查詢

句子 13,301 筆

• Qmqtqit bi buut ka baki su hghaw bi gupun na ga o saani marig traun buut tkrang babuy.

  你那牙齒很少很想啃食骨頭的祖父，為他買豬肋骨的軟骨。
• Qmnququy ku qmita gnabul na tdruy kacing o kla su ha qabang lnbak na hidaw laqi rbnaw.

  我把他牛車看成貨物裝的很高，原來是嬰孩遮陽光的被毯。
• Msnrbuq ku ini enduwa rnbqan dha kmari ka phyigan mu sapah do pxalan mu ha kmari duri.

  我為了他們挖的房屋地基不好，我再重新挖了。
• Srhrih su psluhay smmalu sapah ni plaxan su ka laqi su o empaakla smmnalu sapah ki da?

  你讓你的孩子敷衍學習蓋房子又不讓他做，這樣會蓋房子嗎？
• “kmpsrmun ku smcimu damat ka mha mhuma layan” msa su o ma su ini kla gaya mhuma layan?

  你說：「種綠豆時，我想把菜放鹽巴弄鹹」，你怎麼不知道種綠豆的習俗呢？
• Kkhrapas dha Mgay Bari ga, mlukus pala rmgrig ka kyikuyuh o asi saw hrahu knmalu qtaan.

  他們為了表演感恩祭的舞，婦女們穿傳統衣服跳起舞來很艷麗。
• Iya psnkaxa tnaga su hyaan msaang, ida mha saw ki hici empkaxa tmaga sunan ka hiya uri.

  不要為了等了他一天而生氣，以後他也會為你等一天。
• Mtgnngani ku uqun brah hbaraw seejiq ka laqi na do mtngaang kana ka seejiq mnbahang da.

  看到他的孩子在大眾面前說留食物給我時，所有聽的人都愣住了。
• Gmpatas ku hangan laqi hana mtucing o kingal hngkawas ga, laqi kuyuh ka dmgiyal hbaraw.

  我登錄一年出生的孩子，女孩子佔多數。
• Ttphaal dha phlan mhaal qngqaya ka seejiq ki o mdaka waru kacing mtkdray ka hirang dha.

  那些經常用扁擔扛東西的人，他們的肩膀像牛肩一樣的硬。
• Ttpowsa dha dangar qibu msangay ggbiyan ka laqi matas o dalih kbkuy ka qibu ngalan dha.

  學生傍晚放學時，經常去設置捕小田鼠的石壓陷阱，他們捕到的小田鼠接近一百隻。
• Ga qmpah bnbun dxgal hika dhiya ki o asi qpruq tngi nangal dha uqun kngkingal hngkawas.

  他們在肥沃地耕作的人，每年的收成都是大豐收。
• Maapudung qaqay ka mrata ga o ini qlahang qmlqah rnbngan pais bali pspruq rbngun dxgal.

  那個腳斷的軍人，是因不小心踩到敵人埋在地上的地雷，爆炸變短的。
• Nramus nuda mu bbuyu ka kana hiyi mu o trmaan mu dngdang ni rsuhan mu sapuh do malu da.

  我經過草叢全身刮傷，我用熱水洗澡及擦藥就好了。
• Ana rngagan mnegrinah ini qbahang ka laqi o asi mu lxani hi, tai nak hnyaan na hi kida!

  不管怎麼講越來越不聽話的孩子，我就任憑他去，看看他自己的造化。
• Ppkgkak su pila kukul seejiq tmgsa ka laqi su o iya si haya tmgsa, ma su aji lngu rudan.

  你教孩子從人家的口袋偷錢，不要這樣教，你怎麼不像父母。
• Aji su kkmsnulug empdawi qmpah seejiq qpahan su hiya o iya jiyax tggila ka musa qmeepah.

  避免你在工作場所巧遇懶惰工作的人，上工時不要耽擱。
• Npadus qhuni harung snwasan su nanak ka jiyun su, ma su asi ka musa peangal nbaki su da!

  你應該用你自己砍過的松木樹枝火把，你怎麼一定要去拿祖父的餒！
• Kmnpha na cimu pha ku qmsiya hnangut mu layan ka baki mu o “tayal pha su cimu” sun kuna.

  祖父誤把我煮綠豆放糖當作是放鹽，他對我說：「你怎麼放那麼多鹽。」
• Iya psnpnsuwit ini su kla pnsuwit baga naqih kuxul, bsiyaq su smluhay do mha su mkla da.

  你不要因為不會用手吹口哨而難過，練久了你就會了。
• Ttprana na mhuma bgura klgan blbul ka nirih mu qbsuran o wada na spghak kngkingal alang.

  我堂哥經常繁殖新品種的香蕉，他把種苗給每一個部落。
• Mndrumut bi tminun qabang ka wauwa mu han o maaqral nkan na sapuh psahu A-hui-ta-min da.

  我女兒原本很認真織被毯，吃了安非他命變得懶惰了。
• Qulung msa ‘qrat’ mtutuy rmngaw ka bukung alang nami do asi nami tkpiyung embahang kana.

  只要我們的部落領袖「qrat」起來講話的時候，我們全部就傾聽。
• Spqurang kuna btunux pqdrux qmpahan na o prnaan kuna kingal jiyax 3 kbkuy pila ka smadu.

  他請我在他多石頭的田地砌石牆，一天工資給我加了三百元。
• Mgrqriq baki mu qqlqah payay qmpah payay siida ka baki su o knrudan dha naqih dowriq da.

  你祖父跟我祖父在稻作園鋤草時一樣踩搓稻作，是因他們老得眼睛老花了。
• Sknpiyung mu tama qmita ka piyung qbsuran tama mu snaw o yaasa mdka knparu ka piyung dha.

  我把伯父的耳朵看成是父親的耳朵一樣，是因為他們的耳朵一樣大。
• Msnplealu ku msaang hmut plealu pha qumi sais babaw srakaw ka snaw mu o “aw ha” sun kuna.

  我爲了先生隨意把縫針放在床上而生氣，他對我說：「對不起。」
• Ttprpaw dha psramal qmita patas ka laqi matas o ini lu slhbun ka pspung knkla pntasan da.

  經常在破曉時準備看書的學生，就不用擔心考試了。
• Qmnqluli ku qmita lupung mu ungat qtaan tmapaq do kla su ha trbung mkttruma qsiya tmapaq.

  我把游泳的朋友看不到時，以為是溺水原來是在潛泳。
• Iya psnqpulah biqan suna tama su naqih kuxul, phmai qhuni, ida mha msiyam bi rnabaw hmru.

  不要為了你爸爸給你光禿的地而難過，拿去種樹長的葉子一定會綠油油的！