查詢

句子 13,333 筆

• Mrhbiq ku bi sqmu paah saman do “yahi smtuku ka snbrxan mu dhug?” msa ka lupung mu.

  從明天開始我要剝去玉米皮時，我朋友說：「我跟你換的工，你來還工了好嗎？」
• Gnrhruh kuna laqi ini usa tnaqi mu keeman do tksiyuk ku mtaqi bitaq smdangaw hidaw.

  我晚上睡覺被孩子磨蹭睡不著時，就補眠到太陽升起。
• Ungat risaw mu ka yaku o qmita ku risaw su o “nrisaw ta bi kida hki” msa ku smeura.

  沒有兒子的我看見你的兒子時，我羨慕的說：「希望是我的兒子。」
• Msnrnaaw wada sbaax seejiq mniyah ka baki mu o “ma mhmut qhuni” msa naqih bi kuxul.

  我的祖父因為森林被外來人砍光，傷心的說：「為什麼亂砍伐樹木。」
• Kkrukal ta kana lutut ka musa mkan rayi su o dai bi pgkla ka kngkingal ruwan sapah.

  為動員所有的親戚去參加吃你的婚宴，要挨家挨戶的通知。
• Mkmprulu ku bi ka musa qmpah o ini sruwa ka tama mu “slhayi thidaw ni psquyux” msa.

  我想戴斗笠去田裡耕作，我爸爸不同意，說：「你要日曬雨淋地磨練。」
• Ini tduwa sknrumu slaq qqabil ka rmumu emu btunux, yaasa rmuan qaqay ka slaq qabil.

  水泥不能當作屋牆的泥漿來攪拌，因為做牆的泥漿是用腳來攪拌的。
• Pxaun mu bi qmbrurung ka payay kingal lituk ga msa su o, yaa su ssadu hbaraw seejiq!

  你說那一甲地的稻子要花一天的時間收完，是要雇很多人吧！
• Kgkagi miying quhing binaw luhay na ini trima tunux ka laqi ga, mha knriwa quhing o!

  摸黑找習慣不洗頭孩子的頭蝨看看，會有很多頭蝨哦！
• Sknkray mu qnabil qpras qmita ka qnabil slaq o mtucing qixan paru ka qnabil slaq da.

  我把泥土做的牆看作是像水泥牆一樣硬時，泥牆被大雨淋就脫落。
• Paah mtgkupu ka pajiq mu qurug ga, bitaq mu wada qhduun smbarig o iyax bi quyux wah!

  我的高麗菜從包心開始直到我全部售完時，是在沒有下雨的時間。
• Mmluway ku bi hiyi, mkan ku sapuh uqun skbiyax hiyi do gisu embiyax ka hiyi mu duri.

  我身體原來虛弱，我吃健康食品時，我身體又恢復了。
• Empneenru su tmhri huling paru duri! ma su ini bi kdra na, bnrhagan suna snduray ga!

  你又要多次的去惹狼狗，你還沒有受夠前幾天被牠追哦！
• Ppdsanay su bi lmaung ka tntakan paru bgihur ungat lahang ha! Mha tgaluk rnaaw do o!

  你絕對不要在風大的時候，拿火把焚燒沒有開防火線的新墾地哈！會延燒到森林哦！
• Tpparu smmalu sapah mtntun kana ga, kmukung ku saw biyi ka yaku do mtuku mu bi hida.

  都蓋大的樓房，我蓋矮又垂下的小工寮就夠了。
• Rubang saw ppealix knan likaw ssqit djima lqian na ka seejiq ki o ungat bi sskla na.

  那個人想要讓他的孩子超越我砍竹子，他沒辦法趕上。
• Npkbarah su tminun qabang nhari, mha nii bi ka laqi su kuyuh ga, naa su paadas manu?

  你的女兒就要出嫁了，你應該馬上織被毯，不然你要拿什麼作嫁妝呢？
• Saw ka ungat sapah sayang o asi kplabu pila skuan pila biqi mnrana pila marig sapah.

  現在那些沒有房子的就向銀行貸款付利息買房子！
• Gmnpqdu mhiyug smkaway wada bbuyu ka sowbaw bi ki o asi taga mkan mnhada saw smsiqa.

  沒出息呆站著目送去狩獵的那個人只等著白吃，真可恥。
• Musa ku sgpring biyax kksa hika yaku saw tapu do asi ku dha hcii qmuci gaing paalix.

  我這慢吞吞的人跟著健步如飛的人時，他們把我甩得遠遠的。
• Gmnpsmlux ku smbu buji huling dha o “nirih su smbu seejiq” msa msaang bi ka baki mu.

  我無緣無故用箭射別人家的狗，我祖父生氣地說：「你等於是射人。」
• Tama mu ga, pnqatuk na mgay txaun bi laqi ka dxgal na o wada qhduun smbarig laqi na.

  我父親把所有的土地只給了獨子，他那孩子賣了所有的土地。
• Gmnqral ku ka musa prngagan shiga o ini mu bi klai saw manu ka endaan dha empprngaw.

  昨天我去討論會時打瞌睡，我完全不知道他們討論了什麼。
• Qmnquru ku bi ga msaang ini thiyi rngagan ka tama mu ana mu rmuun o kla su ha mqpgi.

  我再怎麼安撫反而更生氣的父親當成是不聽勸，原來他是耳聾。
• Smrdngani smquri dmayaw binaw erut sapah lupung su paru ga, mha suna qrasun balay o!

  幫你親家的房柱鉋成渾圓看看，他會很讚美你哦！
• “gmnrngaw su gaya Truku o daay ta bi ka gaya Truku” msa kana kari dha ka alang nami.

  你演講過太魯閣族的習俗，我們部落的人都說：「我們要好好實踐太魯閣族祖訓規範。」
• Kmnrubug ku bi hiyi su smeura o rinah ku saw traun ka hiyi mu o kla niqan mnarux mu.

  我曾羨慕你想要身體細嫩，我反而身體骨瘦如柴，原來我有病。
• Pgklabi mddha knan laqi na kuyuh ka baki mu o qrasun mu balay, yaasa seejiq bi qtaan.

  我很高興我岳父把他有雙眼皮的女兒嫁給我，因為很漂亮。
• Kingal ta ruwan sapah ga, ana su kingal nkrtung binaw, mglbu ta hnuqil qnnaqih kuxul.

  一個家庭如果有一個人過世看看，會難過得生不如死。
• Mmsluung ku bi mgriq tdruy siida, “ma su saw smeisug” msa ka kuyuh mu do mtkla ku da.

  我開車正要打瞌睡時，太太對我說：「你好可怕喔！」我就清醒過來了。