查詢

句子 12,629 筆

• Tmnpulas ku layan snrhuqan dha o kingal jiyax 2 qaguk baga.

  我撿了他們遺落的綠豆，一天有兩個手掌之多。
• Mtgpungu tudu bukuy knrudan ka baki mu o ida embiyax bi na.

  我祖父老的脊椎都露出來，還是很硬朗。
• Wada ptgpusut qnqan kumay mhuqil ka kingal yami alang hiya.

  我們部落那裡有一個人因被熊攻擊身體縮著而死。
• Iya psnputung spriq empgeeluk, niqan lala naku, biqay misu.

  不要為了鼠麴草爭搶，我有很多，我給你。
• Tmnpxal ku mgriq tdruy huya ku riyax dowras do malax ku da.

  我有一次開車差一點墬崖，我就放棄開車了。
• Wada sqaba huling ka paru bi kntan siyang dnuuy laqi su da.

  你孩子手上拿的大塊豬肉被狗大口吃掉了。
• Iya usa ptgqala mssikul empgeeluk mhiyug babaw dowras hiya.

  別為了搶著站在懸崖的上方凝視互相推擠。
• Qqala namu mhiyug qmita malu qtaan o iya hiyug babaw ngahu.

  你們站著凝視欣賞風景時，不要站在懸崖上。
• Mqmqaraw ku djima psrajing mu mtahu ka kingal jiyax sayang.

  今天一天我要撿竹枝用來生火。
• Tnqcilus dxgal kha ga o hiya ka ga huma lala bi qhuni dara.

  那麼多溼地的主人，他種很多茄苳樹。
• Gmqcinuh xiluy marig ka hiya o sapaw na tdruy mapa qngqaya.

  他買鐵板是要鋪在貨車上的。
• Kingal iyax sngayan qdalan mu mn3 rudux ka baki ni payi mu.

  我一週三次給我祖父母吃雞。
• Qdlaanay ta lupung mniyah Mgay Bari ka 2 knthuk babuy gaga.

  我們把那兩隻公豬在感恩祭時，殺來給客人吃。
• Qtuyi bgihur paru binaw kciyan masu ga, kasi nqhnga kana o!

  收割小米季節如有颱風預兆時，大家都會驚惶不安。
• Kmnqpulah ku qmita ka ququy dgiyaq ga o kla ga bungan huda.

  我把那山峰看作是光禿的，原來是被雪覆蓋。
• Pqplahun bi sunu ka qmpahan su daya hiya o saw bi smkrawah.

  你那上方的田地可能會被坍方成光禿，真可惜。
• Empsqpuring nami mniq mhiyang ga ka yami kingal pusu rudan.

  我們一個祖先要聚居在那山腹的地方。
• Iya psnqpuruh ratuk babuy msbrabang, hmuya ka tgdhaan namu?

  不要為了整塊豬板油而爭執，你們分一半不可以嗎？
• Wada ptgqral uqan busuk mtucing dowras ka kingal yami hiya.

  我們那裡有一個人因為酗酒打瞌睡墜落懸崖而死。
• Qriyaw mu mubung kaji yaku ka sipa payay aji eekan pspisaw.

  我要用網子來遮蓋秧苗，避免被麻雀吃掉。
• Iya psnqtul qhuni empgeeluk babaw dowras, mriyax namu hida!

  不要在懸崖上搶著砍樹，你們會墜崖喔!
• Sari su ga dgiyaq hi o ida qlahun mkan bowyak, kaway binaw.

  你在那座山的芋頭一定會被山豬翻土吃光，你等著瞧。
• Gnqupax na mimah 5 lungaw sinaw ka skbusuk na kingal jiyax.

  他醉了一天是把五瓶酒喝得精光。
• Ppququh su peapa emaan kiya qmagas gnabul su brunguy ga ni?

  你裝在背簍凸出的薯莨要請誰揹？
• Qulung hbkan rulung mgrbu ka ququq dgiyaq do ida qmuyux da.

  早晨只要山峰被雲覆蓋時一定會下雨。
• Pgquri knan daya dxgal ka tama mu “kika pstbiyan mapa” msa.

  我父親給我上方的地說：「這樣下坡背東西很輕鬆。」
• Ttquri na dgiyaq qmpah ka seejiq ki o ini skila breenux da.

  那經常朝向山上工作的人，不適應平地了。
• Tmnquwaq ku bling arung pha tlayan qngqslan o tjiyal balay.

  我在穿山甲的洞口設置鐵鋏陷阱容易夾到。
• Ttquwaq na rangah qhuni smbu rapit ka baki mu o nhiya kiya.

  我的祖父經常在樹的洞口射飛鼠，是他的本事。
• Sknraaw mu seejiq rmngaw ka hiya o kla su ha ita nak Truku.

  我把他當作外人來交談，原來是我們自己太魯閣族。