查詢

句子 23,272 筆

• Ttgasut dha qmburung payay o asi bi grung 1 jiyax.

  他們經常從起點割稻費了一整天的時間。
• Tggayaw gmeelug kana o hmut mtneuda bbuyu ka hiya.

  每個人都在開路而他一人在樹林裏亂闖。
• Knegbalay dahaw na ga o mdka bnlbil gasil knslagu.

  他放置的捕捉器水平如拉過水平線一樣直。
• Mnhdu ku gmduyung do asi kgduyung kana ka qmpahan.

  我做過培土後整片田地都成了培土。
• Ga mtgduyung ga ka dgiyaq o ki ka qan mu bi mirit.

  那露出弧山脊的山嶺是我常捕獲到山羊的地方。
• Ana bilaq o ida na saan pgeeguy cih mgay ka rudan.

  雖然東西很少但還是偷偷地給他父母一點。
• Ini tduwa geuyun ka bowyak tnjiyal qlubung seejiq.

  不要偷別人陷阱上挾住的山豬。
• Tggeygay lukus kana o wana hiya ka psbgurah lukus.

  每個人都穿破衣服只有他穿新衣服。
• Saang na o sghak na qmada ngangut ka qngqaya sapah.

  他氣的把家裏的東西往庭院外丟棄。
• Tgghguh kana ka kacing do asi klglgi kana ka qhuni.

  所有的牛在磨擦時，樹木都會搖動。
• Nknsgihu binaw bnkgan su tleengan ga, naqih taan o.

  你排的椅子不整齊看看，會很不好看喔。
• Tnegirang pucing nii o ddawi na ini smkul qngqaya.

  這銹刀的主人因懶惰不整理工具。
• Gngksa mu shiga ka qmpahan o mnkeeman ka klbus duri.

  我昨天完成田裡的工作起點的雜草又叢生。
• Kndxan samat na ka qrunang namu o pglang tuqir na.

  你們獵場獵物的密度都是獸徑的小路階。
• Pneglang su knan ka erut hakaw o mkmaxal mu jiyax.

  我花了十天做你叫我做的木梯。
• Msnegluq eimah na sinaw ka tama na o ungat thrian.

  他爸爸一沾上酒就不能招惹他。
• Smgmlux mu bi embahang ka kari na o klaun mu cih da.

  我用心地靜聽他的話時稍微了解了。
• Mnegmrangan bi ka dgiyaq hiya, ana bowyak ini uda.

  那座山有山壁連山豬也不經過那兒。
• Pnegqi su plutut knan ka mami o smka ka muudus na.

  你請我插枝接的橘子樹枝有一半是活的。
• Nasi mu spgqi psalu sunan ka buji mu o sduun misu.

  如果我請你插我的箭鏃我會給你工資的。
• Emptgraqil marig ga o mkla bi kari ggraqil na marig.

  那買東西亂開價的人很會講亂開價的話。
• Qmngraqil snbarig mu ka hiya o yaasa gmkray ka hiya.

  他把我賣的東西當作亂開價，因為他賣的很貴。
• Hbaraw ka empskrig o asi kgsak nanak ka paani isu.

  很多人要剮麻你就只揹自己的剮麻器。
• Pnegsuwit muuyas ka baki mu o saw smdamat bhangan.

  我爺爺用口哨唱歌讓人非常懷念。
• Sbgay su ka nnisu do o empgumuk su manu ka isu da?

  你的給我了那你要蓋什麼了呢?
• Taan ta o asi bi saw empkguraw matas ka laqi gaga.

  那孩子看起來就像是懶得去讀書的樣子。
• Bubu su o gaga tmgguraw wauwa na ini kmpmkay sapah.

  你媽媽在教訓她的女兒不願意家事。
• Gsgani pknarux hi ka hiya msa su o ima su ka hiya?

  你說就讓他得癌症，他是你什麼人?
• Gyiqani binaw empgeeguy ga, saman na emptgjiyal o.

  為小偷設置刺腳陷阱看看，小偷明天就會被刺到。
• Saw aji kkhabuk ka sbal namu laqi o sbali qabang da.

  如果你們不用嬰兒帶揹孩子就用布條。