查詢

句子 16,254 筆

• Tlqian na laqi snaw do o niqan thiyun mu da msa ka ga na niqan.

  她為了他生男孩子時，她先生說我有伴了。
• Wada ptglbak smmalu sapah 9 tntunan mhuqil ka kingal yami hiya.

  我們那裡有一位因為蓋九層樓的房子做防護網而死。
• Mglblak snalu na bngbang ddamux knhlpis ka smlaan bngbang hiya.

  那鐵皮廠製作要蓋屋頂的鐵皮像紙一樣薄。
• Wada ptglealu mtaqi elug paru rdrdan tdruy mhuqil ka huling na.

  他的狗因為隨時躺在大馬路上被車輾過而死。
• Ini mu srwai pqijing hyaan ka wauwa mu do ki slhlih na knan da.

  我不答應女兒嫁給他時就這樣欺負我。
• Mlituk nami kacing wada mstuq muhing ka saman o asi ka 25 hiyi.

  明天我們要圍捕斷了鼻環的牛，必須要二十五人。
• Gmnliyus dapil pseanak mkla qmita samat kana ka rudan ta Truku.

  所有太魯閣的老人都會用足跡來分辨獵物。
• Msnlpax nami krut hibang ini uda skrut do brahan mu lmpax duri.

  我們為了鋸木板的手板鋸子不利而發生爭執，我就重新銼利了。
• Muda ptglqlaq peepux btunux mhuqil ka bowyak o daan mu mapa da.

  山豬被壓死在石頭的縫隙，我就揹回家了。
• Pglsani pkrudan binaw wauwa ga, asi kmeumal ini kmusa sjiqun o!

  你讓女孩成為熟女看看，就跟著無心嫁人喔！
• Tmnlxlax hmurah sapah namu ka bgihur gnuwin o nii muda mnan da.

  曾摧毀你們房屋的龍捲風，現在侵襲我們這裡了。
• Asaw su ha mnarux ka pnmurang tunux su, kla ida pnaah pncingan.

  以為你禿頭是因病引起的，原來是天生的。
• Pmrangi tunux binaw isu ga, yaa su aji mrngat qun hidaw rbagan!

  你禿頭看看，夏天日曬時你不會叫痛吧！
• Kneenru smsaang ka rudan binaw, sita suna ini jyani qhuni msru.

  多次惹父母生氣看看，看會不會用棍子打你！
• Niqan balay seejiq ka wada ptgneyras saang mnarux llbu kneudus.

  真的有人因暴怒而短命。
• Mgnowma qowlit ggnowma na mkan trabus endaan gmabal ka cyaqung.

  烏鴉像老鼠一樣吃拔過沒有多少的花生。
• Wada sgnrhrah dxgal malu qpahan tbarah duma ka alang nami hini.

  我們部落這裡的人，有些為了鬆而好耕種的土地而遷居。
• Sknnruway na mimah saw qsiya ka qsiya buwa ssibus do stgaak da.

  他常把汽水當作水一樣喝時就打嗝了。
• Mmpaci ku rmgrig o qmita ka laqi mu do msiqa ku ni malax ku da.

  當我要活潑跳舞，我孩子看到時，我害羞得放棄了。
• Wada ptgpaci msbbowlung muda dowras mtucing mhuqil ka risaw mu.

  我兒子因為蹦蹦跳跳經過懸崖墜崖而死。
• Seejiq asi ekan mnhada o ungat tahut musa sgpalah tahut seejiq.

  白吃白喝的人沒有火而去依靠他人的火。
• Ini hmut mtgpanguy lmingis ka seejiq, ida niqan kingal pusu na.

  人不會隨便哭喪著臉，一定有一個原因。
• Bsiyaq skradan ka mneudus do asi qpaqax liwang ungat uqun kana.

  動物在長期乾旱時，所有的動物都沒有食物吃骨瘦如柴。
• Qpaxaw mu pkliwang ka hiyi mu han, akay bi saw tmaq qnthran da.

  我要減肥一下，因我肥的很痛苦。
• Lala para na ka tlulug su ga do npara su nhari ka kragan na da.

  你的葡萄長很多的苗芽，你應該趕快設苗芽爬的架子了。
• Ppasas na knlhkah psluhay peapa laqi o ini tkla mapa mshjil da.

  他讓孩子習慣揹輕的揹物就揹不動重的了。
• Tmnpasas su mapa ka shiga o pai mshjil ka sayang da, sriyux ta.

  你昨天揹輕的今天要揹重的，我們輪流。
• Pnpdagit kuyuh mu o ini mu tduwa spdagit bbaraw dgiyaq mu yaku.

  妻子繫過的綁腿不能繫，我的小腿很長。
• Muda nami dowras o speapa mu tmaan na luhay uda dowras ka laqi.

  經過懸崖時，我把孩子讓給習慣通過懸崖的爸爸來揹。
• Speydang ku haya kuyuh mu ka rawah tdruy do musa ku psalu duri.

  我太太把車鑰匙遺失，我又再去重打。