查詢

句子 15,211 筆

• Msnklabi laqi na msdara naqih bi kuxul ka bubu na, “saani psapuh msapuh dowriq nhari” sun mu.

  他媽媽為了掀開她孩子的眼皮出血而難過，我對他說︰「趕快去眼科醫師那裡治療。」
• Msnpeyruh ku mhuqil huling mu buun dha puniq ka musa bi maduk ki o mdka ku wada gmrahuq laqi.

  我為了我那隻很會追獵的狗被他們用獵槍打死，我像失去了一個孩子一樣。
• Rbagan do, saw skpgrpaw madas kacing psakur qmpahan mdngu ka tama mu, kisa mtleetu karat han.

  夏天時，我爸爸總是在黎明時牽著牛去旱地犁田，這樣天氣還涼爽。
• Mqmqahur ku quri tuma hi o kla su ha ga niqan seejiq do acih ta bi huya sbu seejiq da msa ku.

  我想朝下方丟擲石子時，原來有人在那裡，我覺得差一點丟到別人。
• Msnrhngun nami snalu mu kndgril ini tduwa tmayan napa ka kuyuh mu do slbangan mu smmalu duri.

  因我做的門太窄，揹的東西無法進入而與妻子發生爭執，我重新再加寬了。
• Mmrijil ku bi mkan kingal qapal blbul do “baka da, ma tuyan nbuyas ga” msa mdakar ka tama mu.

  我正要吃一串香蕉超過一半時，我父親禁止我說：「夠了，你的肚子怎麼像葫蘆一様。」
• Mmrpiq ku bi thuun mu do “iya rpiq thuun su ka sayang, lala rnpiq mu qmpahan” msa ka tama mu.

  我正想砍斷燒火用的樹枝時，我父親說：「現在不要砍，田地四周我已經砍了很多。」
• Mkkneywa bi bsukan msru kyuhan dha ka mswayi 3 gaga o hmici qmada dhyaan kana ka kuyuh dha da.

  那三兄弟各自嚴重的酗酒打妻子，他們的妻子全都棄他們而走了。
• Asi kpdagit nak snaw ka salu isu sun ku dha o ana kingal klgan pdagit ini kla smmalu ka dhiya.

  他們要我做男用綁腿，是因為他們連一種綁腿都不會做。
• Psnpgrpaw rmqbux qmpah qmpahan mu ka seejiq snadu mu ga o marah ku smadu taxa duri muda qmpah.

  我因為我僱的工人做我田裡的工作不徹底，我重新又僱另外一位去做。
• Tmnqburang ku mirit miyah pusu qsiya ga mu ngalan yudun hi o ini ku rahuq smbu kngkingal rabi.

  我在我接水管的水源頭埋伏山羊，每個晚上都會打中一隻。
• Mqqqral nak tksadu qmpah kingal idas ka dseejiq ka o ini tuku uqun kingal idas ka knsduan dha.

  各自懶惰受雇工作的那些人，他們賺的不夠他們一個月吃。
• Iya psnradax dara msbrabang, qmita ku yaku o ga mrangah ka radax ga o ma ana ki srbangan namu?

  不要為了茄苳樹巨木而爭執，我看那巨木裡面是空心的，你們怎麼連這個都爭執呢？
• Iya psnraraw tna wada sqjiqun ka wauwa kuxul su naqih kuxul, ptbiyax hari musa qmita ka wauwa.

  不要為了你喜歡的小姐已嫁出去而難過，去小姐家提親要積極一點。
• Mapa ku payay ga, musa ku sgrihing kmsiyuk qabang bubu mu o asi na bqani knan ka qabang na da.

  我揹稻穀因需要圍物向媽媽借被毯，她就把被毯送給我了。
• Tayal rqdug su knan, “maah ku sapah su” msa su o tmaga ku bitaq ska hidaw o ma su ini iyah da?

  你怎麼那麼會騙我，你說：「我要到你家」，我等你等到中午，你怎麼沒有來呢？
• Ga msnrubug hiyi wauwa empgeeluk smkuxul ka risaw o smkuxul saw tradaw hnyigan risaw ka wauwa.

  男孩爭著向身體細嫩的小姐示愛，小姐喜歡身材好而且帥的男孩。
• Tmrrusuq ku smrus dowriq laqi mu 3 hiyi bntaqan qumi lmingis o lala ssrus lblak wada mu jiyan.

  我為了三個孩子因打針而哭，用了很多衛生紙擦眼淚。
• Tmkneywa bi drumut na kmbgurah qmpahan tkuyan na masu ka swayi mu kuyuh o ana ima tmdahu hyaan.

  我妹妹非常認真的開墾田地來播種小米，任何人都稱讚她。
• “Qnawal bbkuy su hakaw o kkuwir misu kingal rikit baka paan.” msa rmngaw qnawal ka brigan hiya.

  那販賣鐵絲的人打電話說：「你要綁橋的鐵絲，我會為你盤捲好一捆你可以搬的。」
• Nmkaxa ka musa su tmatak hrus dxgal hnici rudan hida, aji bi biyaw dhuq jiyax tkuyan masu do o!

  你後天應該去開墾父母留下來的坡地了，播種小米的季節很快就要到囉！
• Isu snaw Truku o npowsa su bi qlubung qrunang dgiyaq da, mha su jiyax saw dngil sulay sapah da.

  你身為太魯閣族的男性，應該在舊獵場設置套腳陷阱了，你怎麼老是在家偷懶。
• Kmnpspadaw ku pila seejiq alang qmita ka seejiq pnstama alang o kla su ha muda mgay pila rnimu.

  我把部落代表看作是來捐錢給部落的人，原來是行賄。
• “empqdunuq ku mhuqil aji misu pjiyun baga” msa hmici kari lqian ka tama na o yaasa ini ksttama.

  因為孩子對父親不孝順，父親對孩子留遺言說：「我要孤獨而死，不讓你按著脈搏」。
• Qrasun na bi ka kuyuh na mdrumut bi qmpah ga han o babaw mnda mnarux tunux do maarbangay mu da.

  他原本很稱讚認真工作的妻子，經過一場腦病變後就很後悔了。
• Gmnrimu ku rudan lmingis ka yaku o naqih bi rmuan, ini pdka laqi biqan ta emu do ini lingis da.

  我安撫哭泣的老人很難，不像小孩子給糖果就不哭了。
• Msnrisuh ku sapuh nngalan mu paru bi luqih mnarux bi rrisuh na sapuh ka msapuh ki o riqu mu bi.

  我為了那醫生擦我的大傷口很痛而很恨他。
• Ga powsa hangan pgaaw bukung nsgan ka nirih mu tama o ini pnegrukal dmayaw hyaan ka kana alang.

  我大伯登記參加鄉長候選人，整個部落都不會動員幫助他。
• Msnrungay nami miyah mkan sqmu qmpahan ini na sai qmurang ka snaw mu do ini ku kmphuma sqmu da.

  我因老公不去埋伏來吃田裡玉米的猴子而爭執，我不想再種玉米了。
• Tksiyak ku peapa tdruy pupuk mnda tgsumux pusu qhuni ka pkil knan, aji ku mnklkil paah pncingan.

  我跛腳是因騎機車飛快衝撞樹頭造成的。