查詢

句子 13,108 筆

• Tqqatuk pmblux tbgan kacing kana do asi ku pmblux tnbgan babuy ka yaku da.

  都獨佔養牛場時，我就獨佔養豬場了。
• Iya psnqaya pha tdruy brah sapah su mruq ribaw tdruy, pgealu ka seejiq da!

  不要因車子阻擋在你家前面而刺破它的輪胎，體諒別人吧！
• Paah ulan mnarux brah meeru ka lupung mu do mnegqluway bi uwit hiyi na da.

  我朋友從患肺結核以後，身體就很虛弱了。
• Wada ptgqluway hiyi qnqan narux msangi mhuqil ka Truku seuxal o hbaraw da.

  以前太魯閣族因患痢疾虛弱而死的人很多。
• Iya psnqqung kingal bnuqir empgeeluk mimah qsiya, jiyi pnkingal ka bnuqir.

  不要為了搶著一根吸管喝水，各自用一根吸管。
• Nqral su mgriq tdruy siyaw elug dowras o aji su bi biyaw priyax dowras da.

  如果你打瞌睡在懸崖邊的道路駕車的話，你一定很快墜落懸崖了。
• Pnqtqit na qowlit hmtan na peeniq ka bluhing payi mu o ini tduwa tbsan da.

  我祖母隨便亂放的簸箕被老鼠咬破，不能篩了。
• Ptgqtqit na mkray bi uqun kdjiyax ka gupun na do ungat ana kingal malu da.

  他牙齒因為每天啃食硬的食物，沒有一個好的了。
• Ini pnegquri ppatas ka kingal laqi mu do pqrian mu psluhay kkla smmalu da.

  我一個孩子在讀書方面不適應，我就給他轉向科技學習。
• Tnqurug bunga rungay kingal lubuy powci ga o ga pruway mhuma bunga rungay.

  那一個麻袋圓球馬鈴薯的主人，是專門種馬鈴薯的。
• Wada ptgraka kumay msluung ni mtakur dowras mhuqil ka nirih mu swayi snaw.

  我堂弟因監視熊打瞌睡墜崖而死。
• Sknrbruk mu sumiq lukus ka qtahi sqapah lukus o ini biyaw mhrhur ka qtahi.

  我把附著在衣服上的螞蟻像衣蝨一樣用火焰燻時，螞蟻很快掉落下來。
• Iya psnrbu mtakur mangal luqih ka baki su naqih kuxul, saani psapuh nhari.

  不要為了你祖父在破曉時跌倒受傷而難過，趕快帶去治療。
• Kmnrgrig ku Truku qmita ga rmgrig ka Sbnawan o kla ga smluhay rgrig Truku.

  我把阿美族以為在跳太魯閣族舞蹈，原來是在練太魯閣族的舞蹈。
• Wada ptgrhngun xiluy sngqslan mduk mhuqil ka kingal laqi qbsuran mu kuyuh.

  我姊姊的一位孩子因關鐵門被夾而死。
• Iya psnrhrih tuqir bowyak empgeeluk qmlubung, hdqani mangal bi bowyak hug?

  不要為了在山豬時常經過的窄徑爭搶設套脚陷阱，讓很會捕山豬的人設置好嗎？
• Ttribaw dha pstriya ribaw qnawal tmalang ka laqi matas ga o malu bi qtaan.

  學生在用滾鐵絲圈賽跑，很好看。
• Nrigaw su mkrhngun seejiq binaw pklug niqan mnarux meeru ga, ki sdmaun su.

  正值傳染病發的時候，如果你挨家挨戶遊盪的話，這是你的惡夢。
• Wada ptgrigaw qlubung hiya nanak ungat embrinah sapah ka kingal yami hiya.

  我們那裡有一個人因單獨巡視套腳陷阱沒有回家。
• Nrigu su hwinuk powda rnibaw binaw isu niqan hwinuk ga, mha malu bi qtaan.

  你身材好的，如果扭腰搖呼拉圈一定會很好看。
• Pnrisuh mu sapuh sunan ka nngalan mu luqih o sknhuway su bi ni ini knarux.

  我讓你擦的傷口，你輕輕的擦不會感覺痛。
• Gmnpriyux ku plukus laqi tnrima gbgbiyan ka yaku ni mmgrbu do bhaan mu da.

  我每天傍晚替孩子洗澡換下來的衣服，我每天早上就拿來洗。
• Nii ku tmriyux yudun snalu yudun djima qsiya ka sayang o mtbiyax ku balay.

  我今天正在把竹水管更換成塑膠管，非常忙。
• Iya psnrnaaw hnici rudan empgeeluk, enduwa mseasug, kaway namu utux rudan.

  不要為了祖先留下的森林爭搶，好好地分，祖靈會發怒。
• Mnegrqbux bi ka qrunang nami hiya o ini peeniq mkan mirit tnjiyal qlubung.

  我們獵場那裡有很多熊，套腳陷阱捕到的山羊被牠吃光。
• Knrsug na mangal pnspadaw buwaxi ki o ungat bi lnglungan na rrangi seejiq.

  他把白白送的米全數拿走的人，他真沒有良心留給別人。
• Ttrsuk nami hidaw pusu qhuni ngangut sapah o asi nami salu srakaw tbsagan.

  我們經常在庭院的樹下遮陽乘涼，我們就做乘涼的床。
• Iya psnrsung dakil bru babuy empgeeluk marig, taga pxal duri ka taxa namu.

  不要為了搶著買長得光滑的豬仔而爭執，你們當中一位等著下次。
• Msnrubang nami qlubung naqih smnlaan ni ini hgut do smmalu ku nak yaku da.

  我因做的套腳陷阱套圈做得不好不會縮緊，我就自己做了。
• Qulung niqan lhngaw ka siyaw qmpahan do ida mu rbangan dangar qowlit kida.

  只要田邊有石穴，我一定設老鼠的石壓陷阱。