查詢

句子 13,689 筆

• Nrijig bkaruh o ini tduwa ngalan rijig pupu, yaasa ini pdka smnlaan burux na.

  曾配置鋤頭的握柄不可以用來配置斧頭的握柄，因為握柄插入處做的不一樣。
• Ttrkrak na hiyi smapuh ka nirih mu baki nngalan mu kuyuh ki o 20 hngkawas da.

  岳父的哥哥治療身上發癢有二十年了。
• Prnaaw bi dgiyaq ka rudan seejiq tmpusu Taywang o miyah maax qhuni ka mniyah.

  台灣原住民祖先使山成為森林，而外來的人砍光森林。
• Mnqalux qqeepah ka seejiq ki o maarpla knbhgay eeniq sapah tgblaiq sayang da.

  原來因工作皮膚黝黑的那個人，現在因富有在家享受皮膚成白皙了。
• Rprakay ta mkan ka gisang msa ku o tbuki bgihur paru do ini rngii ana kingal.

  我想採萊豆嫩莢來吃，被颱風吹襲後什麼都沒有留下。
• Ini kbiyax qmpah qmpahan ka qbsuran mu snaw do asi krulu nak ka smluun na da.

  我哥哥沒有能力耕作就只製造斗笠了。
• Ana sprulung qmburang ka bowyak o ida mkla, yaasa smknux ni mkla quri seejiq.

  山豬雖然趁起雲時被埋伏，牠仍會知道，因牠用聞來認人的。
• Ini su srjili isil ka rngsux ga spgiyug su rngsux o empgmeenu ka qmpahan su?

  你沒有把土石流引到別處而讓他通過你的田地，你的田地會變成怎麼樣?
• Spkala mu hyaan peapa tdruy ka laqi mu, yaasa aji ku meeniq sapah mktru jiyax.

  我請他協助我孩子搭車，因為我三天不在家。
• Spkhma mu hyaan ka qhuni tluan o aji lngu ka endaan na do ini ku bgay pila da.

  我請他刨平木桌他刨得不像樣時，我就不付錢給他了。
• Nklama nhari ka balung ruru hki msa ta o ini tduwa, niqan nak jiyax klmaan na.

  我們期望若鴨蛋能趕快孵化多好，但是不行，牠自有孵化的時間。
• Gmnlnglung ku mhuma tlulug ka yaku o “ini iyah tlulug ka hini” msa ka tama mu.

  我想過種葡萄時，我父親說：「這裡不適合葡萄生長。」
• “kmlowyan ku bi mlukus” msa ka laqi ga o “laqi suna” msa ini sruwa ka tama na.

  那個孩子說：「我想穿長袍。」但他父親說：「不行，你還小。」
• Pnklxlax rungay 3 hngkawas ka bngrux daya hiya o asi bi csearih ini dakil han.

  上方的五節芒被猴子摧殘三年，因此就暫時長不好。
• Seejiq pnsnulug su shiga ki o mgmsnulug mu sbrigan siyang alang paru suni uri.

  昨天你巧遇的那一個人，我剛剛也在市區的豬肉攤巧遇。
• Tnneenru bi tmeegu uqan hini shiga ki o yaa pnaah alang inu pini, ini mu klai?

  昨天多次來這裡挑釁打架的人是從哪個部落來的，我不知道？
• Lngu saw musa sgnkala matas gqringan lupung na ka laqi mu o ini nkala ka hiya.

  我的孩子想跟他朋友一起上研究所，但他沒有上。
• Gnnngani ku cih uqun sun mu ka hmut seejiq aji mu gnkla o peekan ku siqa hida.

  我對不認識的人說留給我一點食物時，我覺得很不好意思。
• Ini sruwa smkuxul rsagan mu ka tama na do gmpangus dqras tmaan na ka wauwa da.

  她父親不同意女兒喜歡我兒子時，她就對父親板著臉生氣。
• Truku ga, nurug dha seejiq Nihung do ana kuyuh mkpdagit snaw ka musa qmpah da.

  太魯閣族學日人，連婦女帶男性綁腿去工作。
• Npeydang su nanak ayus dxgal hki, kha qnbsiyaq ini su usa qmlqah dxgal su dga.

  你很久沒有踏上你的土地，難怪你會找不到土地的界線。
• Mnegphadut bi knan musa qmpah spuhan ka wauwa ga o yaasa ini slhbun quri knan.

  那女孩子請我送她去醫院上班，因他對我很放心。
• Knpksiyuk na qngqaya o ini sqdang mnmanu ni qmbsiyaqan kmsiyuk ka seejiq kiya.

  那個人出借任何東西和出借時間從不會記錯。
• Maapowsa na dahaw rapit ka seejiq ki o ana rqling bi dahaw qhuni ida na psaun.

  那個人設置捕飛鼠陷阱的技能，連細的樹技也都會設置。
• Tnpsleetu smahug qsiya tutu mahan ga o ina mu pnsramal na mahun lupung mniyah.

  那放涼熱水倒在杯裡的是我媳婦準備給客人喝的。
• Gnpulas mu qnqan smrus tluan mkan ka galiq ssrus o bhaan mu ni saan mu mhidaw.

  我用來擦拭飯桌上碎食的抹布，我洗了又拿去曬。
• Msnqiyut ku bownay tnegimax pajiq qulung ini endwai sminaw do ini ku damat da.

  因我咬到椿象摻在沒有洗好的龍葵菜餚時，我就不吃菜了。
• Manu sun su haya tmnqsul seejiq hiya, qsli nak hiyi su binaw, sita ini knarux?

  你為什麼在那邊揑人家，你揑自己看看，會不會痛？
• Mtgquwaq ni dowriq nanak bnbungan na dqras ka seejiq ga o yaa ima ini mu klai.

  那矇著臉只露出嘴巴眼睛的人，到底是誰我不知道。
• Pnrangi knan ka niqan bi pila ki o ungat pila na do ga ngalan rangi seejiq da.

  那瞧不起我的有錢人，他沒錢時就被人瞧不起了。