查詢

句子 13,333 筆

• Qmnita ku spi bkian mu saw kuna biqan balung rudux do klaun mu ga tjiyal ka qlubung mu da.

  我夢見我祖父彷彿給我雞蛋，我知道我的陷阱捕到獵物了。
• Mnegqtqit bi lubuy tqrian masu ka qowlit utux emppruq kana ka lubuy do ungat djiyun mu da.

  常咬破我裝小米袋子的家鼠，袋子都咬破時，我沒有可以用的了。
• Wada ptgrnaw brah hbaraw seejiq mkaraw qhuni mtucing paah baraw mhuqil ka psdmhaw bi kiya.

  那愛現的人因玩笑在眾人面前爬樹從樹上掉落而死。
• Babaw ku kmnhama mgrbu mmrqraq ku bi do rmngaw ka tama mu “skeuwit ka mrqraq kmnhama” msa.

  我吃過早餐正要躺下時，我父親說：「吃過早餐躺下會引起體弱。」
• Kmnrurul ku kuyuh lpungan mu o kla su kingal kuyuh ki o dnngaan na luus bi ini usa sjiqun.

  我以為我的朋友有兩個老婆，原來另一位女性是他認養未出嫁的熟女。
• Kmnmsnulug ku mgseesu bi seejiq qmita ka seejiq ki o kla su ha mubung qnnaqih lnglungan na.

  我把我所巧遇的那個人當作是文靜的人，原來他隱藏壞心腸。
• Gmnpspadaw dnuuy seejiq saw sgealu 5 hiyi smsaa bi kndsan seejiq ka niqan bi gnealu seejiq.

  很有愛心的那個人，專門白白捐給五位生活窮困的人。
• Mmqaguk bi quyu mtnrikit babaw ssjiyan ka lupung mu ga, “quyu wa” sun mu do msprah isil da.

  當我朋友正要抓蛇盤著手握的地方時，我對他說：「蛇啊！」就閃到一邊了。
• Tnqatuk pmblux tapaq paru dgiyaq msdhpa bi sipaw ga o ga na asi pniqi hika bqrus na uri da.

  那獨佔對岸所有大平坦山的主人，他的墳墓就在那裏。
• Negrahul su asaw kiristu binaw knxalan Rungay siida ga, ki niyah na qmrak ni ini rnaw msru.

  如果你在日治時期為了基督聚會看看，就馬上被警察抓來毒打。
• Msnraraw ku qlubung mu mnlala bi ka rqnux do asi mu lahi ka gasil ni smmalu ku nksa mu han.

  很多次水鹿繞過我的套腳陷阱時，我就把陷阱線卸解及先做狩獵的儀式。
• Mmrqriq ku bi mhulis qmita mrijil quwaq snliqan utux o hmkan kuna baga quwaq ka tama mu da.

  我看到殘障嘴巴歪的人正要狂笑時，我父親用手遮住我嘴巴。
• Mmkndadal ku bi sari mhapuy bunga siida, phlisan ku tama “kneini su kla mhapuy ga” sun kuna.

  我正要把芋頭和地瓜煮在一起時，我父親取笑我說：「你真是不會煮的料子。」
• Gnmumul tmquri tuyan gbiyan ni gmukan ka tgmu, mahun saw saman o mdka pnsaan qmsiya knsibus.

  傍晚把所含的甜粥倒進在葫蘆裡蓋起來，隔天喝起來甜得像加糖。
• Ana pgpaqax bru babuy ptabug knan ka qbsuran mu snaw o ida mu snyaxun bi ktbnaw hici ka bru.

  雖然我哥哥把骨瘦如柴的小豬送給我養，我一定會很在意地將牠養肥。
• Gmnpeysa duhung ni wada na biqan ka seejiq ki o “steeduk na tmikan hlama” msa ka bhangan mu.

  要求木臼且人家已給他的那個人，我聽說他關著門搗糯米糕。
• Pnklaani ta ha dmayaw smikul ga blbil tdruy kacing mapa qngqaya steetu elug ka kacing ga hug?

  我們來幫在上坡路拉載貨牛車的牛推一把好嗎？
• Msnklabi laqi na msdara naqih bi kuxul ka bubu na, “saani psapuh msapuh dowriq nhari” sun mu.

  他媽媽為了掀開她孩子的眼皮出血而難過，我對他說︰「趕快去眼科醫師那裡治療。」
• Msnpeyruh ku mhuqil huling mu buun dha puniq ka musa bi maduk ki o mdka ku wada gmrahuq laqi.

  我為了我那隻很會追獵的狗被他們用獵槍打死，我像失去了一個孩子一樣。
• Mqmqahur ku quri tuma hi o kla su ha ga niqan seejiq do acih ta bi huya sbu seejiq da msa ku.

  我想朝下方丟擲石子時，原來有人在那裡，我覺得差一點丟到別人。
• Mmrijil ku bi mkan kingal qapal blbul do “baka da, ma tuyan nbuyas ga” msa mdakar ka tama mu.

  我正要吃一串香蕉超過一半時，我父親禁止我說：「夠了，你的肚子怎麼像葫蘆一様。」
• Mmrpiq ku bi thuun mu do “iya rpiq thuun su ka sayang, lala rnpiq mu qmpahan” msa ka tama mu.

  我正想砍斷燒火用的樹枝時，我父親說：「現在不要砍，田地四周我已經砍了很多。」
• Mkkneywa bi bsukan msru kyuhan dha ka mswayi 3 gaga o hmici qmada dhyaan kana ka kuyuh dha da.

  那三兄弟各自嚴重的酗酒打妻子，他們的妻子全都棄他們而走了。
• Gnmsnulug mu tgaan tdruy alang paru ka seejiq bi wauwa shiga o kika lupung mu wauwa sayang da.

  昨天我在市區車站巧遇的漂亮小姐，是我現在的女朋友了。
• Tmnqburang ku mirit miyah pusu qsiya ga mu ngalan yudun hi o ini ku rahuq smbu kngkingal rabi.

  我在我接水管的水源頭埋伏山羊，每個晚上都會打中一隻。
• Iya psnraraw tna wada sqjiqun ka wauwa kuxul su naqih kuxul, ptbiyax hari musa qmita ka wauwa.

  不要為了你喜歡的小姐已嫁出去而難過，去小姐家提親要積極一點。
• Tayal rqdug su knan, “maah ku sapah su” msa su o tmaga ku bitaq ska hidaw o ma su ini iyah da?

  你怎麼那麼會騙我，你說：「我要到你家」，我等你等到中午，你怎麼沒有來呢？
• Tmkneywa bi drumut na kmbgurah qmpahan tkuyan na masu ka swayi mu kuyuh o ana ima tmdahu hyaan.

  我妹妹非常認真的開墾田地來播種小米，任何人都稱讚她。
• Sgnaah ta breenux qmita ka tudu dgiyaq paru ni pnstrngan muhing dgiyaq bilaq o kika kowtan sun.

  從平地看大山的山脊與小山脊的尾端接觸點是叫「kowtan」。
• Nmkaxa ka musa su tmatak hrus dxgal hnici rudan hida, aji bi biyaw dhuq jiyax tkuyan masu do o!

  你後天應該去開墾父母留下來的坡地了，播種小米的季節很快就要到囉！