查詢

句子 13,301 筆

• Rraqaw su pskluwi msaang ka laqi bilaq, mha mnarux ulan lhbun da.

  你不要對嬰孩大聲罵驚嚇他，他會得恐懼症。
• Rwahaw mu saman ka pnsinaw mu masu 5 hngkawas da, iyah mimah hug?

  我明天要開我釀五年的小米酒，過來喝好嗎？
• Mha ku sgrbung pnsinaw masu tama ka sayang, klaaw piimah hici da.

  我現在要去跟著我爸爸掩埋釀小米酒的甕，也許以後會給我喝。
• Mniq rklu ka qhuni o ini hari pnegrhbiq sida na daan bgihur paru.

  颱風來襲時，在窪地的樹木比較不會斷裂。
• Msnribul ku quyux ini ku brgani bubu mu do ini ku usa qmpahan da.

  我為了母親沒有買給我雨褲，我就不去田裡了。
• Lala ka dahaw rapit su o asi krigaw dahaw ka kingal jiyax sayang.

  你設的飛鼠套頸陷阱很多的話，今天你就去巡視套頸陷阱。
• Smrrmagun bi mahan ka sinaw o mimah su kingal qngqung do baka da.

  容易產生醉意的酒喝一口就好了。
• Tmnrmram ku mkan nhapuy ka mnarux gupun mu o ini kshiya qnqan mu.

  我牙痛用牙齦咀嚼吃飯沒有味道。
• Qulung miyah ka quyux paru do empsrngsux ka qmpahan su hrus gaga.

  只要下大雨，你那山坡地會造成土石流。
• Tnrowraw mami kha gutu ga o smnqit mami prihan na mhuma risah da.

  那堆那麼多橘子樹枝的主人，是他砍了橘子樹要改種梅子。
• Nrpiq su nhari ka qhuni thuun da, aji biyaw hmrinas ka rbagan da!

  你應該趕快砍燒火用的樹枝，夏天快過去了！
• Ana kuna rqdgan ka seejiq ki o laxan mu hiya, aji ka mha mnpusal.

  不管那個人對我失信我不理他，不會有第二次。
• Ttrqling na tminun brunguy ka baki mu o kuxul dha bi yahan marig.

  我祖父經常編的小背簍，人人都喜歡來買。
• Ttrqraq dha rnaaw ka seejiq mniyah o sgkhaya embbulang ka dgiyaq.

  外來的人把森林砍得整座山成光禿。
• Qrqriq su qmlqah payay nhuma dha o naqih bi kuxul ka seejiq kiya.

  你踩搓他們種的稻子，那個人很難過。
• Pnrsung mu tmabug pkdakil ka kacing mrata o rngayan dha bi qmita.

  我的馬養得很肥大壯碩，他們很欣賞。
• Trruba laqi kana ka rdrudan ga o yaasa tmraqil rudan ka laqi dha.

  都在咒詛孩子的那些老人家們，是因他們的孩子虐待他們。
• Trrubux buwax dhquy pseeluun dha mcikan hlama kana ka dhiya gaga.

  他們都在觸摸白糯米是要蒸熟搗糯米糕。
• Iya psnrudan msbrabang kmlawa mnarux, mha teuqu ka rudan namu da!

  不要因照顧父母推卸責任，你們父母會嘔氣喔！
• Pprudu su prrawa huling payay nhuma dha o naqih kuxul ka tnpayay.

  你讓狗弄亂他們種的稻作，稻作的主人會難過。
• Trhawi gsilung pdmhaw ka laqi kklaan dha mmeenu ka ruhaw gsilung.

  讓孩子觀賞海嘯使他們知道海嘯是怎麼樣。
• Tmrumul ku mnarux smapuh o mnarux gusug rumul ka naqih bi spuhan.

  我治療肝病，肝癌是最不好治療的。
• Emrutug ku btunux ga qmaya elug hi o mha ku bi kingal jiyax smka.

  我要滾動移開阻擋道路的石頭，可能花一天半的時間。
• Ini dha sklai miyah qmrak ka lupung mu o pnruus mu pqduriq nhari.

  他們趕不及抓我的朋友，是我叫他趕快偷偷的逃走。
• Saw skruway wauwa giman dha ina ka Truku, wiwi dha bi ka hlmadan.

  太魯閣族總是娶親戚以外的女孩子做媳婦，他們絕不娶親屬。
• “ Mshshas bi tmalang o tmncilux bi mkan paah rqda”msa ka rudan ta.

  我們的老人說：「跑步很容易喘氣是從爐灶上吃熱食的。」
• Skncit na smagi huling na ka huling seejiq o ini qbahang ssagi na.

  他呼叫別人的狗當作「cit」的呼叫他的狗，但不聽他的呼叫。
• Emptgbiyan ku qmpahan hini ni mrbu ku mgsbu rapit ka miyah sapah.

  我在工地呆到傍晚夜間要去打飛鼠才回家。
• Miyah sggisil qmpahan mu o nangi na ppgisil qmpahan na knan hici.

  他來我田地跟我做土堰，他以後有意要我去做他田地的土堰。
• Tggluq naqih qneepah ka seejiq do ungat kkmalu lnglungan dha da.

  一直做壞人心裏就不會好起來了。