查詢

句子 16,254 筆

• Wada emprut hari ka mllabu narux nbuyas mu da.

  我的腹腫病已經有點消了。
• Psghaw ta qmburung ka payay, sklaun bgihur da.

  要趕緊去收割稻米，會被颱風趕上了。
• Ga ptgpshnuk midaw masu sqama baga ka bubu su.

  你的母親因煮軟小米而燙到手。
• Qmpshuriq su quyux qmpah o ini su keisug muda?

  你想淋雨去工作不怕會感冒嗎？
• Psjilan mu cih ka btunux do ki sntrutug na da.

  我把石頭稍微抬高時就滾下去了。
• Wada sgpslumux qmlubung lupung na ka risaw mu.

  我的兒子跟著朋友去一個一個設置套腳陷阱。
• Dmpsmlux mkan seejiq ga o smiyus msa ka rudan.

  老人家說那無緣無故打人的是禁忌。
• Dmpspadaw qngqaya seejiq qrinut ka dhiya gaga.

  他們是送禮給貧窮的人。
• Wada sgpspadaw bnegay Qpahan alang ka laqi mu.

  我孩子去領地方政府送的禮物。
• Pspdaga su ana manu uqun ka seejiq empdawi ha!

  不要捐助任何物資給懶惰的人。
• Spsru mu kari lqian ka yaku o kkmalu nuda dha.

  我教訓孩子是爲了他們有好的行為。
• Musa su qmita wauwa o wada namu pstuq kari da?

  你去提親的事，你們談妥了嗎？
• Wada su pstuq gaya ka pnklaan kari laqi su da?

  你孩子違反男女之間禁忌的事，你為他做贖罪儀式了嗎？
• Gmpstuq ku kari wauwa do ki pnrngat mu uri da.

  我和女方訂情談妥後就殺豬了。
• Gaga mkeekan ka kuyuh o nptgaliq su ka isu da.

  婦女們在打架時，你應該勸架才是。
• Ini tduwa sqnptgaliq ta laqi mkeekan ka rudan.

  不能用對老人勸架的方式來對小孩子勸架一樣。
• Tpptgayaw tahut mnhdu mhapuy kana ka dhiya da.

  飯煮好了，他們都移開火源。
• Ma su maapudu dowriq da, uxay su aji nkiya ga?

  你怎麼變成白內障了，你原來不是這樣的啊？
• Kpduan ka kacing mu do naqih ddulan msakur da.

  我的牛得視障就很不好牽來犁田了。
• Mkmpulas ku kasig idaw ka tabug mu wawa rudux.

  我想取碎鍋巴來餵小雞。
• Gplasan na mgay samat ka rudan do teuqu balay.

  他拿碎的獵肉給父母時，他們會很嘔氣喔！
• Gplasi isu ga tmabug rudux ka kasig idaw gaga.

  那碎鍋巴你養雞的拿去。
• Gplasun mu yaku rudan ka luqi kacing gaga hug?

  那碎牛腦讓我這老人家取好嗎？
• Gasil snuyuk su o pngui tqring, mha mtbrih da.

  你編的繩子末端要綁結，不然會鬆開。
• Spurik ka qmpahan mu do ini ku phuma bunga da.

  我田裡的甘藷蟻象多時，我就不種地瓜了。
• Pnusi na ka ciwi mu o sqsiqa na miyah mgay da.

  他把我的水壺弄扁，他不好意思的來還。
• Psian su ka limuk do mduuy su manu hmangut da?

  你把湯鍋弄扁的話，你要用什麼煮湯了呢？
• Nii ku tmppusiq payay mu pha sapuh kkdakil na.

  我在矮小的稻子施肥，使它長得好。
• Ini pnegputut quri euda ka seejiq o ura nanak!

  行事不笨拙的人令人羨慕！
• Mnpxal ku daan mnarux paru ka hngkawas sayang.

  今年我患了一場大病。