查詢

句子 12,629 筆

• Iya psnphing sbiq yayung qmrak qsurux, hmuya ka mseupu mhing.

  不要為了阻斷河水支流抓魚的事起爭執，為什麼不一起阻斷。
• Phphani sangi binaw klaway sangi ga, ki kuxul na miyah spsik.

  給長喙天蛾看開的胡瓜花看看，他很喜歡來吸吮。
• Ga jiyax tmppihiq munuh ka ina mu o musa ku ramal ka yaku da.

  我媳婦在爲嬰孩餵奶時，我就先走了。
• Pgpiyung ghak trabus knan ka seejiq ki o bubu bi seiyax knan.

  那位給我枯掉的花生種子的人對我玩笑開很大。
• Ttpkeeru na pngahi qsurux endaan mu pngahi o mgkala ka nhiya.

  他又在我釣過魚的地方時，他釣的比我多。
• Mgpklug mu ppklug na glaqung dgiyaq gisu tmbalung ka tama su.

  你父親跟我一樣發現藍腹鷳正在生蛋。
• Tmnplawa sipaw ga shiga o ki bi saw hnang tama su, hiya huwa?

  昨天在對面叫的好像是你父親的聲音，是他嗎？
• Aji na eiyah mkan sari ka bowyak o plpnganay ta musa qburang.

  為了不使山豬來吃芋頭，我們要頻繁地去埋伏。
• Pplug mu qpuring tkurih nii trima o ensuwil kingal jiyax mn3.

  我發現一群竹雞在土浴，有時候一天三次。
• Asi kplutut yudun qsiya paah pusu bitaq sapah ka yamu 5 hiyi.

  你們五人就從水源接水管到家。
• Wada ptgplutut qnawal samaw sqama mhuqil ka tnhiyan mu qmpah.

  我同事因接電線而被燒死。
• Dmpnsuwit mgagu baga ka dhiya ga o paq bi uyas pgagu bhangan.

  那些用口哨吹紅頭綠鳩聲音的人聽起來很像紅頭綠鳩的叫聲。
• “mgpowri bhngil knshiya uqan ka powri qwarux” msa ka tama su.

  你父親說：「藤心像芒草心一樣吃起來美味」。
• Tmnpowri ku qwarux smbarig o ki sbgay mu pila samaw ni qsiya.

  我賣藤心是我拿來付水電費的。
• Kkpowsa su qlubung daya hiya o msaa su ska djima ga smlxi ha.

  你要是去上方那裡設置套腳陷阱的話，不要進到長竹筍的竹子園中哈！
• Pseanay ta ha qlubung ka qmpahan bunga baki ta daya hiya hug?

  我們祖父上方那裡的地瓜田，我們為他設置套腳陷阱好嗎？
• Ini pnegprana mhuma skuy ka alang hiya o tna lala endhiya da.

  那個部落不會擴大種植箭竹，他們的已經很多了。
• Gnprat mu lmaung ka bgiya o ini hrinas ana kingal ka bubu na.

  我很快速的燒虎頭蜂，連一隻都逃不掉。
• Knpsdka nami kkrana alang o ki sknbiyax na bi ka bukung nami.

  我們為了部落的發展比賽，我們的領袖為此事賣力的推行。
• Iya psnpskrut mkuy papak rudux kawa empgeeluk, psaun namu da!

  不要為了搶著要綁緊火雞的腳而爭吵，你們會讓它逃脫了！
• Iya psnpspdu swiji pspruq btunux ima namu ka mkla o kika usa.

  不要爲了點燃引線炸石頭而爭吵，你們當中誰會的就去。
• Tppspruq sqmu kana ka dhiya do pspruq ku buwax dhquy ka yaku.

  他們都爆玉米花時，我就爆糯米花。
• Mkmpungu ku gasil wahug towkan o “iya pungu isu” sun ku tama.

  我想結背網的背帶繩時，父親說：「你不要結。」
• Ini pnegpusu niqan qsiya ka alang o asi kari hghgan qsiya da.

  沒有水源的部落就挖水井了。
• Iya tpsui phiyug erut samaw qnawal embiyax ka kiyig sapah mu.

  不要把高壓電線桿豎立在我家旁邊。
• Wada sgpusut pnhdagan trabus tama na ka ina mu mha mk3 jiyax.

  我媳婦去跟著她爸爸堆積曬過的花生需要三天時間。
• Knpypuy nami huling mhraw rqnux o mk2 jiyax qlngun nami smbu.

  我們「Puy! Puy!」唆使狗追水鹿，第二天我們終於射中了。
• Pxlani peapa risaw su embiyax mapa ka kingal lubuy buwax nii.

  這一包米讓你那有力氣的兒子一次揹完吧！
• Iya psnqaguk lala ka nhiya ni msaang, ququ qmaguk ka isu uri.

  別為了他鏟的很多而生氣，你也盡量鏟。
• Qnqalu siyang sapah mu o wana haya ka jiyan mu pcsiyus damat.

  我家豬油多得只用豬油來炒菜。