查詢

句子 13,689 筆

• Mniq su sapah o nraka su ka quyu miyah rmqun balung rudux da.

  你在家的話，你應該監視來吃雞蛋的蛇了。
• Ita mnniq dgiyaq o ida ta mnramang malah tahut kana ka misan.

  我們住過山上的，冬天烤火時都會有火激紅斑。
• Tmnramas ku pha cimu qnilaw babuy o shpan dha mkan ka qnilaw.

  我混一些鹽巴在豬的煮飼料裡時，牠們把飼料舔著吃光。
• Msnprana pusu samaw biyax pspruq o ini pssruwa ka alang nami.

  為了要增設核能發電廠，我們部落反對而發生爭執。
• Mgranaq mnimah sinaw dqras na ka rayi mu ga o knlgan na hiya.

  我妻子的妹夫喝過酒的臉，紅的像火焰一樣是天生的。
• Sknratuk mu rudux mkan ka ratuk rungay o ini pdka knshiya na.

  我把猴板油當作雞板油一樣來吃時，牠的美味不同。
• Nii ku tmrawa jilan musa marig ka kykuyuh, ungat bi jiyax mu.

  我在編女性要去買東西的提籃，我很忙。
• Iya psnkrawah laqi namu wada mqspiq naqih kuxul, utux ka nii.

  不要因珍惜你們失去一位孩子而傷心，這是命運。
• Tmnrbagan gmutu uqun ka qtahi o ini lu slhbun uqun dha misan.

  螞蟻在夏天堆積食物，到了冬天就不愁吃。
• Ini kla qmlubung ka laqi o srbuq mu ha tmgsa ka rbuq qlubung.

  不會設套腳陷阱的孩子，我教他怎麼挖陷阱的坑洞。
• Payay tnikan ga o rgrig bluhing pseanak isu ka dmux ni buwax.

  那搗好的稻穀，你用簸箕來篩穀粒與米粒。
• Wada ptgrhang prpiq qhuni qmpahan peepux qqhuni ka lupung mu.

  我朋友因清理砍倒田地四周的樹使它不遮蔭，而被木頭壓死。
• Smrrhibung bi blbul ki kuxul dha brigan ka seejiq alang hini.

  這部落的人喜歡買很多熟成黃色的香蕉。
• Nrhiq su nanak ka mkan blbul da, ana ha ki ini su klai rmhiq?

  你吃香蕉應該自己剝皮，你連這個都不會剝嗎？
• Asi krhrih cih tmabuk ni wada srhngul ka pada qlubung mu o 5.

  五隻山羌被我的套腳陷阱捕到，掙扎一點就掙脫了。
• Ana hmuya ini bi pnegribaq lnglungan na ka bukung alang nami.

  我們的領袖無論怎樣不會心情低落。
• Ni ku tmrijig tucing paru hurah mu tmucing btunux paru saman.

  我在裝榔頭的握柄，明天我要用來鎚大塊石頭。
• Msnrijil ku snquri na duhung do ini mu brigi ka pnblux mu da.

  我為了他雕製的木臼歪掉，我訂的不買了。
• Sknrijil mu qmita ka rawa tninun su o kla dowriq mu ka naqih.

  我把你編的籃子看成是歪的，原來我眼睛不好。
• Pns5 mu mahu masaq ka gluq bunga lukus mu o ida ini pkeangal.

  衣服上的地瓜汁我洗了五次肥皂仍然洗不掉。
• Dmprimu tnrqdug o piya hiyi ka mrimu o ngalan dha rnimu kana.

  接受賄賂的人有幾位行賄的人，他們都拿賄賂。
• Mnegrimu bi tnrqdug ka Truku sayang o tnegsaan seejiq mniyah.

  現在的太魯閣族很會行賄，是外來族群教的。
• Psruwa qnnaqih ni lingis ka srimu mu saang tama do smruwa da.

  我以道歉及哭泣向生氣的父親討好時，他就原諒我了。
• Rrisuh mu hiyi aji qqiyut kuwi labis ka sapuh risuh knux nii.

  這防蚊液是我用來擦拭身上避免被蚊子叮。
• Sknriwa mu qihung mkan ka riwa ngiraw o ini pndka knshiya na.

  我把香菇當作雞肉絲菇吃時，它的美味不同。
• Rmrmani peekan baki ni payi ungat gupun ka hlama balung gaga.

  那蛋糕讓沒有牙齒的祖父母用牙齦咀嚼的吃。
• Mkmrngaw su qnnaqih seejiq o rnggani ka nuda su maanaqih han!

  你想講別人的過犯時，先講你的過犯吧！
• Mnrngrang ka dxgal mu o hmaan mu qhuni do asi rrihi nraaw da.

  我的地原來是石子地，我種植林木後就形成森林了。
• Tnrowrak rhngun mu hini shiga o ga saw rowrak alang dha hida.

  昨天在我家門口吹牛的人，現在在別的部落吹牛了。
• Wada ptgrowraw qhuni mapa uqan rbuk mhuqil ka quli lupung mu.

  我朋友的養子因扛樹枝過勞而死。