查詢

句子 16,254 筆

• Wada sgkarih rngagan lupung na hika laqi mu mnbahang bi kari han o miyah sapah do saw karih rngagan uri da.

  我原本很聽話的孩子去跟著他很固執的朋友一起時，回家後講他也很固執了。
• Knneenru na speekan nhapuy seejiq ka mgiying buur ga o ana kseengun seejiq ungat bi siqa na ida miyah duri.

  那遊手好閒的人多次到別人家白吃白喝得連人家罵他，還是無羞恥心再來。
• Msnpgrpaw nami mssmriq mhapuy khmaun musa qmpah ka ina mu ni ini phapuy ka hiya do asi kyyaku ka mhapuy da.

  我和我媳婦為了煮上工前吃的早餐互相推卸而爭執，她沒有來煮時，我就自己來煮了。
• “krbangay mu angal kuyuh empdawi ini qeepah” sun mu ka rudan mu o iya nami yahi rmngaw nnisu nanak ka kiya.

  我對父母親說：「我後悔娶了懶惰不工作的妻子」時，我父母說不要來跟我們說，那是你自己的事。
• Mnda msa klung paru bi hnang na ka rhngun snalu qhuni o wada daan ptqiri gumu do maaklung llbu bi hnang na da.

  原來「klung」關起來很大聲的木門，經過加繞門邊膠條後，聲音很小了。
• Sppadus mu hluug djima psalu ka laqi o ini na pskrci mkuy ka bhngil trhurah hmut mtucing ini tduwa srjingun da.

  我叫孩子做的桂竹長竿火把，他沒有綁緊芒草而輕易鬆脫不能點燃了。
• Iya psnpspadaw pila dmayaw seejiq msbrabang, niqan kingal ka kari o “mgay ni mangal o nuqu mgay ka emblaiq” msa

  不要為了捐錢幫助人而爭執，有一句話說：「施比受更為有福。」
• Muda qmtqit buut bowyak sapah baki dha ka qbsuran mu snaw do asi ku qqtqit buut rudux sapah payi mu ka yaku da.

  我哥哥在岳父家啃食山豬骨頭時，我就在我岳母家啃食雞骨頭了。
• Rubang ku musa tkndadax kari hyaan ka musa mangal walu hnlayan na. “Nii su duri!” sun kuna do tayal siqa mu wah!

  我本來要取得他同意去採他找到的蜂蜜，他對我說：「你又來了！」我很不好意思餒！
• Kmnkneywa ku qmpah qmita mttbrih qmpahan ka seejiq ki o kla knlgan na hi saw kowdaw kowdaw musa qmita qmpahan na.

  我把那個人來回看田地看作是賣力工作，原來他就是這樣晃來晃去看他的田地。
• Mmriyax bi ka rusuq dowriq mu kgguan mnarux ka tama mu o “ga mtkla da” sun ku dha do hmbuy rusuq dowriq qaras mu.

  我父親病危我的眼淚正要落下時，他們對我說：「他醒了」，我喜極而泣。
• Wada sgneenru tmhri tama rudux hiyug lupung na ka laqi mu, ini skla qduriq tklkilan tkil rudux dara kana qayay na.

  我孩子多次跟著他朋友去惹鬦雞，來不及逃離，他的腳被鬦雞的距攻擊都是血。
• Ttkmeumal na kmsrudan ka wauwa na o tmdahu hyaan kana ka seejiq o aji wana nii, seejiq bi ni suyang bi qnseejiq uri.

  他的女兒極度孝順父母，很多人讚美她的不只這樣，人美品德也好。
• Skil mu seiyax mksa ka bubu mu o tayal saang na, “hawan misu balay wada hi kana utux mu ga, meysa su kmlkil” sun kuna.

  我帶著玩笑對母親跛腳走路時她非常生氣，她對我說：「去你的害我魂飛魄散，你要跛腳嗎？」
• Msnkarih rngagan laqi sduuy mu qaraw djima nak lingis nak saang smbut ku laqi do, knhkraw ka snaw mu “baka da” sun kuna.

  我為了孩子講他很固執很生氣的邊哭邊用竹枝打時，我先生坦護說：「夠了。」
• Msnpowsa nami sudu ngangut mu ka seejiq kiyig sapah mu mkeekan kari, yahan na kmaraw ni wada na qgupun qaguk ka sudu na.

  我因為鄰居把垃圾放到我的庭院和他吵架，他過來清理並剷走他的垃圾。
• Gmnkneywa ku qnsjiqan, kmsdrudan ni drumut qmpah sapah ka ngalun mu ina o qqulung ku hmjiyal kingal wauwa alang nami hini.

  我找很漂亮，孝順父母和認真做家事要當作我的媳婦時，我總算在我們部落這裡找到一位小姐。
• Pnneenru mu murus sapuh kuwi ka hiyi qhuni supaw, lwaan mu 1 idas muda lmamu do prparu ni ungat qnqan kuwi kana ka hiyi na.

  我多次在蘋果樹上噴灑殺蟲劑，等一個月採收時，果實全都顆粒大且無蟲叮咬。
• Msnrduung qhuni qrul ngalun erut sapah embeyway nadas dha ka snduan mu ga o ini mu biqi snadu ni marah ku musa miying duri.

  我因為所僱的工人帶來要做房柱的蛇木彎曲，我就不給他工資，我重新再找一位。
• Mangal knpspadaw bnegay amung unuh kacing pnaah Amirika ka seejiq tmpusu seuxal o ki wada shmuk kulu gmeeguy ka duma seejiq.

  以前原住民接受美國捐助的奶粉，有部分的人因盜取而被關入監。
• Msnklung nami mduk rhngun sapah tgluhay na ka swayi mu kuyuh knriwa nami mkeekan payi do miyah pkrimu mnan ptgayaw ka bubu da.

  我們為了妹妹常常「klung」關門而和祖母吵得很厲害時，母親就來分開安撫我們了。
• Tppeypay klwaan kana ka seejiq alang hiya o pgkla wada mangal Tgkingal pratu dmgiyal psdka qurug qahan qaqay kana babaw dxgal.

  那個村落的人全部都掛國旗表示贏得國際足賽的冠軍。
• Euda mhuma mami Truku sbiyaw o ptrhqan ka sida mami ni hpungan plabu gamil sruhing, babaw kingal hngkawas tgamil do sqtun ni kika hmaun da.

  以前太魯閣族種橘子的方式，是將橘子的枝子部分削皮後用山蘇根包起來，等一年後生根就切來種。
• Gmnpowsa ku dangar qowlit siyaw qmpahan trabus seejiq ka sbiyan shiga o prbu bi daan mu rmigaw qmita do nii mtngungu tkumax tjiyal duma ka qowlit.

  昨天傍晚我在花生田邊設置捕老鼠的石壓陷阱，我一大早去巡視時，有些老鼠露出尾巴被捕到了。