查詢

句子 1,232 筆

• Ppruwaq mu pgduyung 2 libu dxgal hmaan mu bunga kingal jiyax ka kacing su hug?

  我要用你的牛一天來做七成的兩分地地瓜畦土種地瓜好嗎？
• Kmpsahug ku phiyug lqian mu o asi iyah lmingis psruwa knan do ini ku psahug da.

  我想叫孩子罰站，他就哭著向我求饒，我就不罰了。
• Tnpsahug phmuk kulu 5 idas ki o asi na kbaka hi ini npusal muda saw nuda na da.

  那受刑五個月的人受夠了不再犯了。
• Dmuuy nami qsiya mstrung siida pskray bi smdhug ka rudan psblaiq bitaq hnqilan.

  我們以水誓舉行婚禮時，老人家很嚴肅的誓約說要相愛到死。
• Msnpsmlux nami hmili gmeeguy rudux na knan ka seejiq ki o miyah smahug knan da.

  我為了那個人無緣無故誣賴我偷他雞而發生爭吵，他來向我賠罪了。
• Gnripuh mu snahug dha knan ka babuy o wada nami keepuan mkan ni mkmalu nami da.

  他們虧欠我贖罪得來的豬，我們殺來一起吃就和好了。
• Kkhma knrtan mu radax qhuni sakus ngalun mu tluan ka isu sayang hug? Sduun misu.

  你現在刨我鋸的大樟樹，我要用來做桌子的好嗎？我要拿工資給你。
• Gnratuk mu 3 mneudus babuy rmuhug ka qalu o mtuku mu spcsiyus damat kingal idas.

  我由三頭豬的板油熬成食用油，夠我一個月炒菜用。
• Tmnhaur ku qmita yayung mssipaw o yaa ga hiya ka saw mneudus qsiya na hug msa ku.

  我看了河水暴漲想到河中的活物還在嗎?
• “mmnngani ku uqun rnangi su uqun ska hidaw gaga hug?” mhuya ku ka yaku da sun mu?

  當我要對他說：「你那留到中午要吃的食物留給我好嗎？」那我吃什麼呢？
• Mqmtqrngul ku mkan lumak ruwan sapah ptasan o “usa mkan ngangut hug?” sun ku dha.

  我想要在學校裡面抽菸時，他們對我說：「你到外面抽好嗎？」
• “pqquli knan kingal laqi su kuyuh hug?” sun mu smiling ka nirih mu qbsuran kuyuh.

  我問我表姊說：「你的一個女兒給我領養好嗎？」
• Mmruhug ku bi trabus nngari nhuma do “iya rhgi, peetung ta mhuma” msa ka tama mu.

  我正要焦炒剩餘的花生種時，我父親對我說：「不要焦炒，我們要補種長不出來的。」
• Saw aji qqgqguq daan rngsux ka qmpahan mu hiya ga, naa huya ksun o tgsai ku hug?

  為了使我的田地不被土石流沖成坑洞，怎麼做請你U+654E我好嗎?
• Mndhug bi ka hakaw lbay ga han o daan bgihur paru do maaluway paru ini tduwa daan.

  那吊橋原本很堅固，被颱風侵襲後變得危弱不能通過了。
• Tmnmsnulug su ka lupung hana qtaan sayang o biqan su mqaras ni kmsteita dqras hug?

  你巧遇久未相遇的朋友時，你會給他高興和親切的臉色嗎？
• Tmnpsahug 5 hngkawas phmuk kulu ni mlatat ka lupung mu o tayal siqa na qmita knan.

  我的朋友在監獄受刑了五年，出獄時看到我就很慚愧。
• Qqburung ta payay mu ka mk3 jiyax hug? yahun misu smtuku qmburung su payay rbagan.

  三天我們割我的稻好嗎？你割二期稻作時我來還工。
• “psnlngay ta wauwa su ka risaw mu hug?” ksay ta smpung rmngaw ka ggtgut sapah hiya.

  我們試著對鄰居說：「你的女兒許配給我兒子好嗎？」
• Gnpteeru su smbarux knan ka kingal jiyax o yahun nami smtuku smka jiyax 2 hiyi hug?

  你來更換我屋頂上層桂竹的一個工作天，我們兩個人用半天來還工好嗎？
• Gmnqmul meiluq siyang knan msaang ka seejiq kiya o msbbrih ni miyah smahug knan da.

  那氣的把生豬肉硬塞我嘴巴的人，他懊悔的向我陪罪。
• Mrhbiq ku bi sqmu paah saman do “yahi smtuku ka snbrxan mu dhug?” msa ka lupung mu.

  從明天開始我要剝去玉米皮時，我朋友說：「我跟你換的工，你來還工了好嗎？」
• Balay bi qnsjiqan ta o aji sntgan seejiq ka qqbhangun, paah pkdhug lnglungan ta nanak.

  我們真正的榮譽，並非取決於他人之見，取決於堅守自己的心。
• Kmnkala ku qnalang qmita ka seejiq ga o kla ga pgdhug smmalu qnalang qmituy ka bgihur.

  我把他看作是在攀爬圍籬，原來是在固定圍籬因有颱風的徵兆。
• Gmnlihug gsilung paru musa matas Amirika ka laqi na o mangal patas pnegkla pusu knkla.

  他的小孩越洋到美國讀書獲得博士學位。
• Wada ku psahug 50 kbuhug pila Taywang asaw mnegay ku pila rnimu mgaaw maabukung ka yaku.

  我為了選領袖賄選，我被罰款五十萬台幣。
• Kkkhma su erut sapah qhuni tksadu ga smmalu sapah qhuni hi o adas ku yaku uri hug? Tduwa?

  要是你要去受雇到蓋木屋那裡刨房屋柱子的話，也帶我去可以嗎？
• Pnklaani ta ha dmayaw smikul ga blbil tdruy kacing mapa qngqaya steetu elug ka kacing ga hug?

  我們來幫在上坡路拉載貨牛車的牛推一把好嗎？
• Mnegneenru bi meysa pila buan na ka laqi do kseengun bubu na rmngaw, “smlaan ku pila hug?” sun na.

  孩子常常喜歡向他媽媽要錢時，他媽媽罵他說：「我是造幣廠嗎？」
• “prnaaw mu mhuma ka kingal pusu krig su ga hug” msa ka kari o rnibaq musa qmita wauwa Truku sbiyaw.

  「我要繁殖你的一根苧麻好嗎？」這一句話是以前太魯閣族去提親時的隱喻。