查詢

句子 13,333 筆

• Msnmglbu laqi su knputut tminun ka laqi mu o naqih bi kuxul mu.

  我為了我的孩子比你的孩子不會織布，我很難過。
• Pmrangi tunux binaw isu ga, yaa su aji mrngat qun hidaw rbagan!

  你禿頭看看，夏天日曬時你不會叫痛吧！
• Mqmnalaq bi ka birat mu dga, ini ku taqi kingal knmanan knrxan.

  我耳朵剛發膿時，我整夜痛得無法睡眠。
• “mnegnama bi dhuq ptasan kdjiyax ka laqi su” msa knan ka mtgsa.

  老師跟我說：「你的孩子每天喜歡最先到學校。」
• Kneenru smsaang ka rudan binaw, sita suna ini jyani qhuni msru.

  多次惹父母生氣看看，看會不會用棍子打你！
• Tgnowma bi mami mu ga o nngari hnqilan qnqan kuwi qrqur qmusug.

  我那幾顆僅存的橘子樹是蛀蟲蛀過樹幹留下來的。
• Gmnpadus na qhuni harung smalu ka seejiq ki o paru bi ranaq na.

  他用松樹做的火把，火燄很大。
• Qpaxaw mu pkliwang ka hiyi mu han, akay bi saw tmaq qnthran da.

  我要減肥一下，因我肥的很痛苦。
• Duma rudux ga, mnegpayi bi ka balung na o tama mgatuk ka naqih.

  有些雞蛋容易不孵化的是配種的公雞不好。
• Smppayi bi balung rudux pgsaun na ka baki mu, ki kuxul na mkan.

  我祖父常常要很多不孵化的雞蛋，這是他喜歡吃的。
• Mnegpealix bi ana ima likaw mgriq tdruy ga o ini ku purug yaku.

  那很喜歡開快車來超越任何人的，我不跟著學。
• Tgpeysa bi pila knan ka laqi mu ga o eusa na matas paru ptasan.

  那常向我要錢的孩子，他要用來讀大學。
• Gnpgrpaw bi mhapuy khmaun laqi musa matas ka bubu Truku sbiyaw.

  以前太魯閣的母親在黎明時，煮飯給準備要上學的孩子吃。
• Pkaaw su ptjiyal tlayan sngqslan ka huling musa bi seaduk gaga.

  別讓那很會追獵的狗被鐵鋏夾到而跛腳。
• Mkkpksiyuk nami bi pila ini angal mnrana ka yami mskiyig sapah.

  我們鄰居相互借貸金錢不拿利息。
• Tnpksiyuk sapah spuhan knan kiya o ini angal mkray bi knsyukan.

  那個租房屋給我開診所的人，不拿很貴的租金。
• Tgplhlah bi bngux lukus ni qabang ga o seejiq psbhgay bi sapah.

  那常常甩掉衣服和被毯灰塵的人，是喜歡屋內愛乾淨的人。
• Nplhpuh bi kana ka bunga ga puyan kingal liwas ga hki msa nami.

  我們希望煮在一大鍋裡的地瓜都是鬆脆的。
• Tgplutut bi yudun qsiya paah sapah mu ga o baki mu nngalan ina.

  那從我家接水管的是我親家公。
• Smppmblux bi duhung sngqrian baki mu ka seejiq alang nami hiya.

  我們部落的人訂了很多我祖父雕製的木臼。
• Prneani bi laqi mnbarah ka mnda tmgjiyal mrata rungay ka Truku.

  太魯閣族對日戰役的事一定要敘述給現代的孩子。
• Ana bilaq, gmpsahug su seejiq ga o hici ida su dha pshugun uri.

  你連小事也要懲罰別人，以後他們也會懲罰你。
• Mkmpsahug ku bi ka sunan ga, pgealu msa ku do ini ku psahug da.

  我很想懲罰你，看你可憐就不罰了。
• Pnpshnuk mu mhapuy ka buut papak mirit o kuxul bi mkan payi mu.

  我祖母很喜歡吃我燉的羊腳。
• Mskuy bi misan siida, spshuriq kuna psluhay mkbbuyu ka tama mu.

  冷冬時，我父親訓練我淋溼打獵。
• Asi bi qpstuq quri knan ka wauwa ki o kla niqan ka kuxul na da.

  那斷然拒絕我愛情的女子，原來她已經心有所屬了。
• Gmptgayaw ku huling embiyax bi mkeekan o gmeuqu qmiyut knan da.

  我驅開在打鬥很強的狗時，卻誤咬了我。
• Tgptgayaw bi mkeekan rudux kawa kiya o hiya ka mkla na ptgayaw.

  那正在驅趕火雞打鬥的人，他才是最會驅趕的。
• Pdngani su bi ka pucing baki su spdka na pusu dnuuy qmita gaga.

  別把你父親那當作寶貝的獵刀弄斷。
• Kmnpuhak qmita qnbilaq hiyi busuq mu baka uqan knhada ka dhiya.

  他們把我小小粒熟而可以吃的李子果當作是嫩果。