒有做其他的工作了。
• Sprutaq na prubux slaq ka laqi do rutaq kana hiyi na da.

  他讓孩子玩泥濘，全身都是泥巴了。
• Mnegrutug bi btunux dowras dmhagan na ka tama lupung mu.

  我朋友的父親很喜歡滾動懸崖的石頭來觀賞。
• Kkruwan gsilung ka saun su pngahi o asi su ka dmuuy asu.

  要是你到海裡面釣魚的話，你一定要有船。
• Gmnruwaq kingal tuyan mkan sinaw ki o mksnguhi busuk da.

  那喝七成葫蘆酒的人醉昏了。
• Mnegruway bi ina ka lutut nami o yaasa kika nkari rudan.

  我們的親戚喜歡遠親的媳婦，這是因為老人家的交代。
• Kmneacih smlupung wauwa na knan o gmeuqu qbsuran mu snaw.

  他誤把我當作我哥哥差一點跟他的女兒交朋友。
• Pncingan btunux qmpahan mu hiya o asi kgeasu langu qsiya.

  掉落在我田地上的落石形成了一個蓄水池的窪地。
• Kkeayang gmiya sknux ka sapah su o asi phapuy gmiya knux.

  為了讓你家裡有香茅油味道，你就蒸香茅草。
• Aji kkeayug muda qmpahan ka rngsux o psrjilun ta gmaayug.

  為了阻止土石流沖刷農地成山谷，我們來引到另一邊。
• Tmnbaat knan aji mu eusa qmita wauwa kiya o ga empuru da.

  擋著我不讓我去相親的人得痛風了。
• Sknbahing na rmngaw sjiqun ka snaw mu o embusug ka nhiya.

  在別人面前說我先生懶惰的，她自己的卻是宿醉的。
• Pbaka na peimah sinaw knan ka kuyuh mu o tnglingis rmimu.

  我妻子為了讓我少喝酒哭著哀求。