查詢

句子 13,689 筆

• Spgtuwit na pqrak knan ka rudux na ga, stgtatuk mu qhuni ka tunux na do mhuqil da.

  他讓我抓著甩動的雞，雞頭撞到木頭時就死了。
• Kgkagi miying quhing binaw luhay na ini trima tunux ka laqi ga, mha knriwa quhing o!

  摸黑找習慣不洗頭孩子的頭蝨看看，會有很多頭蝨哦！
• Iya psnkmeebrah msaang kyuhan na ka laqi su naqih kuxul, niqan nak euda dha ka laqi.

  不要為了你孩子對他太太「hng」的呵斥聲罵她而難過，孩子有各自的生活。
• Tmlnglung ku saw skwada ungat sapah mu ga, ini tklai hmtur hhbuy na ka rusuq dowriq.

  我想到離開人世的親人時，無法控制淚水流下。
• Wada ptgmkaxa rmngaw ptaga wauwa meiyah ku msa ka risaw ki o ini eniq hika wauwa da.

  那男子因為說我後天會來而讓小姐等待時，那小姐不在那裡了。
• Empneenru su tmhri huling paru duri! ma su ini bi kdra na, bnrhagan suna snduray ga!

  你又要多次的去惹狼狗，你還沒有受夠前幾天被牠追哦！
• Tnpasas napa ga o hiya ka maangal lala pila, yaasa lhkah ni mkray brigan ka napa na.

  那揹很輕的人會賺很多錢，因為他揹的東西輕且價格貴。
• Npkbarah su tminun qabang nhari, mha nii bi ka laqi su kuyuh ga, naa su paadas manu?

  你的女兒就要出嫁了，你應該馬上織被毯，不然你要拿什麼作嫁妝呢？
• Gmnpksiyuk ku puniq hyaan musa smbu bowyak o dkaan na mgay ka kingal mneudus bowyak.

  我曾經把槍借給他去獵山豬，獵到的山豬分給我一半。
• Gmnpsmlux ku smbu buji huling dha o “nirih su smbu seejiq” msa msaang bi ka baki mu.

  我無緣無故用箭射別人家的狗，我祖父生氣地說：「你等於是射人。」
• Embahang nami msa mowda alang hini ka bgihur gnuwin do asi kpuh ka brah nami meisug.

  我們聽說龍捲風會經過這裡的部落，我們怕的胸口就發出「puh」的跳動聲。
• Gmnqral ku ka musa prngagan shiga o ini mu bi klai saw manu ka endaan dha empprngaw.

  昨天我去討論會時打瞌睡，我完全不知道他們討論了什麼。
• Qmnquru ku bi ga msaang ini thiyi rngagan ka tama mu ana mu rmuun o kla su ha mqpgi.

  我再怎麼安撫反而更生氣的父親當成是不聽勸，原來他是耳聾。
• Nangi na mtgrahul ka Truku ga miyah lmiwaq ka knsat seejiq mniyah hana dhuq Taywang.

  太魯閣族只要被看到在聚集，就被剛到台灣的外來警察驅趕。
• Smrdngani smquri dmayaw binaw erut sapah lupung su paru ga, mha suna qrasun balay o!

  幫你親家的房柱鉋成渾圓看看，他會很讚美你哦！
• Ana niqan, ttrinah na tminun qabang snurug ka bubu mu o mdra qnqan knskiyan snduray.

  不管有了被毯，我的母親更加織粗被毯，是因為受夠了上一次暴冷的痛苦。
• Msnrmun ku dowriq mu lmingis tmayan cimu ga, snagan qsiya lupung mu do ini krmun da.

  鹽巴撒到眼裡使我刺痛的哭起來，我朋友用水清洗後不刺痛了。
• Pnsrmun smcimu damat pida mhuma layan ka nirih mu bubu ga, lmamu do lala payi na da.

  我阿姨正在種綠豆時，把菜餚掺的鹽巴很鹹，採收綠豆時都是枯萎的豆莢。
• Pklug nami bgihur paru ka musa dgiyaq snduray o sgrmux nami rangah qhuni tgliing da.

  前些日子正在上山遇到颱風時，我們依靠樹洞躲進去。
• Msnrqda mhiyug nanak ini qeepah ka snaw na do wada qduriq paah sapah ka kuyuh na da.

  她為了先生像爐灶一樣站著不做事，妻子就離家出走了。
• Kmnrubug ku bi hiyi su smeura o rinah ku saw traun ka hiyi mu o kla niqan mnarux mu.

  我曾羨慕你想要身體細嫩，我反而身體骨瘦如柴，原來我有病。
• Knrukal na tmakur sapah qpras ka runug paru snii o asi pnsbsrux uwit kana ka seejiq.

  最近的大地震使水泥屋震倒得讓所有人感覺身體疲累。
• Psnlngi wauwa seejiq binaw risaw su gmaaw bi wauwa ga ni, kasi suna biqi baga msaang.

  把別人的小姐許配給你那很會挑女孩子的兒子看看，他馬上比不雅的手勢罵你。
• Tgblayiq kkeudus dha ni llabang lnglungan ka seejiq o ini pnegpangus saang dqras dha.

  生活幸福、心情開朗的人，他們不會板著臉生氣。
• Gnpaq mu gupuq baki mu tminun ka gupuq mu ga, kgeinu ka nbaki mu o ini klai qmita da.

  我編的飯盒跟我祖父的相似到，哪一個是祖父的看不出來了。
• Yaa manu spaut na sulay ka wauwa mu ga o ini mu klai, yaasa ungat saw nii lutut nami.

  我女兒不知為什麼會臀部後翹，因為我們親戚沒有這樣的。
• Gmnphing samaw mk5 jiyax ka bgihur paru snii o sknux kana ka damat pnha kulu huda da.

  上次颱風停電了五天，放在冰箱裡的菜餚都臭掉了。
• Pseani qlubung binaw daan bi tuqir samat ga nii, sita samat manu ka muda tjiyal hiya.

  那獵物常常走的獵徑去設置套腳陷阱看看，看什麼獵物會在那裡捕到。
• Sknpudung na qhuni rucing hmaqul ka radax nadas ruhaw yayung o ini na tklai ka radax.

  他把溪流暴漲漂來的巨木當作斷的漂流木搬運時，他搬不動巨木。
• Msnpypuy ku huling spqiyut na lqian mu ka seejiq ki o huya mu bui puniq ka huling na.

  我為了那個人「Puy! Puy!」這樣唆使狗來咬我孩子，我差一點用槍射殺他的狗了。