查詢

句子 7,959 筆

• Lhlihun su ka seejiq kiya o hiya ka wada mgay kana pnspuhan su snduray o!

  你所欺負的那個人，上次他幫你付所有的醫藥費喔！
• Ppnama na mhapuy uqun gbiyan ka qmbsranan mu laqi kuyuh o ki stmaan nami.

  我的大女兒經常煮晚餐，我們很依賴她。
• Nrwaanay misu ha smpung qmita ka wauwa ggtgut sapah mu hiya, sita smruwa?

  我幫你常去試著看我家隔避那裡的小姐，看她願不願意？
• Tppais msa kana do embrbur kana ka alang da, 3 ka pais tlbuan nami qmrak.

  都在說有敵人的時候整個部落都騷動，有三個敵人被我們圍捕俘虜。
• Muda maanaqih nkari na nanak ka seejiq o mdka huling mkan duri pnbrih na.

  那個講話打自己嘴巴的人，像狗一樣又回頭吃吐的穢物。
• Qulung su pgrahuq lupung mniyah o wana ha niyah na sapah su ka lupung da.

  只要你得罪朋友的話，你的客人大概也只來你家這一次了。
• Iya psnplawa knan ini ku iyah msaang, saw isu ana splawa ini iyah uri ga!

  不要爲了你叫我不來而生氣，像你一樣叫你來也不來啊！
• Ppmblux misu haya ka tdruy qapi o tgmalu bi hana mntmay paah klwaan isil.

  我替你訂的是剛從國外進口最好的轎車。
• Msnpring ku wana yaku giman na pring ka seejiq ki o huya mu psai baga da.

  我爲了那人專找我的把柄，我差一點動手了。
• Emprpaw ku qmburang brihut mkan bsrux msa su o asi su ka kndadax csmanan.

  你想在破曉埋伏松鼠來吃構樹果的話，你必須在凌晨就出發。
• Pdungi binaw hana bgurah bi ni mkan bi pucing entama su, sita suna hyaun?

  把你爸爸很新又很利的獵刀弄斷看看，看他會把你怎樣？
• Kana qqbulit tahut ga o qbulit rnguung ka psbhgay bi waray cinun sphapuy.

  那所有火灰中用山黃麻火灰煮的織線最白。
• Kana qqnahur ga o nhuma tama mu psbragun na pkmalu dxgal hmaan na trabus.

  那所有勞豆，是我父親為了把它腐化改良土壤來種花生。
• Tmnqsahur ku msiyang bi ruru paru mkan ka sgbiyan o kmsiyi ku ana sayang.

  昨天晚餐我吃了很肥的鵝內臟，到現在我還感覺很噁心。
• Iya psnqumi spriq phdu qmpahan su meuwit qmita, dnwian su nanak ini qpah.

  你不要因咸豐草長滿你的田地覺得累，是你自己懶惰不除草。
• Msnquru ku bi ini kdakil babuy mu ana sbliqan tmabug do ki knrut mu kida.

  因我好好養的豬越養越長不大時，我就宰了。
• Gmnquta ku meysa usik qapal seejiq ki o kla su ha ana cimu ungat ka hiya.

  我向那個人要生薑時，原來他連鹽巴都沒有。
• Saw nii hmut isu nanak ini kmseupu lnglungan su o asi kraaw paah hini da.

  你這樣自私不團結，乾脆離開成外人。
• Tmnramil ku kakaw snalu qhuni knduun o ki kana krmilan dha ka alang hini.

  我製作白木樹的木屐，我們所有部落的人都在穿。
• Ga nami kmrana smlabang gmeelug eusa qmpahan ka sayang o mtbiyax nami ba.

  現在我們在拓寬往田裡的農路，我們很忙。
• “Mha ku sgrana euda alang hiya” msa su o asi su ka kmbiyax nanak isu uri.

  你說：「我要跟著去發展那部落」，你自己也要努力。
• Ungat ka ranaq putung ayang han o gmnranaq putung bali ka psrajing mtahu.

  打火機還沒有時，我用了火柴來起火。
• Trreyray hnyigan kana ka laqi qbsuran mu kuyuh o tqquduh kana ka laqi mu.

  我姊姊的孩子各個都身材消瘦，而我的都是結實。
• Trrimu tnrqdug kana ka pgaaw bukung ga o ungat ana kingal ka qmpah alang.

  競選領袖都在行賄的那些人，沒有一個真正的服務部落。
• Gmrulung ku qquyux ka keeman musa mgsbu rapit o ungat ana kingal buan mu.

  我趁晚上起烏雲時去射飛鼠，連一隻都沒有射中。
• Nrusaw su ana kingal libu ka hmaan payay dhquy da, ma ta aji emphlama da!

  你應該整平至少一分地的水田插糯米秧苗，我們不能搗糯米糕了！
• Ini pnegruwan kingal ruwan sapah lnglungan na ka ina do mgburux nanak da.

  他媳婦的心和一家人不合時就分家了。
• Sru cikan payay ka sqriun su o iya kbbaraw nanak ka squri, skrii llbu uri.

  削製木杵不要只削製長的，也要削製短的。
• Qulun mhada ka kjiyut dga, asi kbsiyak qbhni nanak bhangan ga mkan kliyut.

  桑樹成熟了只聽到小鳥在爭相吃桑果的聲音。
• Saw ni tgblaiq su ka sayang o ini saku bi cih dmuli ana 1 pungu waray wah.

  你現在這麼富足，卻連一把麵都不給我。