查詢

句子 16,254 筆

• Mnda pndumul su sseupu lnglungan kana Truku ga, ana rabang tndhuun.

  你鼓勵團結太魯閣族的心，很值得稱許。
• Neelih su cih ka gnqbubur da, wada bi ka nangal su pneglupung do o.

  你應該減少聘金了，因來往的時候你已經拿了不少。
• Pnegagi su pnbnaw ka laqi su, ki ka smayan su mngangar sayaung da.

  你讓孩子寵壞懶散慣了，到現在就不停地對孩子嘮叨。
• Mkmgtuwit ku sulay gmgrig o mkray hwinuk ka rudan do ini tduwa da.

  我很想扭屁股跳舞，但年老了腰動不了。
• Seejiq ini bi kmhakaw ga o shakaw ta do hiya ka mkddudux muda hida.

  那不想搭建橋的人我們建好橋時他先過橋了。
• Saw aji kkhbhuk ka rmawah su nhapuy o psleetu han ni kika rwahi da.

  你打開飯時為了不使蒸氣噴出來就讓它涼後再打開。
• Jiyax ku tmhghug bubul do smdangaw hidaw ka musa ku qmpahan sayang.

  我因為打水太陽昇高了才去工作。
• Pphidaw su knan ka beyluh su kha ga o aji mu sngqlingun yaku nanak.

  你請我曬的那麼多你的豆子我一個人曬不完。
• Nhiru su nanak, qlingaw su ki da, empbitaq su knuwan saw su nii ni?

  你應該自己有照明，真麻煩，你一直這樣到什麼時候呢?
• Ini pneghmut mnegaya bi ka rudan ta o ini klai laqi mnbarah sayang.

  現代的孩子不知道我們祖先很保守不喜歡隨便亂來的生活。
• Hmnengak ku mkan ni pqsul muhing ka pulas idaw do mnlala ku sbngut.

  我吸氣吃飯時，碎飯卡在鼻孔而致使我多次打噴嚏。
• Saw nii kntlxan hidaw ga, ungat qsiya ka sphuaw su mnan o tayal bi!

  這樣的大熱天，妳沒有水給我們解渴，太過份喔!
• Nkhulis bi pxal ka wauwa ga hki msa ku o ida ini phulis knseesu na.

  我期待那位小姐能笑一次，但她文靜地不笑。
• Asi keimut paah su pnpun ka cinun su qabang do mha dgril tqring da.

  你織的布毯一開始就很緊，到末端就會越來越小。
• Teeiyah kmaaguh knan kana do yaa kgeinu ka saun mu o meydang ku da?

  都邀請我來，我不知道要去哪裡，我搞糊塗了。
• Tnkala rudan peapa tdruy shiga ki o kmsdrudan bi seejiq alang nami.

  昨天協助長者搭車的人是我們部落很孝順父母的人。
• Msnkasig idaw masu yaku mkasig msa ka taxa ni yaku msa ka taxa dha.

  為了要刮小米鍋巴飯，一個說我來刮，另一個說我來而起爭執。
• Ini hari pnegkaxa paadawi ppatas laqi ka rudan o smeura ku bi yaku.

  不會讓孩子長時間懶惰讀書的父母，我很羡慕。
• Wada ptgkbkak bling btunux qyutun quyu tndxgal mhuqil ka laqi kiya.

  那個小孩因把手摸進洞裡被百步蛇咬而死。
• Gmkdut bi skribut muda elug su ka seejiq o ida bi ga niqan pusu na.

  常常會在你的路上「kdut」絆腳的人是一定有原因的。
• Nkhma su nak ka tluan uqan da ma su asi ka smadu seejiq mkla su ga.

  你應該自己刨平你的餐桌，你會做的為什麼一定要雇別人。
• Wada sgkiya peapa asu skaya lupung na mha alang Amirika ka laqi mu.

  我的孩子跟著他的朋友晚一點坐飛機去美國。
• Wada sgkmeebrah rudan lupung na ka laqi su o msaa bi murug hiya ha!

  你孩子跟著總是對父母發出「hng」的呵斥聲的朋友一起的話，該不會到那裡跟著學哈！
• Wada sgkndadal libu babuy smmalu saan ngangut lupung na ka laqi mu.

  我的孩子跟著他的朋友在豬舍邊蓋洗手間。
• Ga tkkndadal qcinuh qhuni msamu bngbang dmamux sapah ka dhiya gaga.

  他們都在把鐵皮釘在木板上蓋屋頂。
• Alang nami o skndadax nami mgrbu bitaq gbiyan ka psmiyan Mgay Bari.

  我們部落的感恩祭從早上開始到傍晚。
• Truku Truwan o knddaxan pusu rudan Truku mqquri nklaan hidaw mrana.

  Truku Truwan是太魯閣族祖先往東方發展的發源地。
• Mnpskngkingal ku mhuma sibus ka shkawas o pleepung ku ka sayang da.

  我去年種了少量的甘蔗現在我種的很密了。
• Mmkowni ku bi miying rapit wada mu pcingun smbu o hlayan huling da.

  我正反覆地找我射中的飛鼠時卻被狗找到了。
• Empaakuung ka tgkingal jiyax kngkingal idas hngkawas sspug Klmukan.

  農曆每月初一的晚上月亮會暗。